ټول   BBC ازادي راډیو امریکا غږ ډیوه


پاکستان: حکومت د پي‌ ایي ای پوځي مشر موده درې کاله زیاتولو او ۲۸ پاېلټانو د لری کولو فیصله کړی

په یو داسې وخت کې چې د پي ايي ای په چارواکو او کارکردګۍ په هېواد کې دننه سختې نیوکې روانې دي او بهر نړۍ د ادارې په اړه تحفظات څرګندوي، مرکزي حکومت د پي ايي ای پوځي مشر ائېر مارشل ارشد محمود ملک د عارضي نوکرۍ موده نوره درې کاله غځولې ده.

08.07.2020 ډیوه

د امریکا د بهرني زده کوونکو دپاره په نوي پالیسۍ زده کوونکو اندیښنې ښودلي

د اسنټيټيوټ اف انټرنېشنل ايجوکېشن د شمېرو ترمخه د تعليمي کال 19-2018 د پاره د يو ملين نه سوه زده کونکي د نړې نورو ملکونو نه امريکا ته راغلي وو او د امريکا په لوړو زدکړو کې د دوی شرح 5.5فيصده جوړېده

08.07.2020 ډیوه

اسلام آباد هايي کورټ په اسلام اباد کې د مندر د جوړولو پرضد خواستونه رد کړي

د اسلام آباد هايي کورټ د نهې په ورخ په پایه تخت اسلام اباد کې د هندوانو د یو نوي مندر د جوړیدو پرضد جمع شوي درې خواستونه غیر موثره ګرځولو وروسته رد کړي دي. عدالت د دغه خواستونه ورکونکو دا دریځ هم رد کړی چې د اسلام اباد ماسټر پلان کې د مندر جوړولو لپاره مځکه نه وه ټاکل شوې. عدالت دا خبره هم په ګوته کړې چې حکومت د مندر د جوړولو دپاره د حکومت پیسې د کارولو موضوع د هېواد اسلامي نظریاتي کونسل ته وړاندې کړې او د اسلام نظریاتي کونسل د نظر وروسته به دا پرېکړه وکړي چې آیا حکومت یې د ریاست په پیسو مندر جوړولائ شي که نه. د پاکستان مرکزي حکومت په اسلام اباد کې میشت د درې زرو نه زیات هندوانو دپاره د اسلام اباد په ایچ ایټ سیمه کې د مندر جوړولو منظوري ورکړی وه. خو د هېواد اکثریتي مسلمانانو د ځینو اسلامي مذهبي مشرانو او په حکومتي ایتلاف کې شامل مسلم لیګ (ق) د سخت مخالفت وروسته د مندر جوړولو د معاملې نه پشا شوی دی او عدالت ته یې ویلي چې حکومت تراوسه د مندر جوړولو دپاره یوه روپۍ هم نه ده ورکړی.   د اسلام نظریاتي کونسل مشر یا چیرمین ډاکټر قبله ایاز ډیوه ته ویلي: ” موجوده مسله چې په اسلام اباد کې د مندر قیام دی، مونږ ته دا سوال راغلی دی چې حکومت دوی ته فنډز ورکولائ شي او که نه؟ دا کېس (سوال) پرون مونږ ته راغلی دی او مونږ خپل شعبه تحقیق ته حواله کړی دی. مونږه غواړو چې د دې په حواله مختلف مواد راغونډ کړو ، نور ملکونو کې ددې په اړه څه پالیسۍ ده. اسلامي نقطه نظر په دې حواله څه دی، یقینا امید دې چې زمونږ شعبه تحقیق به په مناسب وخت په دی خپل نظر ورکړي“. په پاکستان کې میشت د هېواد ټولو لوی اقلیت کې د دغه معاملې له وجې ناقراري لیدل کېزي. تېره ورځ د پاکستان قومي اسمبلۍ غړي کهیسو مل کوهستانې ډیوه  ته ویلي وو چې د هېواد په ایین کې دوی ته د برابرۍ حق ورکړل شوی نو بیا ولی دوی د مندر د جوړولو ته نه پریښودول کېزي.   