اوباما د شیمون پیریز د جنازې لپاره اسرائیل ته سفر کوي
سپینه ماڼۍ وایي چې جمهور رئیس براک اوباما به د اسرائیل د پخواني جمهور رئیس شیمون پیریز په جنازې کې وینا هم وکړي
څوارلس افغانان په ایران کې د موټر په ټکر کې وژل شوي
د ایران یو سرکاري خبري اژانس ویلي دي چې دا ټکر د دوه پیکپ موټرو تر منځ شوی او ټول وژل شوي غیرې قانوني افغان مهاجر دي.
اوباما ولې د عربستان پرخلاف د دعوی مخه نیسي؟
د متحده ایالاتو کانګرس د جمهور رئیس اوباما له خوا د هغې لایحې ویټو کول بیرته باطل کړل چې X 9-11 د ترهه ګریزو بریدونو قربانیانو ته د سعودي عربستان پر خلاف د دعوی کولو اجازه ورکوي.
د پاکستان دفاع وزیر:کشمیر چې ازاد شي، هند به ټوټه ټوټه شي
پاکستان نن وویل د کشمیر په جنجالي سیمه کی د دوئ دوه عسکر دهندي ځواکونو په برید کې وژل شوي دي. خو بل خبر وایی پاکستاني ځواکونه یو هندي سرتیری نیولی دی.
د مودې ځواب زه ورکوم او نواز به یې هم وگوري
عمران خان وایي پاکستانیان باید د هیواد له گوټ گوټ څخه یو ځای شی څو نړۍ او په خاصه خپلو دښمنانو ته وښيي چې مونږ ټول یو موټی یو.
ټرمپ او کلینټن د مناظرې وروسته په کلیدي ایالتونو کې کمپاین کوي
ډونالد ټرمپ او هیلري کلینټن د پجشنبې په ورځ په هغو ایالتونو کې کمپاین کوي چې په کښي د روان کال په پیل کې په ګوندي انتخاباتو کې بریالي سوي وو. ټرمپ د پنجشنبې په ورځ د ایلینوی ایالت د شیکاګو په ښار کې کمپاین وکړ چیري چې هغه د پولنډي امریکايانو یوه سازمان ته وینا وکړه. هغه ژمنه وکړه چې که د امریکا د ولسمشر په توګه انتخاب سو نو د پولنډ د خلګو ریښتنی ملګری به وي. هغه خپل کمپاین د بریتانیې د بریګذیت یا د اروپايي اتحاد څخه د بریتانیې د وتلو د بهیر سره مقایسه کړ. د بریتانیې په ریفوریندم کې د بریتانیې خلګو رای ورکړه چې دغه هیواد د اروپايي اتحاد غړیتوب پریږدي. ښاغلي تړمپ داسې وویل ،،اوس دوي ما ته د ښاغلي بریګذیت خطاب کوي ځکه تر یوه حده پوري زمونږ کمپاین د بریګذیت د کمپاین سره مشابهت لري. مونږ غواړو چې خپل استقلال او آزادي بیرته ترلاسه کړو. مونږ نه غواړو چې هغه کسان چې مونږ یې نه منو زمونږ هیواد ته راسي. مونږ نه غواړو چې داسې خلګ خپل هیواد ته پریږدو چې ډیر بد نیتونه لري.،، میرمن کلینټن بیا د چارشنبې په ورځ د ویرمانت ایالت د سناتور او خپل د پخواني سیال برني سندرس سره یوځای د نیو همپشر په ایالت کې کمپاین وکړ. کلینټن یو شمیر محصلینو ته وویل چې د سږکال د انتخاباتو د نتایجو تاثیرات به تر څو لسیزو پوري حس سي. هغې داسې وویل ،،راتلونکي څلویښت ورځې به د راتلونکو څلویښتو کلونو سرنوشت تعینوي. زه غواړم چې خپل کمپاین په هغه شان چې خپل عامه خدمت مي پیل کړی و، بشپړ کړم. په خپلو عامه خدماتو کې ما هڅه کړې چې د ماشومانو او کورنیوو د حقوقو دپاره مبارزه وکړم. دغه زما د ژوند هدف و او دغه به زما د جمهوري ریاست ماموریت هم وي.،، ټرمپ هم د پنجشنبې په ورځ د نیو همپشر په ایالت کې یوه غونډه لري او کلیټن بیا د آیوا ایالت ته ځي چې ځان ته کمپاین وکړي. آیوا او نیو همپشر هغه ایالتونو وو چې په مقدماتي ګوندي انتخاباتو کې یې د کاندیدانو د نوماندۍ په بهیر کې کلیدي رول ولوبوی. په داسې حال کې چې دې دوو ایالتونو اته میاشتې مخکي په مقدماتي ګوندي انتخاباتو کې ډیر اهمیت درلودی په عمومي انتخاباتو کې به یې چې د نومبر پر ۸ کېږي دومره ډیر نفوذ ونلري او دلیل یې هم دا دی چې د امریکا د انتخاباتو سیستم چې د ایلکټورل کالیج په نامه یادیږي هغو ایالتونو ته ډیر په اصطلاح وزن ورکوي چې نفوس یې ډیر وي لکه د میشیګن ایالت چیري چې ټرمپ د جمعې په ورځ غونډه کوي او د فلوریډا ایالت چیري چې کلینټن په کښي د جمعې په ورځ خبري کوي. د میشیګن ایالت په انتخاباتي سیتم یا ایکټورل کالیج کې ۱۶ رایې لري او فلوریډا ۲۹ رایې لري په داسې حال کې چې آیوا او نیو همپشر په دواړو ۱۰ رایې لري. ټول ټال د ایکتولر کالیج غړي ۵۳۸ کسانو ته رسیږي چې د امریکا د سنا ۱۰۰ غړي او د ولسي جرکې د ۴۳۵ غړو مجموع تشکیلوي. د ولسمشرۍ د ګټلو دپاره یو کاندید باید ۲۷۲ څوکۍ وګټي.
