د کابل د لوبډلې د غوراوي سيالي نیمه پایلوبې ته ورسیده
24.07.2010 17:41د افغان کرکټ بورډ له خوا جوړه شوې تېره ۵۰ اوريزه سيالي کابل ګټلې وه.
نن د کابل د کرکټ په لوبغالي کې د کابل د اتو کرکټ کلبونو څخه د څلورو کلبونو( اریانا، المسافي، روحاني، شمشاد) لوبډلې نیمه پایلو ته لاره ومونده.
د کابل له لوبغالي څخه عزیز الله فضلي ټول افغان ته وویل چې سبا ته به د (اریانا کلب او المسافي )او د (روحاني او شمشاد) کلب تر منځ د نیمه پایلو شل اوریزې لوبې تر سره کیږي او دوه ګټوونکې لوبډلې به د ټورنمنټ پایلوبو ته لاره مومي.
فضلي وايي چې د راروانو شل اوریزو ولایتي سیالیو لپاره چې د کمکې اختر څخه به وروسته تر سره کیږي د کابل د لوبډلې لپاره به غوره لوبغاړي د همدې ټورنمنټ د منډو او له توپ اچونې له کتاب له مخې کیږي، هر لوبغاړي چې په دې ټورنمنټ کې ښې لاسته راوړنې ولرلې د کابل منتخبې لوبډلې ته به غوره کیږي.
ښاغلی فضلي وايي چې د لوبغاړو غوره کول به شفاف وي، د کابل د امریت د غوره کولو کمیسون چې حاجي فضل الله، خان جي، نورالحق او روښان بارکزی یې په غاړه لري ښه لوبغاړي د کابل لوبډلې ته غوره کوي.
د کابل د ۸ کلبونو لوبډلې چې د کابل د لوبډلې د غوراوﺉ لپاره په دې سيالۍ کې برخه اخلي په دوه ګروپونو ويشل شوې وې
الف ګروپ: ۱- اریانا کرکت کلب ۲- المسافي کرکټ کلب ۳- سپین غر کرکټ کلب ۴ -عبدالرحیمزی کرکټ کلب.
ب ګرروپ: ۱- شمشاد کرکټ کلب ۲- جګ دلک کرکټ کلب ۳- عزیزي بانک کرکټ کلب ۴- روحاني کرکټ کلب.
سبا ته د کابل په لوبغالي کې د نيمه پايلوبې دواړه لوبې ترسره کېږي.