ټول   BBC ازادي راډیو امریکا غږ ډیوه


د چارسدې بسراجه بي بي وايي د خاوند او بچو د کلونو په خوارۍ جوړ د دوو کوټو کور يې سېلاب تباه کړو

بسراجه بي بي وايي د خاوند او بچو د کلونو په خوارۍ مزدورۍ یې دا د دوؤ کوټو کور جوړ کړی و او د کور د استعمال سامانونه په خوارو زارو اؤ زړه چاودون برابر کړي وو خو سيلاب ترې د کور ټول لوخي لرګي لوهو کړي اؤ تباه کړي دي

20.09.2022 ډیوه

ایران کې د مهسا امیني په وژنې د خلکو ویر - د بازخواست دپاره مطالبې په زیاتېدو دي

واشنګټن  - د ایران په مختلفو ښارونو کې خلک لارو کوڅو ته راوتلي او د یوې دوه ویشت کلنې جینۍ سره د مذهبي پولیسو د رویې په اړه یې احتجاجونه پیل کړي دي. ۲۲کلنه مهسا امیني په دې خاطر چې ګني سم حجاب یې نه و کړی، د ایران مذهبي پولیسو لخوا ګرفتاره شوی وه او تېره هفته مړه شوه، چې اکثره یې د مرګ قصور واره، مذهبي پولیس ګڼي. د مهسا امیني په حق کې په سرښار تهران، مشهد، اصفهان، او همدا شان په کرد مېشته ښارونو لکه مارېوان، دیوان دره، او د مهسا پلرني ښار سقز کې احتجاجونه شوي دي. احتجاج کوونکو نعره بازۍ کولې، او په ځینو سیمو کې یې لارې بندې کړې وې. هغو د مهسا امیني دپاره د انصاف غوښتنه کوله. د دې احتجاجونو لړۍ د ایران نه بهر هم وتلې ده. د کېنېډا په ټورنټو ښار کې مظاهره کوونکو د مهسا امیني تصویرونه پورته کړي و او په بېنرونو یې لیکلي و چې څومره نور کسان به داسې مړه شي؟ مهسا امیني د سپټمبر په ۱۳مه په تهران کې ونیول شوه او چارواکو درې ورځې وروسته د هغې د مرګ اعلان وکړ. پولیسو دا خبره رد کړې ده چې ګني په هغې باندې تشدد شوی دی. پولیس وایي، په مهسا د زړه دوره راغله او د دې وجې مړه شوه. مګر د هغې کورنۍ وایي چې مهسا هېڅ کله د زړه کوم مرض نه درلود او د نیول کېدو مخکې، جوړه تیاره وه. د مهسا پلار، امجد امیني د وي او اې پاړسي څانګې ته وویل، چارواکو ټینګار کاوه چې هغه دې د ځنډ بغیر، په فوري توګه خاورو ته وسپارل شي، او چې کله یې کورنۍ جنازه اخېستله، نو دوی ته یو تابوت وښودل شو چې تړل شوی و او منځ کې یې جسد و. امجد امیني زیاته کړه: "هېڅ نه پوهېږم چې هغو د جسد سره څه وکړل؟" د ایران صدر ابراهېم رئیسي د تحقیقاتو امر کړی، او د ایران عدالتي نظام ویلي چې دوی تحقیقات پیل کړي دي. امجد امیني وي او اې پاړسي سروس سره خبرو کې وویل، هغه د ایران حکومت په وعدو باور نلري، او د هرچا غواړي چې د حکومت نه د بازخواست مطالبه وکړي. ښاغلي امیني زیاته کړه: "زه مطمین یم چې هغوی ما ته دروغ وایي، ځکه زما د لور جسد اوس نشته. هغه بیا نه راژوندۍ کیږي. زه صرف غواړم چې دا کار د بل هېچا سره ونشي." نړېوال فشار د مهسا امیني د مړينې نه څو ورځې پس، د ایران نه دباندې هم د بازخواست دپاره غږونه اوچت شوي دي. د امریکا په لاس انجلس ښار او همدا شان په سرښار واشنګټن ډي سي کې د ایران سفارت سره نږدې احتجاجونه شوي دي. د امریکا خارجه وزیر انټني بلنکن د ګل/دوشنبې ورځې په ماښام په ټوېټر باندې ولیکل: "مهسا امیني باید نن ژوندۍ وای، خو د امریکا او ایران خلک یې نن د مړینې ماتم نیسي. مونږ د ایران په حکومت غږ کوو چې په ښځو باندې سیسټماټیک ظلم او ستم ختم کړي او پرامنه احتجاجونو ته اجازت ورکړي." د امریکا د کانګرس غړی مایکل مککال، د وي او اې پاړسي سروس ته په یو بیان کې ویلي چې: "د جامو د څرنګوالي په سر د ایران د مذهبي پولیسو په لاس د مهسا امیني مړینه ډېره د غصې خبره ده. هر هغه رژیم چې خپلو وګړو سره دغه شان ټیټه رویه کوي، باید د سنجیده نتایجو سره مخامخ شي." د امریکا په سنېټ کې د خارجه چارو کمېټې مشر سنېټر باب مېننډېز هم په یو ټویټ کې ویلي چې "د حجاب په اړه د ایران د سختدریځه قانون لاندې" د مهسا امیني په ګرفتاره کېدو او وژل کېدو سخت خفه دی. سنېټر مېننډېز زیاته کړې ده چې: "د مذهبي پولیسو دا وحشتناکه اقدامات، صرف تازه مثالونه دي چې د ایران رژیم څنګه په تباه کنه توګه ښځې او خپل ټول شهریان چقوي." مذهبي پولیسو په خلکو باندې داسې ډول جامې اغوستل جبري ګرځولي دي چې ښځې باید په عامه ځایونو کې هرو مرو دوپټې پر سر کړي. د فرانس خارجه وزیر هم د مهسا امیني مړینه "ډېره زیاته د حیرانتیا وړ" بللې او په ایران یې ټینګار کړی دی چې "شفافه تحقیقات" دې ترسره کړي. د یورپي اتحاد د خارجه پالیسۍ د مشر جوسپ بورېل یو ترجمان په خپل بیان کې ویلي، مهسا امیني ته چې څه ورپېښ شوي، هغه "د نه منلو وړ دي او د دې قتل د عاملینو نه باید بازخواست وشي."  

