د لوی، مهربان او بخښونکي خدای په نامه

د اطلاعاتو او فرهنګ وزير حامد کرزي ته کمپاين کوي

کمال الدین رنځور 13.08.2009 13:42

د ليکوال څو نورې لیکنې

ټول

په هغه رپوټ کې چې ملي تلويزيون د چارشنبې په شپه خپور کړ، د اطلاعاتو او فرهنګ وزير عبدالکریم خرم د حامد کرزي په ملاتړ په یوه غونډه کې وليدل شو.

غونډه د ولسمشر په دفتر کې جوړه شوې وه او یو شمېر سپين ګيري حامد کرزي ته د ملاتړ لپاره غونډ شوي وو. په غونډه کې حامد کرزی هم ناست و.

دا د ټاکنو او نافذه قوانیونو څخه ښکاره سرغړونه ده چې یو وزير دې د کوم کانديد په ګټه په غونډو کې برخه واخلي.

د ټاکنو خپلواک کميسيون څو ورځې وړاندې د حامد کرزي دویم مرستيال کريم خليلي ۷۵ زره افغانۍ له دې امله جریمه کړ چې له دولتي وسايلو یې ناوړه ګټه پورته کړې وه. نوموړی بغلان ته د ټاکنيز کمپاين په ترڅ کې یوې غونډې لپاره د ملي دفاع په چورلکه کې تللی و.