د لږکیو ترڅنګ د پاکستان د مدني ټولنۍ فعالین هم د مندر په معاملې راوچت شوي دي او د مندر بناو (مندر جورکړی) په نامه یو د احتجاج یو تحریک د پيل کولو اعلان کړی دی. د مدني ټولنې فعالې عصمت شاهجهان ډیوه ته وویل چې لږکي د اساسي قانون سره سم د خپل د عبادت ځایونه جوړوي او حکومت باید دوی ته اسانتیاوې او امنیت ورکړي. په اسلام اباد کې د مندر جوړولو پرسر په نورو ملکونو کې هم غبرګون مخې ته راځي او د هند د ولقې لاندې د کشمیر پخوانۍ وزیراعلی او سیاست مدارې محبوبه مفتي په خپل ټویټر د پاکستان حکومت له خواپه اسلام اباد کې په مندر د کار ودرولو په فیصله سختې نیوکې کړې دي او دا یې غیر اخلاقي او د اسلامي نظریاتي ریاست پرضد ګرځولی ده. د بخښنې نړیوال سازمان پر پاکستاني چارواکو ټینګار کړی چې هندوانو ته د مندر جوړېدو اجازه ورکړي. په لندن کې موجود د بشري حقونو دې نړیوال تنظیم ایمنیسټي انټرنېشنل د جولای په 7مه په یو ټویټ کې لیکلي: "د پاکستان په آیین او نړیوالو ذمه واریو کې دا ضمانت ورکړل شوی چې [په دې هېواد کې] هر څوک د مذهب او عقیدې د ازادۍ حق لري، د هندوانو د مندر جوړېدو کار درول د عقیدوي تعصب یو بې جوازه عمل دی چې سمدستي باید بیرته کار ورباندې پیل شي". د رپوټونو له مخې د پاکستان مسلم لیګ نواز ګوند حکومت په 2017م کال کې هندوانو ته د اسلام اباد په ایچ-9 برخه کې مځکه ورکړې وه، چې دوی به ورباندې د خپل لومړي مندر تر څنګ شمشان ګاټ [سوځنتون]، د ټولنې هال، د خلکو د اوسېدو ځای او پارکنګ هم جوړاوه. د واکمن تحریک انصاف ګوند سره تړاو لرونکي د بشري حقونو پارلماني سیکرټري لال چند ملهي د تېر جون میاشتې پر 23مه د دې مندر جوړېدو د بنسټ ډبره ایښې وه، ښاغلي ملهي وي او اې ته ویلي وو چې د پیسو د نشتوالي له کبله د دې مندر کار ځنډېدلی وو. د وزیراعظم عمران خان د تحریک انصاف ګوند حکومت په روان کال کې د شري کرشنا په نوم د دې مندر جوړېدو لپاره د سل میلینه (۱۰ کروړه) روپیو منظوري ورکړې وه، خو ځینو مذهبي مشرانو او سیاستوالو یې کلک مخالفت وکړ، چې په هغوی کې د حکومت اتحادي مسلم لیګ ق ګوند هم شامل دی. د یادونې وړ ده چې د پاکستان په شاوخوا 21 کروړه ابادي کې اته میلینه د هندوانو دی چې ویل کېږي په هغوی کې درې زره یې په پایتخت اسلام اباد کې ژوند کوي.