20.09.2022 ډیوه

وتلې فلمي ستورې انجیلنا جولي سېلاب ځپلو ته دنړۍ دپام راګرځولو په موخه پاکستان ته رسېدلې ده

دپاکستان دسرکاري میډيا له مخې انجلینا جولي سیند صوبې دادو ښار ته رسېدلې ده اؤ دغلته یې دسېلاب ځپلو سیمو څخه دلېدنې په مهال دیو شمیر بې وزله سېلاب ځپلو سره لیدلي اؤ دهغوي ډاډګیرنه یې کړې ده

20.09.2022 ډیوه

بلاول بوټو: د پاکستان سېلابونو له کبله لویه بیارغونه په مخکې ده

بوټو وویل چې هغه د سیلابونو څخه مخکې د اقلیم یا موسمي بدلون کوم لوی فعال نه و، خو دا یې په لومړي ځل لیدلي او باور لري چې د نړۍ تودوخې یو لوی بحران دی

20.09.2022 ډیوه

د ملګرو ملتونو مشر په طالبانو غږ کړی چې د جینکو په تعلیم بندیزونه دې لېرې کړي

د خیبر پښتونخوا سوات نوبېل جایزه ګټونکې ملاله یوسفزۍ غونډې ته وویل "اووه کاله وړاندې یې د ملګرو ملتونو د دې پلیټ فارم نه د جینکو د تعلیم د پاره غږ پورته کړی وو او هیله مې وه چې د یوې داسې کم عمره جینی غږ به واورېدلی شي چې د اقام متحده پیامبره ده او د تعلیم په سر په ډزو ویشتل شوې ده."

20.09.2022 ډیوه

دنرښځیانو دحقونو په قانوني مسوده مرکزي شریعت کورټ کې اوریدنه شوې ده

دغه اوریدنه چې د شریعت کورټ دقایم مقام مشر قاضي سید محمد انور په مشرۍ کښې د فیډرل شریعت فل کورټ کړې ده، د اوریدنې په مهال د جنس د حقونو یو نامتو فعال نایاب علي، عدالت ته ویلي چې د جنس د پیژندنې سره یې ژوند ته ګواښ څو چنده شوی دی

20.09.2022 ډیوه

د ډالر په مقابل کې پاکستانۍ روپۍ پرله پسې غورځيږي، يو ډالر 239 روپو ته رسېدلی

پاکستانۍ روپۍ د امریکايي ډالر په مقابله پرله پسې غورځيږي او په انټربېنک مارکيټ کې د روپۍ په مقابله کې د ډالر بيعه 239روپو رسېدلې ده، خو سوداګر وايي په پرانستي مارکيټ کې يو ډالر د 245 روپو او 45 پېسو پورې خرڅيږي.

