بیلاروس د نوبل جایزې ګټونکی "الس بیالیاتسکی" په ۱۰ کاله بند محکوم کړ
بیلاروس د جمعې په ورځ مارچ دریمه (کب ۱۲) د نوبل جایزې ګټونکي او د پخواني شوروي اتحاد په دې استبدادي هیواد کې د بشري حقونو د تر ټولو نامتو ډلې بنسټ ایښودونکي الس بیالیاتسکي په ۱۰ کاله بند محکوم کړ.
نن او وضعیت
د نن او وضعیت په خپرونه کې د افغانستان د ټولنیز او فرهنګي وضعیت ارزونه ددې خپرونې له میلمنو څخه اورئ. دغه خپرونه هره شپه د ٩:۳۰ تر ۱۰:۰۰ پورې په ژوندۍ بڼه ستاسې غږ د اشنا رادیو د څپو او د امریکا غږ د سپوږمکۍ او ډیجیټلي خپرونو له لارې خپروي.
د نوبل امن جايزه ګټونکی په بيلاروس کې لس کاله قيد کړل شو
واشنګټن- د بيلاروس وګړی او د نوبل امن جايزه ګټونکی ايلېس بيالياټسکي ته د جمعې په ورځ د بيلا روس يو عدالت لس کاله قيد سزه اورولې ده. په جينوا کې د متحده قامونو د بشري حقونو دفتر د بيلا روس په صدر ايلېکسزينډر لوکاشنيکوف غږ کړی چې د بيالياټسکي خلاف لګېدلي جرمونه بيرته واخلي او هغه دې زر تر زره ازاد کړل شي. بيالياټسکي په بيلا روس کې د پېژندل شوي بشري حقونو د ډلې ويانسه بنياد ايښودونکی فعال دی چا چې هغه احتجاج کوونکو ته قانوني او مالي مرستې ورکړي چې په بيلا روس کې يې په کال 2020 کې د متنازعه انتخابونو نتيجې نه منلې چې يو ځل بيا يې د دغه هېواد مظبوط سياسي شخصيت ايلېکسينډر اقتدار ته راوستلی دی. ايلېکسينډر د ديرشو کالو نه په دغه څوکۍ ناست دی. ايلېکسينډر لوکاشېنکو د روس د صدر وېلاډيمير پوټين په دوامداره توګه ملګرتيا کړې او اکثر خلک يې د يورپ په اخري ډېکټيټر يادوي. بيالياټسکي ويلي هغه ته په سياسي بنيادونو سزا ورکول کيږي. ياد تن تېر کال د روس او اوکرين د امن د پاره کارونکو دوو نورو تنانو سره په شريکه د نوبل امن جايزه ګټلې ده. د بيالياټسکي د تنظيم په دوو نورو تنانو هم مقدمې روانې دي او امکان څرګنديږي چې دواړه ته به د اوږدې مودې د قيد سزاګانې ورکړل شي. د متحده قامونو د دفتر وياند جېرمي لارنس وايي د مقدمو د طريقه کار په اړه ډېر انديښمن دی. جېرمي وايي “دا درې واړه د هغې سلګونو خلکو د جملې نه دي چې کله په کال 2020 کې يې د حکومت خلاف احتجاجونه کړي وو او حکومت پرې زور زياتی کړی و”.
سپینې خبرې
د سپینې خبرې په خپرونه کې په افغانستان، سیمه او نړۍ کې د ورځنیو پیښو په اړه د نظر د خاوندانو او څیړونکو تاوده بحثونه تعقیب کړئ. دا خپرونه په ګډه په پښتو او دري ژبو هره شپه د افغانستان په وخت د ۸:۰۰ تر ۹:۰۰ پورې په رادیو اشنا او د امریکاغږ په سپوږمکۍ او ډیجیټلي خپرونو کې وړاندې کیږي.
