وزيراعلی په ولي باغ چارسده کې د سنګين ولي خان کور او قبر له ورغلو او دعا يې وکړه
29.06.2009 22:06پېښور : د خدائي خدمتګار تحريک باني خان عبدالغفار خان نمسي ، د عوامي نېشنل پارټۍ د رهبرتحريک خان عبدالولي خان مرحوم زوی، اؤ د اې اين پي د مرکزي صدر اسفنديارولي خان کشر ورور سنګين ولي خان د مرګ اولنۍ کليزه په ډېر احترام او سادګۍ سره په ولي باغ چارسده کښې اونمانخل شوه.
په دې غونډه کښې د عوامي نېشنل پارټۍ صوبائي صدر افراسياب خان خټک ، پخواني وفاقي وزير محمد اعظم خان هوتي سره سره د ګوند نورو مشرانو اؤ کارکنانو شرکت درلود.
په دې موقعه د قران پاک د تلاوت سره سره د خدائې بخلي په حق کې دعا کېده .
د پښتونخوا صوبې وزيراعلی اميرحېدرخان سره د سنيئر وزير بشيراحمد بلور ، د صوبائي اسمبلۍ د غړي فضل شکور ، د فرنټيئر کانسټبلرۍ د کمانډنټ ظفرالله خان هم هلته ورغلو اؤ په دې غونډه کښې ئې برخه واخيستله.
په اجتماعي دعا کښې د ضلعې د انتظامئې افسرانو سره سره زاړه خدائې خدمتګاران هم ناست وو.
دلته د ناستې نه لږه شېبه وړاندې وزيراعلی د ولي باغ مقبرې ته ورغلو اؤ د خان عبدالولي خان اؤ سنګين ولي خان په قبرونو ئې د ګلونو څادرې اوغړولې اؤ ددوۍ په حق کښې ئې دعا اوکړه.
د ليکوال څو نورې لیکنې
شيبه په شيبه د هيواد له ګوټ ګوټ څخه تازه ، دقيق او پر وخت خبرونه ، کره سياسي بحثونه ، په زړه پورې پښتو موسيقي ، تفريحي او هنرې آزانګې له خپلې راډيو ،سپوږمۍ څخه په ١٠٢،٢ ايف ام څپو واورئ . spogmairadio@gmail.com ٠٢٠٢٥٠٢١٠٠