08.07.2020 ډیوه

پاکستان دعوا کړیده هندي جاسوس کلبهوشن یادیو د خپلې مرګ د سزا خلاف اپیل نه کول غواړي

پاکستان ويلي دي هندي جاسوس کلبهوشن یادیو د خپلې مرګ د سزا خلاف اپیل نه کوي. د پاکستاني مطبوعاتو تر مخه د پاکستان د حکومت چارواکو دعوا کړېده چې په هیواد کې قېد هندي جاسوس د خپلې مرګ د فېصلې په ضد اپیل نه کول غواړي.   کلبهوشن ته په پاکستان کې د هند لپاره د جاسوسۍ په تور کې پوځي عدالت د مرګ سزا اورولې ده. د مطبوعاتو تر مخه په اسلام اباد کې د پاکستان د باندینو چارو د وزارت چارواکي زاهد حفیظ مطبوعاتو ته وویل چې پاکستان د امن د نړیوال عدالت د فېصلې په رڼا کې یادیو ته د خپل هیواد د نماینده ګانو سره د لیدلو اجازت ورکړی وو او هغه ته یې اجازت ورکړې ؤ که د خپلې سزا په ضد وغواړي نو د اسلام اباد په ستر عدالت کې اپیل کولی شي. البته زاهد حفیظ دا وویل کلبهوشن د خپلې سزا په ضد د رحم کولو ارزومند دی. د پاکستان په دغه بیان تر اوسه د هند لخوا کوم غبرګون نه دی ښودل شوی. د پاکستان دعوا ده کلبهوشن د هندي سمندري ځواک افسر دی او هغه د هندي خفیه ادارې را لپاره کار کولو خو هند دغه تورونه ردوي. هند واي کلبهوشن د نیوي ځواک پخوا پرېښودی ؤ او د را سره هیڅ تعلق نه لري. د هند دپاره په جاسوسۍ تورن کلبهوشن ياديو په اړوند د انصاف نړیوال عدالت  تېرکال خپله فېصله اورولې او ويلي يې ؤ چې په جاسوسۍ تورن هندي وګړی کلبوشن یاديو ته ورکړل شوې د مرګ سزا ته دې بیا له سره کتنه وکړي او دا چې ورته ډیپلوماټي لاس رسی ورکړي. د هندوستان خارجه وزارت د نړيوال عدالت دا حکم ستايلی ؤ چې پاکستان ته يې امر کړی چې د ياديو په اړه شوې د پوځي عدالت فېصلې ته دې بيا کتنه وکړي، او د ويانا کنونشن د تړون لاندې دې نوموړي ته سفارتي لاس رسی ورکړی شي. نړیوال عدالت ويلي د ویانا د تړون د 36 مادې له لاندې دې د ښاغلي یاديو حقونه خوندي وساتل شي. که څه هم هند ډېره تمه لرله چې نړېوال عدالت به دغه سزا وځنډوي او هم به کلبوشن یاديو ته دا اجازه ورکړی چې خپل هېواد ته ستون شي، خونړيوال عدالت پخپله فېصله کې د هندوستان دغه غوښتنې ونه منلې.

08.07.2020 ډیوه

پنجاب: پوليس ويلي د داعش درې ترهګر يې نيولي دي

د پاکستان په پنجاب صوبه کې پوليس دعوه کړې ده چې د ترهګرې ډلې داعش درې ترهګر يې نيولي دي.

08.07.2020 ډیوه

کندهار: د پوليس مرکز مخې ته په ځانمرګي بريد کې لږ تر لږه درې پوليس وژل شوي

د افغانستان د جنوبي ولايت کندهار په شاوليکوټ ولسوالۍ کې د پوليس د مرکز مخې ته په ځانمرګي بريد کې لږ تر لږه درې پوليس وژل شوي او د 14 پورې کسان ژوبل شوي چې پکې عام ملکي وګړي هم شامل دي.

08.07.2020 ډیوه

په پاکستان کې کرونا وايرس نور 83 کسان مړه کړي

په پاکستان کې په تېر شوا روز کې کرونا وايرس نور 83 کسان مړه کړي دي، په ملک کې د کرونا وايرس څخه د مړه ټوله شمېره 4922 ته رسېدلې ده.

