د عکسونه البوم: د ترکيې ناکامه کودتا
په ترکیه کې د تېرې شنبې په شپه د ولسمشر رجب طیب اردوګان په غیاب کې د پوځ یوې ډلې د کودتا هڅه وکړه، خو استانبول ته د اردوګان له ستنېدا وروسته نوموړي خپلو ملاتړو او ترکي وګړو ته په وینا کې وویل، چې د کودتاچیانو مخه ونیسي، همدا وو چې واټونو ته خلک راووتل او د کودتا کوونکو ځواکونو د ټانکونو مخه یې ونیوه.
د ترکیې د لومړي وزير بن علي يلدريم په وينا ناکامې کودتا هڅې له امله ۲۰۸ تنه وژل شوي او ۱۴۹۱ ټپيان شوي. د دغو کسانو د جنازې لمونځ وشو. عکس د بي بي سي د خبريالي نفيسه کوهنورد
د بي بي سي د خبريالې نفيسې کوهنورد عکس
د ترکيې حکومت له خلکو غوښتي وو چې لارو او کوڅو ته راووځي.
د ترکیې د عدلیې وزیر ویلي، د ناکامې کودتا په تور یې ۶۰۰۰ مشکوک کسان نیولي او د "نیولو بهیر روان دی. د ترکیې ولسمشر رجب طیب اردوګان له حکومتي بنسټونو د "ویروس" جرړو ایستلو ژمنه کړې ده.
د ترکیې جنوبي قونیې هوايي اډه کې د امنیتي ځواکونو او "انقلابي عناصرو" ترمنځ نښتې شوې. د یادې اډې واک د حکومتي ځواکونو په لاس کې دی.
د ترکیې د عدلیې وزیر ویلي، د ناکامې کودتا په تور یې ۶۰۰۰ مشکوک کسان نیولي او د "نیولو بهیر روان دی. د ترکیې ولسمشر رجب طیب اردوګان له حکومتي بنسټونو د "ویروس" جرړو ایستلو ژمنه کړې ده.
