ترکان دننګرهار ليسې ته نوې ودانۍ جوړوي!
05.11.2009 08:51دترکيې هيواد دجلال اباد ښار دننګرهار عالي ليسې ته نوې ودانۍ جوړوي ددې ودانۍ دبنسټ ډبره دننګرهار والي ګل اغا شيرزي،دپوهنې وزارت دتدريسي چارو مرستيال محمدصديق پتمن او دننګرهار دپوهنې ريس ممداقبال عزيزي له لورې ن دپنجشنبې په ورځ کيښودل شوه ښاغلي پتمن خبريالانو ته وويل دا ودانۍ چې ٤٢ خوني به ولري او په دوه پوړونو کې به پاخه او اساسي ډول جوړه شي خواوشاه پنځه سوه زره امريکايي ډالر لګښت پرې راځي چې دترکيې هيواد له لورې ورکول کيږي پتمن وويل دودانۍ چارې به ديوکال په موده کې بشپړې او ګټې اخيستنې ته به وسپارل شي ده وويل ودانۍ به داوسمهالې دور په تر ټولو پرمختللو وسايلو سمبال شي،دننګرهار ليسه په جلال اباد ښار کې تر ټولو لرغونې ليسه ده چې شپيته کاله پخوا جوړه شوې او اوسمهال پکې تر لسو زرو زيات زده کوونکي پر زده کړو بوخت دي په روان کال کې دننګرهار په بيلابيلو سيمو کې لسګونه ښوونځيو ته نوې ودانۍ جوړې شوي او پرلسګونو نور کار روان دې چې په پاې ته رسيدو سره په دزرګونو زده کوونکو دسرپناه ستونزه هواره شي