20.09.2022 ډیوه

الېکش کمېشن خبرداری کړی د قواعدو د ممکنه سرغړونو په سر په پښتونخوا کې ضمني انتخابات ځنډېدلی شي

د پاکستان الېکشن کمېشن د خېبرپښتونخوا چيف سيکرټري او اېډوکېټ جنرل ته ويلي، چې د صوبې وزیراعلا، وزيران، او مشيران پرله پسې د انتخابي قاعدو/ضابطه اخلاق سرغړونه کوي سرکاري مشينري او هيلي کاپټرې کاروي، او که صوبايي حکومت د الېکشن کمېشن مرسته نه کوي کمېشن به په ضمني انتخاباتو ځنډولو مجبوره وي.

20.09.2022 ډیوه

امريکې د پاکستان د سېلاب ځپلو دپاره د نورو دوه ملينه ډالرو مرستو اعلان کړی

امریکې تراوسه پورې پاکستان کې د سېلاب ځپلو د مرستو دپاره پينځه کروړه 51لکه ډالره اعلان کړي چې پاکستانۍ 12.2 اربه روپۍ ترې جوړيږي.

20.09.2022 ډیوه

خېبرپښتونخوا کې بارانونو او سېلابونو د 1100 پورې سکولونه اغېزمن کړي

په خېبرپښتونخوا کې د بارانونو او سېلابونو له امله د 1100 پورې حکومتي سکولونه يا ښوونځي په جزوي يا مکمله توګه ړنګ شوي او له کبله يې د زرګونو په شمېر کې د ماشومانو زده کړې اغېزمنې شوي دي.

20.09.2022 ډیوه

د ملکه اليزابت د جنازې مراسم سر ته ورسېدل

ملکه الېزابټ د سټمبر په ۸مه نېټه د ۹۶ کالو په عمر وفات شوی او دا څو ورځې کیږي چې جنازه یې د عوامو لپاره کېښودل شوې وه چې هلته خلک ورسره وروستۍ مخه ښه او احترام وکړي. دې کار لپاره زرګونه برتانویان په لندن ښار کې اوږده قطارونه جوړ کړي او شپه و ورځ انتظار باسي چې وکړای شي د ملکې د جنازې مخې نه تېر شي

19.09.2022 ډیوه

صدربایډن: طالبانو د بند نه د ازاد شوي امریکايي کورنۍ ته يې د هغه د ازادۍ "ښه خبر" ورکړو

صدر بایډن وویل د امریکې د حکومت چارواکو او د ا تحادي ملکونو حکومتونو شکریه ادا کوي چې د فرېرېکس په ازادۍ کې يې مرسته کړې ده. هغه وویل فرېرېکس د ازادۍ دپاره په مذاکراتو کې ګرانې فېصلې کېدل وو چې هغه کړي دي

19.09.2022 ډیوه

ماهرین: د ټېکنالوجۍ په یو شمېر اهمو برخو کې امریکا د چین نه وروسته ده

د واشنګټن د دغې غونډې بندبست د سپېشل کمپېټېټیو سټډيز پراجېکټ کړی و چې مشري یې د ګوګل کمپنۍ پخوانی مشر اېرېک شمېډ کوي. د دغې پراجېکټ مقصد دا خبره یقیني کول دي چې د موجوده وخت نه واخلې تر د ۲۰۳۰ پورې د ټېکنو اقتصاد یا د ټېکنالوجۍ او اقتصاد په مشترکه مېدان کې امریکا مقابله وګټي

19.09.2022 ډیوه

د حجاب نه اغوستلو په سر د نیول کیدلو ورستو د مړې شوې ښځې پېښې په ایران کې ناکراري راپارولې ده

