روس وايي په دونېسک سیمه کې يې د اوکراین حمله تمبولي ده
روس د ګل، دوشنبې، په ورځ وویل چې ځواکونو يې د اوکراین په جنوب کې د دونېسک په سیمه کې د اوکراین لویه حمله په تمبولي ده.
د ګل، دوشنبې، په ورځ به د امریکې صدر جوبایډن په واشنګټن کې د ډېنمارک وزیراعظم مېټ فرېډرېکسن سره ملاقات کوي. توقع ده چې په ملاقات کې به اوکراین سره د مرستې او په ډېنمارک کې د اوکراین د پایلټانو د تربيې په اړه هم خبرې وشي.
د روس د دفاع وزارت وویل د اوکراین د حملې مقصد په محاذ کمزوری ځای وهل وو خو اوکرایني ځواکونو کامیابي ونه موندله.
دونېسک په د اوکراین په هغو علاقو کې شامل دی چې روس نیولي او صدر پوټن تېر کال په روس کې د ضم کولو اعلان يې کړی.
د وي او ای رپورټ وايي دا نه معلومه چې روس په دونېسک کې د کومې حملې خبره کړې دا هغه جوابي حمله ده چې اوکراین يې د ډیر وخت راهسې منصوبه بندي کوي چې هغه علاقې بېرته واخلي چې روسي ځواکونو نيولي دي.
د اوکراین پوځ د جنګ په اړه خپل روزانه رپورټ کې په دونېسک او لوهانسک سیمو کې د ۲۹ جګړو ذکر وکړو.
د اوکراین صدر ولادومېر زېلېنسکي د هرې ورځې شبینه تقریر کې د اتوار، يکشنبې، په ورځ وویل چې هغه ماشومان دې یاد وساتل شي چې په اوکراین د روس په یرغل کې وژل شوي دي.
هغه وویل د روس په حملو کې ۴۸۵ ماشومان وژل شوي دي.
هغه وویل ۱۹۵۰۵ ماشومان روس ته بوتلل شوي دی او اوس هم د هغه په قول د دښمن په لاسونو کې دي.
روسي چارواکي وايي ملکي خلک نه په هدف کوي.
یادونه: د دې خبر معلومات د ای پي، روېټرز او ای اېف پي خبري ادارو نه اخیستل شوي دي