08.07.2020 ډیوه

امریکا په رسمي توګه د صحت نړيواله اداره پرېږدي

سپينې ماڼۍ په رسمي توګه د صحت نړيوالې ادارې ته خبر ورکړی چې د صحت د نړیوالې ادارې د تنظيم څخه ووځي، باوجود د دې چې په امریکا کې د کرونا وبا خوريږي او نوې پېښې مخې ته راځي.

08.07.2020 ډیوه

افغانستان کې د سولې لپاره باېد افغان حکومت او طالبان نرمي وښايي – سیاسي څېړونکي

د افغانستان د چارو څېړونکي وايي د امریکا او طالبانو ترمنځه د لوظنامې وروسته اوس د سولې د بین الاافغاني خبرو دپاره په کار ده چې باېد دواړه خواوې په خپلو دریځونو کې نرمي وښيي. د افغانستان د ولسمشر محمد اشرف غني وياند صدیق صدیقي د ګل/ دوشنبې په ورځ ويلي د طالبانو لخوا حکومت ته د ورکړی شوي ۵۰۰۰ طالبانو په فهرست کې شامل قریب ۶۰۰ تنه نه خوشي کوي او دریځ یې خپل کړی چې  دغه بنديوان د بېلابيلو جرمونو په تورونو کې نيول شوي د طالبانو سره یې کومې اړیکې نشته. خو د طالبانو وياند سهېل شاهين په يو ټويټ کې ویلي، د طالبانو د مذاکراتي ډله  بېن الافغاني خبرو ته ژمن دي  خو چې کله د بنديانو خوشي کېدل مکمل شي. په اسلام اباد کې د افغانستان د چارو کارپوه او خبریال طاهر خان د وي او اې ډیوه په خپرونه کې وویل چې یوه خبره اوس څرګنده شوې ده چې امریکا د افغانستان نه د وتلو مهال وېش اعلان کړی او عمل یې پرې هم پېل کړی دی. اوس د سولې خبره افغانانو ته پاتې شوې ده. طاهر خان وايي که افغان حکومت او طالبان د بندیانو خوشې کولو په اړه پخپلو دریځونو کلک وي نو دی نه ویني  چې بین الافغاني خبرې به پېل شي. هغه وویل که افغان حکومت انس حقاني دهغه ماما مالي خان او ورسره د حقاني ډلې حافظ عبدالرشید د زندانه خوشې کولی او بیا انس حقاني په خصوصي الوتکه کې قطر ته وړلی شي نو د باقي طالب بندیانو خوشې کولو کار به دومره مشکل جوړ نه کړي. طاهر خان د ټولو بندیانو خوشې کولو وروسته د بېن الافغاني خبرو اترو پېلولو په اړه د طالبانو دریځ ناسم بلي او وايي په دغه خبره افغان حکومت ځکه ګرم او ذمه وار نشي ګڼلی کېدی چې حکومت خو تر ۳۵۰۰ زیات طالب بندیان خوشې کړي دي باېد نور طالبان  هم نرمي خپله کړي د باقي پاتې بندیانو مسله په خبرو اترو کې هواره کړي. طاهرخان زیاتوي چې افغان حکومت او طالبانو له به د جنګ له  سوچ نه راوتل او د سولې فکر خپلول وي. ګنې که نرمي نه ښايي نو بیا به جنګ یاتېږي.   د کابل پوهنتون استاد او سیاسي څېړونکی اسماعیل یون وايي چې د سولې په لړ کې په تېرو پنځلسو کلونو کې د سولې لپاره یوازې عالي شورا، د سولې وزارت او اوس دسولې او ملي مصالحې عالي شورا غوندې ادارې جوړې کړی شوې او ورله داسې جنګي سالاران یا د طالب مخالفه مشران یا بیا غېر مسئوله ذمه واران وټاکلی شول چې هغوي د سولې په لړ څه هم کار ونکړی شو. د ډیوه روانو چارو په خپرونه کې څېړونکي اسماعیل  یون وویل چې دده په فکر د سولې لپاره همېشه جرګه ماران کار کولی شي جنګ سلاران دا عمل په وړاندی نشي  بوتللی.  اسماعیل یون  د خپل دریځ په دلیل کې وايي  کوم خلک چې داوخت په واک کې دي هغوي به سوله نه غواړي ځکه چې دوي به ګڼي  د واک موده به یې ختمه شي. دغه رنګه طالبانو کې هم کېدی شي داسې خلک وي  چې د سولې په روان بهیر به جوړه خپله دبدبه دلاسه نه ورکول غواړي.   نن د نهې ـ سه شنبې په ورځ  دافغان دولت په کوربه توب د چین، پاکستان اؤ افغانستان ترمنځ درې اړخیزه ویډیوي غونډه شوې ده چې پکې د طالبانو نه غوښتنه شوې  باېد د تاوتریخوالي په کمولو سره بین الافغاني خبرو او  اوربند ته لاره هواره کړي. تر دې یوه ورځ وړاندې هم کابل کې په افغان سوله د سیمه ییزې اجماع پیاوړې کولو دپاره همدغسې یوه غونډه شوې وه چې پکې دبین الاافغاني خبرو په زر پیلولو ټینګار شوی ؤ.

