د کونړ مرکز کې د توغندي لګېدو ۳ کسان وژلي، ۵۶ ټپیان کړي
د افغانستان د ختیځ ولایت کونړ په مرکز اسعد اباد ښار کې د توغندي لګېدو ۳ کسان وژلي او ۵۶ نور ټپیان کړي. توغندي په داسې مهال پرېوتی چې په ښار کې سلګونه کسان د افغانستان د خپلواکۍ ۹۷ کلیزې نمانځلو لپاره په ښار کې راټول شوي و.
غني: لا هم د خپلې ازادۍ دفاع لپاره د ژمنې تازه کولو ته اړتیا لرو
ولسمشر اشرف غني د افغانستان خپلواکۍ ۹۷مې کلیزې نمانځغونډې ته وویل، په داسې حال کې چې باید دا ورځ د تاریخي لاسته راوړنې په توګه ونمانځو، له بده مرغه لا هم له خپلې ازادۍ دفاع لپاره د ژمنې تازه کولو ته اړتیا لرو. ښاغلي غني د بهرني سیاست پر خپلواکۍ ټینګار وکړ
نیویارک ټایمز: حکومت پلوي پلار او طالب زوی سره روغه وکړه
نيويارک ټايمز د يوۀ افغان پلار او زوى د پخلاينې ډېره نادره کيسه را اخيستې. پلار او زوى دواړه په شمالي ولايت فارياب کې د لمانځنو په ترڅ کې سره غاړې وتل. کيسه د حکومتي مليشو د يوۀ قومندان عبدالبصير او د هغه د زوى سعيد محمد ده چې د طالبانو په ليکه کې و.
د سوریې دولتي زندانونو کې نژدې ۱۸ زره کسان مړه شوي
د بخښنې نړیوال سازمان وايي؛ له ۲۰۱۱ نه تر ۲۰۱۵ کال پورې د سوریې په دولتي زندانونو کې د ربړونو له امله نژدې ۱۸ زره کسان مړه شوي. په دغو زندانونو کې د ربړونو او په تېره بیا پر ښځینه بندیانو د جنسي تېریو راپورونه هم ورکړل شوي دي.
د عکسونو البوم: هغه چې له هوا سره غږیږي
د بریتانیا د هوايي ځواک په اړه د انځورونو سیالۍ غوره انځورونه
بریتانیا: تر اوبو لاندې ژوند په غوړېدو دی
ساینسپوهان وايي، د بريتانیا په تر ټولو دنګو او لوړو غرونو کې چې تر اوبو لاندې دي، ژوند په غوړېدو دی.
د پېښور بې ژبې هټیواله
په پېښور کې نجونه معمولاً د هټۍ مسووليت په غاړه نه اخلي. بيا داسې نجلۍ ته چې خبرې هم و نه شي کولی په سړي سالاره ځاى کې کار کول لا گران وي.
برتانوی ملا د داعش لپاره د ملاتړ په جلبولو تورن شوی
بریتانوی ملا انجم چودري په دې تورن شوی چې ګواکې خلک یې د 'اسلامي دولت' نومې ډلې ملاتړ ته هڅول.
ولسمشر غني او اجراييه رییس عبدالله له یوه بل سره لیدلي
تر اوسه د دغې ناستې د جزییاتو په اړه څه نه دي ویل شوي، خو د افغان ولسمشر ویاند مرستیال شاه حسین مرتضوي بي بي سي ته وویل، چې د دواړو مشرانو تر منځ ناسته کې پرېکړه شوې، چې درې ورځې وروسته به دواړه مشران دویمه غونډه کوي.
فورډ شرکت ۲۰۲۱ کې بې ډرېوره ګاډی بازار ته وړاندې کوي
د ګاډو تولیدونکي فورډ شرکت ویلي ۲۰۲۱ کال پورې به بازار ته داسې پریمانه ګاډي وړاندې کړي، چې خپله به ګرځي او سټېرینګ به هم نه لري.
'د فلم پر سر شخصي اړیکي خرابول به حماقت وي'
د اکشې کومار او ریتک روشن فلمونه په یوه موده کې نندارې ته وړاندې شوي چې د اکشې کومار فلم رستم د عاید له پلوه بریالی فلم بلل کېږي. اکشې وايي د فلمونو پر سر شخصي اړیکې خرابول به حماقت وي.
هند کې د کاغذپران تار د دریو کسانو مرۍ پرې کړې
د هند خپلواکۍ جشن پر مهال دوه ماشومان او یو سړي د کاغذپران پر تار وژل شوي دي. د وژل شویو کسانو مرۍ د کاغذ پران پر هغه تار پرې شوې، چې د تېره کولو لپاره د ښېښې ټوتې پرې موښل شوې وې.
ترکیه تر کودتا وړاندې نیول شوي ۳۸ زره بندیان خوشي کوي
په داسې حال کې چې د ترکیې زندانونو کې د بندیانو شمېر زیات شوی، د ترکیې دولت غواړی ۳۸ زره بندیان چې د تېرې میاشتې له ناکامې کودتا مخکې نیول شوي، په مشروط ډول خوشي کړي.
خیبر ایجنسۍ کې چاودنې دوه پوځیان وژلي
له ډیورنډ کرښې سره نژدې د قبایلي سیمې خیبر ایجنسۍ راجګل دره کې د چاودنې له امله د دوو پاکستاني پوځیانو د وژل کېدو خبر ورکړل شوی دی.
'ګوګل ډوو' د سکایپ او مسینجر سیال کاریال
د انټرنېټي لټون ګوګل شرکت د 'ګوګل ډوو' یو کاریال (اپلېکېشن) جوړ کړی چې د روغبړ 'چټ' سربېره د غږیز او وېډیو روغبړ اسانتیا هم لري. دغه کاریال ته ګوګل ډوو' نوم ورکړل شوی.