ملګري ملتونه: طالبانو د ښځو له حقونو سرغړونه یو عام کار ګرځولی دی
واشنګټن ــــ د بشري حقونو د څار نړیوالې ادارې د ملګرو ملتونو د ځانګړي رپورټر هغه رپوټ هراړخیز خو "تباه کوونکی" بللی دی، چې هغه پکې ویلي، طالبانو په افغانستان کې په منظمه توګه د ښځو د حقونو سرغړونه عام کار ګرځولی دی. د ایچ آر ډبلیو د اېشیا څانګې مشرې پېټریشا ګوسمن او څېړونکې فریشتې عباسي د مارچ پر دویمه پخپل ګډ رپوټ کې ویلي، چې د ملګرو ملتونو ځانګړي رپورټ ریچرډ بېنټ پخپل هراړخیز رپوټ کې د ښځو خلاف د طالبانو د پراخو او سنګینو سرغړونو ذکر کړی دی. ریچرډ بېنټ خپل دغه رپوټ د ملګرو ملتونو د بشري حقونو شورا ته سپارلی دی چې پکې هغه په تېرو میاشتو کې افغانستان ته د طالبانو په واکمنۍ کې د خپل دویم سفر په مهال د سترګو لیدلی حال او د طالبانو له چارواکو، خبریالانو، د مدني او ښځو د حقونو له فعالانو سره د خبرو په بنیاد معلومات شامل کړي دي. ریچرډ بېنټ پر دې "ژوره اندېښنه" ښکاره کړې چې وایي له افغانو ښځو او نجونو سره جنسي تېري او د جنسیت په بنیاد زیاتېدونکی تشدد په معافیت سره پېښېږي، خو اغېزمن کسان ډېر لږ له داسې پېښو د خلاسون لپاره د خلکو ملاتړ لري: د ښاغلي بېنټ په رپوټ کې ویل شوي چې ده پخپل وروستي سفر کې د یوې پېغلې نجلۍ په اړه واوریدل چې "په رڼا ورځ د حاکمو چارواکو له خوا بې له کوم دلیله بېول شوې، زنابالجبر ورسره شوې او بېرته خپلې کورنۍ ته وروړل شوې وه". وایي هغې نجلۍ وروسته ځان وژلی وو او د ده په وینا دا کېدای شي "د هغه داغ" له کبله وي چې د جنسي تاوتریخوالي قرباني شوې ښځې او نجونې په ټولنه کې ورسره مخ وي. د طالبانو د کورنیو چارو د وزارت پر یوه مخکیني ویاند قاري سعید خوستي هم د الهې دلاورزۍ په نوم نجلۍ تور پورې کړی وو، چې په زور یې واده کړې او په جنسي توګه یې ځورولې وه، خو هغه دا تورونه رد کړي وو. د ملګرو ملتونو ځانګړي رپورټر په خپل رپوټ کې لیکلي، "د دې پر ځای چې [د طالبانو] چارواکي د ښځو خلاف د توپیري چلند د ختمولو لپاره ګامونه واخلي، بلکې هغوی یې عاموي. ښاغلی بېنټ وایي په افغانستان کې ښځو ورته وویل: "ورځ په ورځ حالات خرابېږي، موږ ځانونه خوندي نه محسوسوو او موږ داسې محسوسوو چې په هدف یو". د بشري حقونو د څار اداره د د ملګرو ملتونو د ځانګړي رپورټر هغه خبره را اخیستې چې هغه پخپل رپوټ کې وایي د ښځو او نجونو له بنیادي بشري حقونو د توپیري چلند په بنیاد انکار "جنسیتي ځورونه" کېدای شي، چې وایي دا د انسانیت خلاف جرم دی. ریچرډ بېنټ پخپل رپوټ کې د طالبانو تر واک لاندې افغانستان انځور وړاندې کړی چې وایي اوس "د نظر د توپیر لپاره ډېر لږ خو د اختلاف لپاره بېخي زغم پکې نه شته"، وایي خبریالان په زیاتېدونکې توګه له څار، ډار، تشدد او بند له سره مخ دي: "په مجموعي توګه د ښځو او نجونو له حقونو سرغړونه دا خطر زیاتوي چې هغوی په ټولنه کې له تشدد او ناوړه چلند سره مخامخ شي او دا به د دوی پر بدني او ذهني روغتیا ډېرې بدې اغېزې ولري". ریچرډ بېنټ د خپل رپوټ په پیل کې د طالبانو له مختلفو وزیرانو سره د لیدو ذکر هم کړی او وایي هغوی ورته وویل چې د نجونو د ثانوي تعلیم بیرته پیلولو لپاره یې هلې ځلې روانې دي، خو وایي په دسمبر کې د نجونو د پوهنتونونو بندول یې له دې خبرې سره په ټکر کې ده: "طالبان دعوه کوي چې دا بندیزونه لنډمهاله دي او د نظریاتي خنډونو پر ځای لوجیسټکي چارې بهانه کوي، خو په حقیقت کې د ښځو په وړاندې نورې دروازې هم بندېږي او د بهانو دا لړۍ او د حقونو عملي انکار د دوی د 1990مو کلونو تصویر وړاندې کوي". طالبانو تر اوسه د ملګرو ملتونو د ځانګړي رپورټر دې تفصیلي رپوټ ته لا څه رسمي جواب نه دی ویلی او دوی معمولاً د ښځو له حقونو د سرغړونې په اړه نړیوالو اندېښنو او رپوټونو ته جواب نه وایي، خو ویاندویان یې وخت په وخت رسنیو ته وایي چې د ښځو په ګډون یې د ټولو افغانانو حقونه خوندي کړي دي.
