شاته

په امریکا کې لاریونونو ته نړیوال غبرګونونه

د ملګرو ملتونو سرمنشي انتونیو ګوترش پر امریکایي چارواکو غږ کړی چې لاریون کوونکو ته غوږ ونیسي او له ټولو یې غوښتي چې آرامي خپله کړي.

د ملګرو ملتونو ویاند سټیفن دوجاریک ددې سازمان د عمومي منشي انتونیو ګوترش له قوله لیکلي: "شکایتونه باید واوریدل شي، خو لاریون باید سوله ییز وي او چارواکي باید د لاریون کوونکو په وړاندې غبرګون کې زغم وښیي. "

د اروپايي اتحادیې د بهرنۍ پالیسۍ مشر جوزف بوریل وايي چې د جورج فلوید وژل کیدو خواشینی او حیران کړی دی. ښاغلی جوزف وايي: "د فلوید مړینه له ځواک څخه ناوړه ګټې اخیستنې نتیجه وه. "

د اروپايي اتحادیې دغه چارواکی وايي چې دوی تل د سوله ییز لاریون ملاتړ کوي، تاوتریخوالی او هر ډول توکمپالنه غندي.

د جرمني د بهرنیو چارو وزیر هیکو ماس ویلي چې د فلوید مړینه په واضح توګه مشروع مړینه نه ده. ښاغلي هیکو د جورج فلوید له ملګرو او کورنۍ سره خواخوږي هم څرګنده کړې ده.

ښاغلی هیکو وايي: "سوله ییز لاریون ته باید هر وخت زمینه برابره وي،خو هیله ده چې په تاوتریخوالي بدل نشي. "

په نړۍ کې لاریونونه

په لندن کې د یکشنبې په ورځ مۍ ۳۱(غبرګولي۱۱) وروسته له هغې لاریون په تاوتریخوالي بدل شو چې پولیسو هڅه کوله د پارلمان څخه بهر سړک نه مظاهره چیان وشړي، پولیسو درویشت کسان نیولي دي.

یو لاریون کوونکی وايي: "موږ په انګلستان کې د بې عدالتیو پر وړاندې دلته سوله ییز لاریون لپاره راووتلو، د جورج فلوید وژل او هرڅه چې په نړۍ کې روان دي اوس یوه نړۍ واله ستونزه ده."

په امریکا کې لاریونونو ته نړیوال غبرګونونه
please wait

No media source currently available

0:00 0:02:45 0:00

د لندن د ټرافالگر په څلور لارې کې لاریون کوونکو د جورج فلوید د نوم شعارونه له ځان سره گرځول، د پولیسو په توقیف کې د هغه وژل کیدو له کبله په لندن او د اروپا په یو شمیر ځایونونو کې لاریونونه شوي دي.

لاریون کوونکي د امریکا د سفارت مخکې راټول شوي وو او شعار یې ورکوو چې: "زه ساه اخیستی نشم".

د لندن په لویدیځ کې کوچنیو اقلیتونو ډلې هم اعتراض کړی دی.

د برتانیا د بهرنیو چارو وزیر په متحدو ایالتونو کې د لاریونونو په اړه وايي: "موږ غواړو په دې ټولو کړکیچونو کې کموالی راشي او امریکا بیرته سره یو ځای شي. "

په برلین کې هم په سلګونو کسان د جورج فلوید سره د خواخوږۍ او د عدالت د ټینګیدو په موخه سره راټول شوي وو.

د دوشنبې په ورځ جون ۱ ( د غبرګولي ۱۲) د نیوزیلند په اکلند ښار کې په امریکا کې له لاریون کوونکو څخه د ملاتړ په موخه راټول شوي وو.

په داسې وخت کې چې د کرونا وبا له کبله په نړۍ کې بیړنی حالت دی او په میلیونونو کسان قرنطین دي، اقتصادي شرایط هم په ټینگه مخ پوه ځوړه روان دي، د امریکا په مینیسوتا ایالت کې د یوه تور پوستي امریکايي وژل کیدو غبرګونونه راپارولی دی.