د لیبیا پایتخت حکومتي ځواکونو ونیو
د فایز السراج په مشرۍ د لیبیا حکومتي ځواکونو چې نړیوال یې ملاتړ کوي ویلي دي چې د طرابلس د هوایي ډګر له نیولو وروسته یې د پلازمینې بشړ کنترول ترلاسه کړی دی.
د طرابلس د هوایي ډګر نیول د جنرال خلیفه حفتر قواو ته سخته ضربه ګڼل کیږي چې د روسیې، مصر، اردن او متحده عربي اماراتو له خوا یې ملاتړ کیږي.
د طرابلس د هوایي ډګر له نیولو دوه ورځې مخکې ملګرو ملتونو وویل چې د لیبیا په جګړه کې ښکیلو اړخونو د اوربند سره موافقه کړې ده.
د ښاغلي السراج پلوي ځواکونو په خپل رسمي فیسبوک کې د طرابلس د هوایي ډګر عکسونه خپاره کړي چې په کې په ډزو او راکټونو لګېدلې الوتکې ښکاري.
تر اوسه د خلیفه حفتر ځواکونو د فایز السراج د قواو د ادعا په هکله چې وایي د طرابلس هوایي ډګر یې نیولی کومه تبصره نده کړې.
لیبیا د ۲۰۱۵ کال راهیسې د دوو حکومتونو – خلیفه حفتر په ختیځ کې او په لویدیځ کې د فایز السراج د ملي وفاق حکومت – ترمنځ د سختو نښتو ډګر شوی دی.
د طرابلس هوایي ډګر د ۲۰۱۴ کال د سختې جګړې راهیسې چې زیاته برخه یې ورانه شوې وه تړل شوی دی.
په ۲۰۱۱ کې د معمر القذافي د حکومت په نسکوریدو او د هغه له وژنې وروسته لیبیا په کورنۍ جګړې او کړکیچ کې ښکیله شوه او تر اوسه هیڅ یوې دلې ددې هیواد بشپړه واک ندی ترلاسه کړی.
تبصرې وگورئ
Already have an account? Log in
Not a registered user? Sign up
نورې تبصرې لوډ کیږي