د حایل اونیزه خپرونه
په دغه تلویزیوني خپرونه کې د بېلابېلو اړخونو سره په مخامخ، ژورو او تودو بحثونو کې د افغانستان، سیمې، او نړۍ مهم سیاسي، امنیتي، اقتصادي، او ټولنیز موضوعات څېړل کېږي. دا نیم ساعته، اونیزه خپرونه، هره جمعه د ماښام پر اووه نیمې بجې، د امریکاغږ د سټلایټ او ډیجیټلي خپرونو له لارې خپریږي.
د ۳۰ دقیقې اونیزه خپرونه
د ۳۰ دقیقې په اونیزه خپرونه کې چې په دري او پښتو ژبو د هرې جمعې په شپه خپریږي، د اونۍ مهمو پیښو، رپوټونو او مرکو ته کتنه کیږي او د ورځنیو پیښو په اړه تازه او هر اړخیرې ارزونې وړاندې کوي.
ژوند په امریکا کې
"ژوند په امریکا کې" خپرونه کې تاسې په متحده ایالاتو کې، چې د مختلفو فرهنګونو او ارزښتونو کور بلل کېږي، د مهاجرینو د فرصتونو، ننګونو، نژادي او فرهنګي تنوع، د ژوند د بڼو او د هغوی د ارمانونو د پوره کیدو سره اشنا کیږی. دغه خپرونه د جمعې په ورځو د ماښام په ۶:۰۰ بجو د امریکاغږ په سپوږمکۍ او ډیجیټلي خپرونو کې خپریږي.
د امريکا د استازو جرګې د بهرنيو اړيکو د کمېټې له لوري پر طالبانو د سخت بنديز غوښتنه وشوه
د امريکا د استازو جرګې له لوري پر طالبانو د سخت بنديز غوښتنه یو شمېر افغان محصلانې له نړیوالې ټولنې غواړي چې، د افغان نجونو او ښځو د ځپلو او د دوی پر زدهکړو د بندیز له امله دې پر طالبانو سخت فشار راولي، څو د نوي تعلیمي او تحصیلي کال له پیل سره په افغانستان کې د دوی زدهکړو ته زمینه برابره کړي. د بدخشان پوهنتون محصله او مدني فعاله مریم رسولي ازادي راډیو ته وايي: "نړیواله ټولنه باید د طالبانو پر وړاندې سخت دریځ خپل کړي او دا ډله باید هغه ډول چې، دوی په موږ ظلم کوي او موږ یې له زدهکړو محرومه کړي یوو، نړیوالو بشري بنسټونو ته معرفي کړي. هر څه ژر د دوی د مجازاتو غوښتونکي یوو. زموږ غوښتنه دا ده چې په پسرلي کې دې ښوونځي او پوهنتونونه پرانیزي." دا افغان محصله داسې مهال دا خبره کوي چې د امریکا متحدهایالاتو د بهرنیو اړیکو د کمېټې رئیس ویلي، هېواد یې د افغان نجونو او ښځو د حقونو د ساتنې په برخه کې ماتې خوړلې او ویلي یې دي، دا ډېره کوچنۍ مسله ده چې د افغان نجونو او ښځو د ملاتړ په برخه کې یوازې د طالبانو په ۸ غړو د ویزې محدودیت وضع شوی دی. مایک مککال د پنجشنبې په ورځ په یوه لیک کې چې د امریکا د بهرنیو چارو وزیر انټوني بلېنکن ته یې لېږلی په طالبانو د سخت بندیزونو د نه لګولو له امله سخته نیوکه کړې او غوښتنه یې کړې، څو د ده په خبره، د طالبانو پر وړاندې له دې امله چې افغان نجونو او ښځو سره غیرانساني