07.07.2020 ډیوه

د پاکستاني سیاستمدار حیرانتیا – پاکستانۍ روپۍ ولې د افغانۍ په وړاندې قدر بایللی؟

د پاکستان حکومت د یو مخالف ګوند مسلم لیګ ن مشرانو خواجه آصف او احسن اقبال د پاکستان تحریک انصاف په تګلارو سخت تنقید کړی دی او په دې یې حیرانتیا ښودلې چې د افغانستان او یو شمېر نورو ګاونډیو ملکونو کرنسۍ لا د پاکستان له کرنسۍ (روپۍ) نه قدرمنې دي. د مسلم لیګ – ن ګوند یو جګپوړي غړي احسن اقبال د عمران خان د تحریک انصاف حکومت په ملامتولو سره ویلي: "د نیپال معیشت له مونږ نه مخکې دی، حتی دا چې اوس د افغانستان کرنسي هم له مونږ نه مخکې (له روپۍ نه ګرانه) ده." هغه زیاته کړې ده چې د پاکستان تحریک انصاف د حکومت غلطو تګلارو له وجهې، د پاکستان معیشت د تباهۍ په لور روان دی. دا وخت یوه پاکستانۍ روپۍ، د نیمې افغانۍ نه هم کم ارزښت لري او په کابل کې ۱۰۰۰ پاکستانۍ روپۍ په شاوخوا ۴۶۰ افغانیو اړول کیږي. مګر د پاکستانۍ روپۍ په وړاندې د افغانۍ د ارزښت لوړېدل کومه نوې خبره نده او له تېرو څه باندې لسو کلونو راهیسي د افغانستان کرنسي د پاکستان پر کرنسي اوچته ده. که څه هم په دې موده کې افغانۍ او روپۍ هېڅکله سره برابر شوي ندي او افغانۍ لوړه پاته شوې ده، خو د یادولو وړ ده چې په دې وروستیو درېیو کلونو کې د افغانۍ په مقابله کې د پاکستانۍ روپیو قدر نور هم زیات کم شوی دی.  که د افغانستان او د پاکستان د کرنسیو له مقابلې نه تېر شو، دا خبره هم د یادولو وړ ده چې دغو دواړو کرنسیو د امریکایي ډالر په وړاندې خپل قدر بایللی دی. په ۲۰۱۲ کې یو امریکایي ډالر له ۴۳ افغانیو سره برابر و، خو اوس ۷۷ افغانیو ته رسېدلی دی. همداسې په ۲۰۱۲ کال کې د یو ډالر قیمت په پاکستان کې شاوخوا ۸۵ روپیو ته رسېده، خو اوس یې خبره ۱۶۸ ته ختلې ده. بیا هم که وکتل شي، په دې موده کې د پاکستان کرنسۍ د ډالرو په مقابله کې خپل نیم ارزښت له لاسه ورکړی، خو د افغانستان کرنسۍ لا نیم ارزښت له لاسه ندی ورکړی.  دا چې افغانستان په دې موده کې څنګه وکړای شول چې خپله د کرنسۍ بیه جګه وساتي، د اقتصادپوهانو په وینا یوه وجهه یې کیدای شي دا وي چې افغانستان د پاکستان غوندې غټې نړېوالې قرضې نه لري او بل دا چې ورسره زیاتې خارجي مرستې هم کیږي. که څه هم د ډالرو په مقابله کې د پاکستان د کرنسۍ بیه له زیات وخته په ټيټېدو ده، مګر له ۲۰۱۸ کال راهیسي یې د قدر په کمېدو کې تیزي راغلې ده. روپۍ د تېر حکومت په نسبت په اوسني حکومت کې پرله پسې مخ په کښته لوېږي چې اوس یې ارزښت تر بل هر وخت کم شوی او تېره هفته د یوه امریکایي ډالر په بدل کې د یوې روپۍ بیه 168.91 ته راولوېده. د اقتصادي چارو کارپوهان وایي د روپۍ د ارزښت کمېدو یو سبب د پاکستان پر مرکزي حکومت د بهرنیو قرضو د ادا کولو فشار دی.

