شاته

عبدالله، غني ته د اروپايي ټولنې د مبارکۍ په ویلو خواشیني ښودلې

د ثبات او همپالنې انتخاباتي ډلې مشر عبدالله عبدالله، د اروپايي ټولنې له خوا محمداشرف غني ته په انتخاباتو کې د بریا د مبارکۍ پر ورکولو اعتراض کړی دی.

ښاغلي عبدالله په یو لیک کې د بهرنیو اړیکو او سیاسي پالیسۍ په چارو کې د اروپایي ټولنې جګپوړي استازي جوسیپ بوریل له خوا جمهور رئيس غني ته د مبارکۍ پر ویلو خواشیني او حیرانتیا څرګنده کړې ده.

عبدالله عبدالله دا اقدام د افغانستان د خلکو او انتخاباتي ډلو د توقع او د اروپايي ټولنې د رغوونکي او بې‌پرۍ دریځ خلاف بللی دی.

عبدالله په دغه لیک کې چې د پنجشنبې په ورځ یې په خپل فیسبوک کې د اعتراض په توګه خپور کړی، لیکلي دي: "هیله لرم چې په کابل کې د اروپایي ټولنې محترم هیات په دې برخه کې لازم توضیحات وړاندې کړي او خپل رغوونکی دریځ د افغانستان له خلکو سره شریک کړي".

"; //parse XFBML, because it is not nativelly working onload if (!fbParse()) { var c = 0, FBParseTimer = window.setInterval(function () { c++; if (fbParse()) clearInterval(FBParseTimer); if (c === 20) { //5s max thisSnippet.innerHTML = "Facebook API failed to initialize."; clearInterval(FBParseTimer); } }, 250); } } }; thisSnippet.className = "facebookSnippetProcessed"; if (d.readyState === "uninitialized" || d.readyState === "loading") window.addEventListener("load", render); else //liveblog, ajax render(); })(document);

ښاغلي عبدالله یو ځل بیا ټینګار کړی چې د انتخاباتو کمېسیون له خوا اعلان شوي نتایج نه مني.

د بهرنیو اړیکو او سیاسي پالیسۍ په چارو کې د اروپایي ټولنې استازي جوسیپ بوریل د چهارشنبې په ورځ د فبروري په ۱۹مه (سلواغې ۳۰) په یوې ټیلیفوني اړیکه کې جمهور رئیس محمداشرف غني ته په انتخاباتو کې د بریالي کیدو مبارکي ورکړه.

همدا شان د اروپايي ټولنې سربیره د کویت او هندوستان حکومتونو هم ښاغلي غني ته په دغو انتخاباتو کې د بریا مبارکۍ ورکړي دي.

د افغانستان د انتخاباتو کمېسیون د تلې/میزان په شپږمه د جمهوري ریاست انتخاباتو کې، محمداشرف غني د ۵.۶۴ فیصده معتبرو رایو په ترلاسه کولو سره ګټونکی اعلان کړ.

دغه کمېسیون د چهارشنبې په ورځ ناوخته ښاغلي غني ته په انتخاباتو کې د ګټونکي کاندید باورلیک یا انتخاباتي وثیقه هم رسماً وسپارله.

عبدالله عبدالله په دغو انتخاباتو کې ۳۹.۵۲ فیصده معتبرې رایې ترلاسه کړي دي.