چلند کوي، سخت عمل وکړي. د ښاغلي مککال په خپل لیک کې چې، د امریکا د استازو جرګې د بهرنیو اړیکو د کمېټې په ویبپاڼه خپور شوی لیکلي، د طالبانو پر وړاندې د افغان نجونو او ښځو د ملاتړ په برخه کې دې ډلې ته د امریکا متحدهایالاتو خاموشي وحشتناکه او ناکافي ده. هغه په دې لیک کې په افغانستان کې د نجونو او ښځو د ځپلو، له زدهکړو او کار یې د مخنیوي او د بشري حقونو د فعالانو نیولو ته په اشارې لیکلي: "له ټولو ډېر اندېښمنونکي همدا د ویزو د محدودیت تحریم دی چې یوازې د طالبانو د وحشتناکه کړنو پر وړاندې د جمهور رئیس بایډن له ژمنو سره سره لګول کېږي." په ورته وخت کې د ښځو د حقونو یوه فعاله نایره کوهستانۍ وايي، په طالبانو د امریکا اوسني فشارونه بسنه نهکوي او متحدهایالات باید د قدرت او عمل له لارې د همهشموله حکومت د جوړېدو لپاره د خبرو زمینه برابره کړي. د نایرې په خبره، ډېر وخت ضایع شوی او لږ فرصت شته چې په افغانستان کې دننه خلک د یوه بدلون شاهدان و اوسي. نوموړې وايي: "که امریکا، جوبایډن یا هم امریکايي ډیپلوماټان خپل ځان مسوول ګڼي او که غواړي چې واقعا یو عملي کار وشي، یو داسې عمل دې وکړي چې د افغانانو لپاره اغېزمن وي. دا ډول فشارونه پایله نهلري، موږ ډېر څه غواړو. د بېلګې په توګه یو ټولګډونه حکومت، داسې حکومت چې د اساسي قانون پر بنسټ جوړ شي." طالبانو تازه په دې اړه څه نهدي ویلي، خو وړاندې یې تل ټینګار کړی چې په افغانستان کې د اسلامي شریعت په رڼا کې د ټولو افغانانو حقونه خوندي دي. د امریکا حکومتي چارواکو د استازو جرګې د بهرنیو اړیکو د کمېټې د مشر لیک ته د ځواب په توګه څه نهدي ویلي، خو له دې وړاندې یې تل ویلي چې له افغان نجونو او ښځو سره ولاړ دي او له طالبانو یې غوښتي چې له افغانانو او نړیوالې ټولنې سره په خپلو ژمنو عمل وکړي.
د امریکا او جرمني مشران له اوکراین څخه د لا زیات ملاتړ لپاره په سپینه ماڼۍ کې خبرې کوي
ټاکل شوې چې د متحده ایالاتو ولسمشر جو بایډن د جمعې په ورځ مارچ دریمه (کب ۱۳) په سپینه ماڼۍ کې د جرمني له صدراعظم اولاف شولتز سره وګوري. له اوکراین څخه د ملاتړ دوام او د نړۍ د امنیتي او اقتصادي مسایلو په اړه د دوه اړخیزو همکاریو دوام د دواړو هېوادونو د مشرانو د بحث له مهمو موضوعاتو څخه دي.
هرنايي: د سکرو په کان کې چاودنه شوې، شپږ مزدوران پکې مړه شوي
د پاکستان د بلوچستان صوبې د هرنايي ضلعې په شاهرګه سيمه کې د سکرو په يو کان کې پرون د ګېس چاودنه شوې، د هرنايي د ډي دفتر وايي د کان په پېښه کې شپږ مزدوران مړه شوي دي.
