ټول   BBC ازادي راډیو امریکا غږ ډیوه


امریکا د اسرائیل سره څلویښت میلیارده ډالر مرستې کوي

د یو تفاهم لیک پر اساس چې ښایي نن به لاسلیک شي، متحده ایالات به هر کال اسرائیل ته درې عشاریه اته میلیارده ډالر ورکوي.

14.09.2016 امریکا غږ

وسله والو په بغلان کې یو مخکنی جهادي قومندان وواژه

د افغانستان له بغلان نه راپورونه وايي چې وسله والو په یو برید کې د یو مخکني جهادي قومندان په ګډون پنځه تنه وژلي دي.

14.09.2016 امریکا غږ

افغانستان، د جگړی په اور کې یو سوی نړیوال موزیم!

د لرغون پیژندونکو په قول افغانستان چې د تاریخي شتمنیو خزانه او د وریښمنو د لارې مهم تم ځای گڼل کیدو اوس د غارتگرو په لاس یوه لوټ شوي موزیم ته ورته ښکاري.

14.09.2016 امریکا غږ

اوباما امریکا ته د کډوالو د راوستلو شمیر زیاتوي

د متحده ایالاتو جمهور رئیس بارک أوباما په پام کې لري چې د ۲۰۱۷ کال په ترڅ کې متحده ایالاتو ته مهاجرو د راوړلو شمیر ۱۱۰ زرو ته ورسوي.

14.09.2016 امریکا غږ

چخانسوري: ولسمشر له هند نه پوځي مرستې نه غواړي

افغان ولسمشر محمد اشرف غني د دو ورځو لپاره هند ته تللی دی. هغه په لومړۍ ورځ د هند له لومړي وزیر نریندرا مودي او نورو لوړ پوړیو چارواکو سره ولیدل.

14.09.2016 امریکا غږ

پیښور پوهنتون افغان محصلینو ته د فراغت سندونه نه ورکوي

د پاکستان د خېبر پښتونخوا د پیښور پوهنتون یو لوړ رتبه مقام ډاکټر حزب الله ویلي چې هر افغان محصل چې د مهاجرت کارت ،افغان پاسپورټ او ویزه نه لري ،هغه ته به نه په پوهنتون کې داخله ورکوي او نه د فراغت سند. په پیښور پوهنتون کې درسونو نه فارغ شوو افغان شاگردانو شکایت کړیدی چې دوي د ډگریو اخیستو په تمه دي،خو پوهنتون ېې ورته نه ورکوي. دې افغان محصلینو کې  عبدالولي غوندې زرهاو شاگردان شامل دي چې هم پاکستان کې زیږدلي دي ،خو وايي چې د پیښور پوهنتون ته څو ځله ورغی چې خپله تعليمي ډگري ورنه واخلي خو د مهاجرت کارت ورنه غواړي ،چې دی ېې نه لري. پیښور کې د افغانستان د قونصلگرۍ مامورین وايي چې دا یوه جدي مسله ده چې دوي ېې هم د حل دپاره کوششونه کوي. د یادونې وړ ده چې کله دغه افغان ځوانانو پیښور پوهنتون کې زدکړې پیلولې نو هیڅ سند ورنه نه و غوښتل شوی. خو د څه وخت نه چې د افغانستان او پاکستان په اړیکو کې تریخوالی راغلی او پاکستان کې افغان مهاجرینو ته د وسیدو حد ایښودل شویدی،نو د پوهنتون د افغان شاگردانو سره هم چلند بدل شویدی.  

14.09.2016 امریکا غږ

طالبانو په فراه کې دولس تښتولي مسافر خوشي کړي

چارواکي وایي، طالب وسله والو د قومي مشرانو په منځګړیتوب هغه دولس مسافر چې اوه ورځې وړاندې یې د دغه ولایت کې تښتولي وو تیره شپه بیرته خوشې کړي.

14.09.2016 امریکا غږ

جمهوررئیس غني نن په یو رسمي سفر نوي ډهلي ته تللی

ارګ وايي،جمهوررئیس محمد اشرف غني د هند د صدراعظم نریندرا مودي په بلنه په یوه دوه ورځني رسمي سفرد یو عالي رتبه پلاوي په مشرۍ نن له غرمې وړاندې نوي ډهلي ته رسیدلی.

14.09.2016 امریکا غږ

په سوریې کې د اوربند لومړۍ ورځ ارامه وه

د امریکا او روسیې په ملاتړ د دغه اوربند هدف په جگړو کې محاصره شوو ملکیانو ته د بشري مرستو رسول دي.

13.09.2016 امریکا غږ

ملګري ملتونه اروپا ته: د کډوالو ادغام ته پاملرنه وکړئ

تیرکال څه باندې یو میلیون افغان، عراقي، سوریايي او نورو کډوالو اروپا ته پناه یوړه.

