د لوی، مهربان او بخښونکي خدای په نامه

ګرانې مور ته

احمد شاه حقوقی 15.04.2014 01:42

د ليکوال څو نورې لیکنې

ټول

ما باندې ته څومره ځورېــــدلی یی
اړخ په اړخ بې خوبه اوړېدلی یی
 
تاته به مې چغې کړې چې وږی یم
کله به هم پوه شوی چې زه تږی یم
ما سره هروخت ته کړېدلی یــــــی
ما باندې ته څومره ځورېدلــــــی یی
 
ستا په محبت کۍ روزل شوی یم
ستا په شفقت کې اوبدل شوی یم
درې برخې دې حق دی نازولی یی
ما باندې ته څومره دردېدلی یـــی
 
هرټال دزانګو کېدې ارمان ویده
غږ د آلولو کې دې امان ویـــــــده
خپلې خوږې مینی سوځـــولی یی
ما باندې ته څومره دردېدلی یـــی
 
زه په کمزورۍ کې تا ساتلی یم
بند په بند روڼي کې دې تړلب یم
خوب نه توره شپه کې پاڅیدلی یی
ما باندې ته څومره دردېدلی یـــی
 
ستا ښکلي حقونه به پوره نه شي
اور کې د غره کاڼي چې هیره نه شي
خیر که زما په کړیکو پاڅیدلی یی
 
قدر او درنښت ته دې سلام لیږم
درد د حقوقی دزړه پیغام لیږم
تل دې وي اباد چا چې پاللی یی
ما باندې ته څومره دردېدلی یـــی