د ولايتي شل اوريزه لوبو مهال ويش اعلان شو
31.08.2010 10:35د افغانستان کرکټ بورډ د هېواد د ۲۴ ولايتونو ترمنځ د راتلونکې شل اوريزې سيالۍ مهال ويش اعلان کړ.
دا سيالي د سپتمبر په ۲۵ نېټه د کابل په لوبغالي کې د ۲۴ ولایتونو د لوبډلو ترمنځ ترسره کېږي چې په ۸ ګروپونو ويشل شوي دي. کرکټ بورډ پتيلي چې د پخوانیو سیالیو په نسبت به دا سيالي لا معياري وي نو په همدې موخه یې ورته قوانين ټاکلي او لوبډلې ته یې لېږدلي دي. همدا راز کرکټ بورډ د کابل په لوبغالي کې د لوبغالي د سمونې او نورو اسانتياو په رامنځ ته کولو کار روان کړی دی.
هره ورځ به دوه لوبې تر سره کیږي، لومړۍ لوبه به د سهار په ۹ بجو او دویم لوبه به د ماسپښین په ۱:۳۰ بجه پېل کیږي.
کرکټ بورډ وايي چې د سيمه ييز پرمختګ مدير دولت احمدزي لوبډلو ته د قوانينو یو اوږد ليست ورلېږلی چې بايد د لوبو په مهال یې پلي کړي. په دې قوانينو کې دا هم شامل دي چې که چېرته د لوبډلو نمرې مساوي وي نو د منډو د اوسط له مخې به بل پړاو ته بريالۍ لوبډله معلومېږي. که د سيالۍ کميسيون ته ګيلې ورورسېږي او يا سرغړونې وويني نو دا کميسيون پوره واک لري چې پلټه وکړي او تاديبي اقدامات پلي کړي.
کرکټ بورډ وايي چې د دې سیالیو لپاره یې د کابل په لوبغالي کې دوه زره سيل کونکو ته د ناستې ځایونه جوړیدونکي دي، د لومړي ځل لپاره به د کابل په لوبغالي کې د لوبې حال د معلوماتو په تخته ( سکور بورډ) لیکل کیږي، د چمن په شینوالي هم ډیر کار شوی چې د پخوا په نسبت به پکې لوبه خوندوره ښکاري او که لوبغاړی د توپ پسې وغورزي نو د ټپي کیدو امکان به یې کم وي. د رسنیو د خبریالانو لپاره هم ځای یا د رسنیو بکس ځانګړی شوی دی.
د لومړي ځل لپاره د کابل په لوبغالي کې د لوبغاړو لپاره د ناستې ځایونه( پیولین) ځانګړي شوي، د لوبې په وخت کې د دواړو لوبډلو احتیاطي لوبغاړي او اداري مسؤولین پکې ناست وي.
ګروپونه:
ګروپ | لوبډلې |
الف ګروپ | پکتیا، پروان او زابل |
ب ګروپ | کندوز، پنجشیر او کاپیسا |
ج ګروپ | لوګر،غزنی او بلخ |
د ګروپ | خوست، بغلان او هلمند |
ه ګروپ | ننګرهار، بدخشان او نورستان |
و ګروپ | کونړ، پکتیکا او هرات |
ز ګروپ | کندهار، لغمان او جوزجان |
ح ګروپ | کابل، وردګ او دریم لوبډله |
یادونه: ( د ح ګروپ د درېمې لوبډلې لپاره غور، دایکندي، بامیان او د کوچيانو لوبډلې به په خپل منځ کې لوبې کوي. هرې یوې چې په خپلو کې ډېرې لوبې وګټلې هغه به په راروانو شل اوریزو ولایتي سیالیو کې د ګډون چانس تر لاسه کوي).
د لوبو مهال ويش:
|
د منځلوبې، نيمه پايلوبې او پايلوبې مهال ويش:
Group |
vs |
Group |
Date |
A Group |
C Group |
06th Oct 2010 |
|
B Group |
D Group |
06th Oct 2010 |
|
E Group |
G Group |
07th Oct 2010 |
|
F Group |
H Group |
07th Oct 2010 |
|
First Semi Final |
08th Oct 2010 |
||
Second Semi Final |
08th Oct 2010 |
||
Final |
09th Oct 2010 |
لوبڅاران:
احمدشاه پکتين
عزت الله کونړی
حامد آغا
زراب شاه ظهير