ولسمشر غني له اسلامي حزب سره د سولې موافقه لاسلیک کړه
افغان ولسمشر د حکومت او د اسلامي حزب ترمنځ د سولې موافقه نن په ارګ کې د ځانګړو مراسمو په ترڅ کې لاسلیک کړه.
کانګرس د سپتمبر د ۱۱ مې د لایحې په تړاو د اوباما ویټو لغوه کړه
د امریکا کانګرس د چهارشنبې په ورځ عربستان په خلاف د سپټمبر د ۱۱ نیټې د قربانیانو د کورنیو د شکایتونو د لایحې په اړه د اوباما ویټو لغوه کړه.
حافظي:افغانستان ٩٦ فيصده کسر بيلانس تجارت لري
په کابل کې د شپږو تولیدي فابریکو د بنسټ ډبرې د کېښودلو پر وخت جمهور ريس اشرف غني په خبرو کې ويلي چې لاهم افغانستان له اقتصادي پلوه خپلواکي نه لري اود نورو هېوادونو په وارداتو متکي دی د افغانستان سوداگرۍ خونې د بهرنيو اړيکو ريس اقتصاد پوه اذرخش حافظي اشنا راډيو ته د جمهور ريس د خبرو په تائيد وويل : افغانستان له اقتصادي پلوه هغه مهال په خپلو پښو دريدلائ شي چې مقتدره حکومت ،له فساد څخه پاکه اداره او امنيت ولري. ښاغلي حافظي زياته کړه د خصوصي سکتور سره سم چلند ، د امکاناتو څخه يی گټه اخيستل او دهغوئ هڅونه هغه څه دي چې افغانستان په لنډ مهال کې د اقتصاد له پلوه مستقل کولائ شي. د يو هيواد لپاره اقتصادي خپلواکي په څه معنی؟ نوشابې اشنا د افغانستان سوداگرۍ خونې د بهرنيو اړيکو له ريس اقتصاد پوه اذرخش حافظي سره مرکه کړې ، هغه په پیل کې همدا پوښتنه ځواب کړی :
آیا امریکا به له حکمتیار سره د یو متحد په توګه کار وکړي؟
د افغانستان او پاکستان په چارو کې د امریکا پخوانی استازی وایې چې نه پوهيږي له تور لېست څخه د حکمتیار نوم پاکول څومره وخت نیسي.
افغانستان بنګلدېش ته ماتې ورکړه او سیریز مساوي شو
افغانستان بنګلدېش ته ماتې ورکړه
کرزی: د طالبانو د حاکمیت مخالف یم
پخوانی ولسمشر حامد کرزی وايي، د ملي یووالي حکومت باید د خپلو توافقاتو په اساس په دوو کلونو کې لویه جرګه ددغه حکومت د مشروعیت لپاره غوښتې وای خو دغه کار ندی شوی.
حکمتیار د سولې تړون امضا کړ، اوس به یې غني امضا کوي
د حزب اسلامي د سولې مهم مرکچي امین کریم امریکا غږ اشنا ته وویل چې د هغوی مشر، انجینر ګلبدین حکمتیار، د سولې سند امضا کړی دی.
پاکستان د سارک کیدونکې غونډه لغوه کړه
پاکستان د سارک د سازمان کلنۍ غونډه لغوه کړه. ټاکل شوې وه چې د سیمه ایزې همکارۍ لپاره د جنوبي اسیا د هیوادونو د سازمان غونډه د نوامبر میاشتې په نولسمې نیټه د پاکستان په پلازمینه اسلام اباد کې جوړه شي.
ارزګان ولایت ته بیا له سر نه پولیس ګمارل کیږي
د افغانستان په جنوب کې امنیتي چارواکي وايي د ارزګان ولایت ته د پولیسو تکشیلات له سر نه کیږي.