07.07.2020 ډیوه

پاکستان اؤ چین په جهلم سیند د یو نیم ارب ډالرو په لګښت دبندجوړولو تړون لاسلیک کړو

د پاکستان او چین تر منځه د 1.5 اربه ‌‌‌‌‌‌ډالرو یو تړون لاس لیک شوی چې له مخې به یې دپاکستان په جهلم سیند ازاد پتن سیمه کی د اوبو بند جوړولی شی او حکوکت وائي دا به د چین پاکستان. اکنامک کوریډور یا اقتصادي لارې برخه وی. 

07.07.2020 ډیوه

ننګرهار:بمي چاودنه کې څلور سیمه ییز پولیس وژل شوي

دافغانستان ختیر ولایت ننګرهار کې دځایي پولیسو دیو مشر موټر په بم الوځول شوی چې دچارواکو په وینا دغه پېښه دپولیسو سیمه ییز مشر اؤ دهغه درې ساتونکي وژل شوي اؤ دوه نور پولیس ژوبل دي.

07.07.2020 ډیوه

دافغان دولت په کوربه توب غونډه کې چین اؤ‌ پاکستان په طالبانو د اوربند غږ کړی

چین،پاکستان اؤ افغان دولت په طالبانو غږ کړی چې افغانستان کې دامنیت تامینولو دپاره باید تاؤ تریخوالی راکم کړي اؤ اوربند ته دې غاړه کښیږدي.

07.07.2020 ډیوه

کراچۍ: د بلديه په کارخانه د اورلګېدو پېښه تخریب کاري او ترهګري وه، د اېم کيو اېم د حماد صديقي په وېنا شوې، جی ايي ټي رپوټ

په کراچۍ کې په کال 2012م کې په کارخانه د لګيدلي اور په اړه خپور شوي پلټنيز (جی ايي ټي) رپوټ کې ویل شوي "په کارخانه د اور لګېدو پېښه پلان شوې تخریب کاري او د ترهګرۍ پېښه وه".

07.07.2020 ډیوه

پاکستان: 24 نيوز ټیلي ويژن بند، 1000 کار کوونکي بې روزګاره شو

په پاکستان کې د الیکټرانک ميډیا د کنټرول او څارنې ادارې (پېمرا) د جمعې په ورځ د شخصي ټیلي ويژن چېنل (24 نيوز) لائسنس معطل کړی، او له دغې وروسته د چېنل انتظاميې چېنل بند کړی او د 965 کار کوونکو د نوکريانو ختمولو اعلاميه يې خپره کړې ده.

07.07.2020 ډیوه

OK
This site uses cookies. By continuing to browse the site, you are agreeing to our use of cookies. Find out more