په ایران کې د پولیسو په ولقه کې د یوې ځوانې میرمنې د مړینې په سر په لویه کچه ناکراري سوا شوې او د اتوار یا یکشنبې په ورځ هم لاریونونه روان ؤ. دا وخت د #MahsaAmini هېش ټیګ په پارسي ژبه کې تر ټولو بره ټرینډ روان دی. 22 کلنه امیني د جمعې په ورځ په تهران کې له نیول کېدو وروسته په کوما کې مړه شوه. دې پېښې سره په ایران کې د ښځو د حقونه مسله بیا توده شوې ده. پولیس په ټولنیزو رسنیو کې خپاره شوي هغه شکونه ردوي چې امیني په وهلو مړه شوې وه، پولیس وايي هغه د نورو میرمنو سره نیول شوی وه او د ناروغۍ نه مړه شوې. خو د امیني پلار د اصلاح پلوي ایمتداد خبري ویب پاڼې ته وویل داسې نده: “چارواکو ویلي چې زما لو ناروغه وه. زه شخصاً دا ډول دعوې ردوم ځکه چې لور مې سمه وه او کومه ناروغي یې نه لرله” په انلاین ویډیوګانو کې ښودل کېږي چې په سلګونو مظاهره چیان د اتوار په ورځ د تهران د پوهنتون په شاوخوا کې راټول شوي وو او د "ښځه، ژوند، ازادۍ" شعارونه یې ورکول. البته دغه خبر ورکونکې اداره رویټرز لیکي دويي نشي کولی چې دغه فوٹیج تایید کړي. د ایران د شریعت یا اسلامي قانون له مخې، ښځې پابندې دي چې خپل ویښته پټ کړي او ځانونه په اوږدو او ارتو جامو کې پټ وساتي. ددې حکم سرغړونکې نیول کېږي او ورباندې جرمانې لګول کېږي. په دې وروستیو میاشتو کې فعالانو له ښځو څخه وغوښتل چې ددې سختو قوانینو څخه انکار وکړي، د سخت دریځو واکمنانو په ضد پورته شي او حجاب لر کړي د اتوار د ورځې تر ماسپخښین پورې په ټویټر کې په پارسي کې د MasaAmini هېشټیګ 1.63 میلیت ته رسیدلي ؤ. امیني د ایران د کردستان سیمې وه، هلته دهغې په پلارني ښار ساقز کې دهغې د جنازې ترڅنګ د خالي یا شنبې په ورځ لاریونونه هم شوي وو. په ایران کې له اته څخه تر لسو میلیونو پورې کردان ژوند کوي. په کرد مېشتو سیمو کې د ایران انقلابي محافظان له لسیزو راهیسې فعالان رانیسي د اوږدې مودې قیدونه ورکوي یا ورته د مرګ سزاګانې ورکوي. دا وخت هم پولیسو په ساقز کې مظاهره چیان ځپلي. د آنلاین ویډیو فلمونو له مخې په دغو واقعاتو کې لږترلږه یو سړی په سر ټپي شوی و. رویټرز وايي نشي کولی چې د ویډیو تصدیق وکړي. د ساقز نه د پارلېمان یو غړي بهزاد رحیمي نېمې سرکاري خبري ادارې ILNA ته وویل چې په جنازې کې څو تنه ژوبل شوي دي هغه وویل: “له هغوی څخه یو تن په کولمو بال بیرنګ لګیدلو سره ژوبل شو او وروسته د ساقز په روغتون کې داخل شوی دی. البته د کردانو د حقونو ډلې هینګاو ویلي، چې په ساقز کې 33 کسان ژوبل شوي دي. رویټرز وايي نشي کولی چې په خپلواکه توګه دغه شمیره تایید کړي. (دا خبر د رایټرز څخه اخستل شوی دی)  

19.09.2022 ډیوه

پي ډي اېم ای: سیلاب ځپلو سیمو کی خلقو د مالي امداد دپاره هلې ځلې ګرندۍ کړی شوي

په خیبر پښتونخوا کی سیلابونو 91463 کورونو ته جزوي یا په مکمله توګه تاوان رسېدلی. صوبایې حکومت د نیوي پالیسۍ مطابق مکمل وران شوی کور دپاره 4 لاکه روپی او جزوي ړنګ شوي کور دپاره یو لاک 60 زره روپۍ ورکوي او د څاروی په مړینه غټ څاروی 60 زره روپی او وړوکی څاروي دپاره 10نه 12 زره روپی ورکوي

19.09.2022 ډیوه

OK
This site uses cookies. By continuing to browse the site, you are agreeing to our use of cookies. Find out more