13.09.2016 امریکا غږ

په سوریه کې اوربند د سولې هیلې زېږولې دي

په سوریه کې تازه اوربند نوې هيلې پیدا کړي چې ممکن ددغه هېواد بحران ته د حل یو سوله ایزه لاره وموندل شي. که څه هم چې په ځېنو سیمو کې د ډزو غږونو اوریدل شوي خو لدې سره سره نړیوال تمه ښيې چې له تیر ماښام څخه پیل شوی شوی اوربند دوام ومومي. د سوریې د مرکز دمشق په لارو کوڅو کې خلک د اختر په لمانځلو بوخت دي. د اختر رخصتیو پایتخت ته کرارې ور په برخه کړې او د سولې په تړاو یې د خلکو په منځ کې هیلي پیدا کړي دي. د سوریې د پوځ یو سرتیری سمیر وایي چې دا جگړه باید پخوا ختمه شوي وای. هغه زیاتوي "زه یقیناً ددغو ناخوالو خاتمه غواړم. د اوس لپاره نه پوهیږو چې اوربند به کامیاب شي که ناکام خو موږ دواړو حالاتو ته آماده یو." په سوریه کې د امریکا او روسیې په منځګړیتوب رامنځته شوی اوربند ددغه هېواد د پنځه کلنې کورنۍ جګړې په بیلابیلو جبهاتو کې اوضاع کابو کړې ده. دا لومړی ځل نه دی چې سوریه کې د اوربند هڅه کیږي پخوا هم ورته گامونه اخیستل شوي وو خو ناکامه شوي وو. دا وارې داسې ښکاري چې د متحدو ایالتونو په ګډون نړیوال تازه اوربند د سولې لپاره وروستی فرصت ګڼي. د متحدو ایالتونو د بهرنیو چارو وزیر جان کیري وایي "زه غواړم چې په ډاګه ووایم د ټولو شکونو ترڅنګ په راتلونکو ورځو کې به ننګونې ډېرې شي، موږ یې انتظار لرو او فکر کوم چې ټول یې لري. خو لدې سره سره دغه پلان کار ورکولی شي". ها خوا د روسیې د بهرنیو چارو وزارت هڅه کوي د اوربند د معاملې جزئیات خپاره کړي. د روسيې د بهرنیو چارو وزیر د ملګرو ملتونو له امنیت شورا غوښتي چې د سوريې اوربند متن په رسمي توګه تائید کړي. سرگي لاوروف وایي "ددې لپاره چې د تفاهم لیک د عملي کولو په تړاو پوښتنې له منځه یوسو موږ وړاندیز کوو چې دغه تفاهم لیک په عمومي توګه اعلان شي، زموږ امریکايي ملګري غواړي چې پټ یې وساتي. موږ د پټولو لپاره هیڅ څه نه لرو". که اوربند په یوه اونۍ کې مات نشي نو متحده ایالات او روسیه په پام کې لري چې د داعش او النصره ترهګرو ډلو پر وړاندې همغږي عملیات په لاره واچوي.

13.09.2016 امریکا غږ

ناروژۍ سلمانه له مسلمانې سره د تبعیض په وجه جریمه شوه

سلمانې یوې حجابدارې ښځې ته وویل چې "تاسو غوندي خلک باید بل ځاې ته ولاړ شي" او مسلمانې ښځې شکایت وکړ.

13.09.2016 امریکا غږ

ایران نوې پوځي بېړۍ جوړې کړي

​د ایران سپاه انقلاب د سه شنبې په ورځ هغه بېړۍ ښکاره کړې چې یو هلیکوپتر او سل تنه سپرلۍ لیږدولای شي.

13.09.2016 امریکا غږ

ترکیې رسمآ له امریکا نه وغوښتل چې فتح الله ګولن ونیسي

د ترکیې مطبوعات وايي دغه هېواد حکومت په رسمي ډول له امریکا نه غوښتي چې د جولاۍ د میاشتې د کودتا تورن پلانونکی، فتح الله ګولن، ونیسي. د ترکیې ولسمشر رجب طیب اردغان فتح الله ګولن په وار وار تورن کړی، چې د ترکیې د حکومت د نسکورولو هڅه یې کړې ده، د جولاۍ په ناکامې پوځي کودتا کې ۲۷۰ تنه ووژل شول. ترکیې مطبوعات د سه شنبې په ورځ راپور ورکړ، په هغه رسمي مکتوب کې چې د ښاغلي ګولن د نیولو لپاره امریکا ته سپارل شوی، هغه په کې تورن شوی چې "د کودتا لارښونه یې کوله او قومانده یې ورکړې ده". د ترکیې چارواکو تر دې د مخه په غیر رسمي ډول په وار وار له امریکا نه د ګولن د شړلو غوښتنې کړې وې. ۷۰ کلن فتح الله ګولن له ترکیې نه تر وتلو وروسته له ۱۹۹۹ کال نه راپدېخوا په امریکا کې اوسیږي، هغه دا تورونه ردوي چې ګنې د ترکیې په ناکامې پوځي کودتا کې یې لاس لره. له کودتا نه وروسته د ترکیې حکومت په تېرو شاوخوا دوو میاشتو کې ۸۰زره ملکي ماموران شړلي دي، په دوی کې یې یو شمېر نیول شوي هم دي. په هغوی تور دی چې په کودتا کې یې له ګولن سره اړیکه لرله. تېره اونۍ د امریکا ولسمشر بارک اوباما د  جي۲۰-هېوادونو په غونډه کې خپل ترکي سیال ته ډاډ ورکړ، چې د کودتا د عاملینو په نیولو کې به ورسره ترې خپلې وسې همکاري کوي. خو، امریکايي چارواکي یوازې محکمه له امریکا نه د کوم کس د شړلو پرېکړه کولی شي. 

13.09.2016 امریکا غږ

جمهوررئیس غني سبا ډهلي ته ځي

ارګ وایي، جمهوررئیس غني به د چهارشنبې په ورځ نوي ډهلي ته د خپل سفر په وخت د هندي چارواکو سره د تروریزم سره د مبارزې او د سیمې په مسلو خبرې وکړي.

13.09.2016 امریکا غږ

OK
This site uses cookies. By continuing to browse the site, you are agreeing to our use of cookies. Find out more