د لوی، مهربان او بخښونکي خدای په نامه

له ژوندستړي ولسونه

الحاج الھام الدین قیام 05.08.2014 19:24

د ليکوال څو نورې لیکنې

ټول

انسانخوروته ، انسانان لکه پسونه ښکاري
د انسان وینه ورته سره سره شرابونه ښکاري

دا خونخواره ظالمان اوس داسی نشه نشه دي
چی د ولس ویراو فریاد ورته سازونه ښکاري

لاد ولس زور ، زورواکانو پیژندلی نه دی
لاھم ولس دی زورواکانوته مُریونه ښکاري

دی ګناھګارو ، ګناھونه په ثواب منلي
دوی ته اوس غټ غټ ګناھونه ثوابونه ښکاري

نوردا ملت دا استبداد په ځان زغملی نه شي
د قیام وخت دی له ژوندستړي ولسونه ښکاري


والدورف/جرمنی
۰۵/۰۸/۲۰۱۴