د لوی، مهربان او بخښونکي خدای په نامه

انتخاب

الحاج الھام الدین قیام 08.06.2014 21:55

د ليکوال څو نورې لیکنې

ټول

یو ډیرمشھور ھوښیار ، د نړۍ ستر مُتفکردی
ډیرستر اقتصادپوه دی ، په ھرکارکی مُدبردی

بل سترد مرګ قاصد دی ، په ورانیوکی اتل دی
په خپلو ورانکاریو ، نه پښیمان دی، نه مُنکردی

د دواړو شخصیت ھم یو له بل متفاوت دی
یو ډیرپوه او خاکساردی ، بل ناپوه مُتکبردی

دایو یی په ټول ژوند کی د قلم سره لوبیږي
دا بل یی توپکماردی،لامُنکرندی ، مُقردی

دایویی سپین سپیڅلی،نه جاني دی،نه قاتل دی
دا بل په ګران وطن کی د جنګونو مُبتکر دی

دا یود خپل ملت ، بل د پردیو ګټی غواړي
دا یویی خپل ملت ته ، بل پردیوته مُثمردی

د دواړو پیژندل درته ، مھم اوضرور بولم
چی کوم درته په ګټه دی اوکوم درته مُضردی

چی کوم یوموخوښیږي،انتخاب موخلکوخپل دی
قیام مو قضاوت ته اوس لیوال دی مُنتظردی

والدورف/جرمنی
۰۵/۰۶/۲۰۱۴