د کاج ښوونيز مرکز زدهکوونکې: د پوهنتونو تړلو دروازو ناهيلې کړي يو
د کاج ښوونیز مرکز یو شمېر نجونې زدهکوونکې وایي، له ډېرو ستونزو سره یې د کانکور ازموینه ورکړه او هیله یې درلوده چې لوړې زدهکړې پیل کړي؛ خو د نجونو پر مخ د پوهنتون د دروازو تړلو، دوی ناهیلې کړي دي. زهرا عظیمي د کاج تعلیمي مرکز له زدهکوونکو څخه ده چې، د ياد مرکز په برید کې یې کیڼ لاس ټپي شوی و. زهرا وایي، له برید وروسته یې که څه هم ډېر لوی شاک ولید، خو د ټپي وجود سره یې د کانکور په ازموینه کې ګډون وکړ او اوس د پوهنتون د دروازو تړل د دې ټول ارمانونه لهمنځه یوړل. نوموړې وايي: "په تېر دوه کالو کې مې شپه او ورځ زیار وویست څو خپلو هیلو او ارمانونو ته ورسېږم، بلاخره ولاړم او د ازموینې ته حاضره شوم او ازموینه مې په پوره شوق او ذوق ورکړه خو له ازموینې وروسته د پوهنتون دروازې وتړل شوې، خپل دننه یو احساس لرم چې نه يې شم بیانولی، تر دې وړاندې مې فکر کاوه چې د یو افغان په توګه او هغه هدف چې هېواد ته لرم، د یوه افغان په توګه مسوولیت لرم، چې باید یې تر سره کړم خو اوس چې دپوهنتون دروازې تړل شوي دي، یوه ویرونکې او تیاره صحرا ته روانه یم." زهره د ۲۲۵ نمرو په تر لاسه کولو سره د کابل پوهنتون کیمیا څانګې ته لاره ومونده او ټاکل شوې وه چې، د کیمیا په څانګې که به خپلې زدهکړې کوي. بصیرت فطرت د کاج ښوونیز مرکز بله زدهکوونکې ده چې، د ټپي کېدو سره يې په دواړو اصلي او متفرقه ازموینو کې یې ګډون وکړ. بصیرت وایي، هیله یې درلوده، چې د کانکور د ازموینې د تر سره کولو سره به تر بل کال پورې د کابل پوهنتون د انجينرۍ په څانګه کې زدهکړې وکړي خو اوس دې هيلو ته رسېدل ورته ستونزمن دي. نوموړې وايي: "هیله مې درلوده مهندسه شم، تل مې غوښتل مهندسه شم، علاقه مندي مې وه ځکه مې دو کاله زیار وکښه څو وکولای شم خپلې رشتې ته بریالۍ شم، خو په هر صورت خپل له هیلو پاتې شوم خو بیا مې هم هیلې درلودې چې خپلې همدې رشتې ته به ادامه ورکړم خو اوس طالبان نجونو ته د درس ویلو اجازه نه ورکوي، که پوهنتون وي یا هم کوم بل ځای، د ښوونځیو دروازې یې هم پر مخ تړل شوې دي." دا په داسې حال کې ده چې، طالبانو د لوړو زدهکړو وزارت تېره اوونۍ اعلان وکړ چې، د روانې کب میاشتې په ۱۵ مه به یوازې د هلکانو محصلانو پسرلني سمېسترونه پیل شي. که څه هم د طالبانو د لوړو زدهکړو وزارت په دې اړه زموږ پوښتنو ته ځواب نهدی ویلی، خو د دغه وزارت ویاند ضیا الله هاشمي تر دې مخکې ازادي راډيو ته ویلي وو چې، تر بلې خبرتیا پورې نجونې د امر په منلو مکلفې دي. طالبان په داسې حال کې دا اعلان کوي چې، د ۲۰۲۲ کال ډسمبر میاشت کې یې دولتي او خصوصي پوهنتونونو ته د نجونو پر تګ بندیز ولګاوه. که څه هم د طالبانو دا محدودیتونو له سختو کورنیو او بهرنیو غبرګونونو سر مخ شوي موضوع ده خو، لا هم دوی خپل له سخت دریځه موقف نهدي په شاه شوي. د کاج ښوونیز مرکز پېښه په اتم د ميزان هغه مهال تر سره شوه چې، د دغه مرکز زدهکوونکې د ازمایښتي کانکور په ازموینه کې بوخت وو. په افغانستان کې د ملګرو ملتونو د مرستندویه پلاوې یوناما د راپور لهمخې د کابل په کاج ښوونیز مرکز کې ځانمرګي برید کې ۵۳ کسان وژل شوي او ۱۱۰ نور ټپیان شوي دي. دغه برید په ملي او نړیواله کچه غبرګونونه راوپارول او په زرګونه افغانانو د دغه برید په غبرګون د نړۍ په بېلابېلو ښارونو کې لاریونونه وکړل.
بو علی سینا
د روغتیا او طبابت د ډګر نوې پرمختیاوې، د تر ټولو عصري طبی وسایلو او د درملنې پرمختللې لارې چارې، د نامتو ډاکترانو او د روغتیا د څانګې د کارپوهانو سره مهمې مرکې، په افغانستان کې روغتیایي ستونزو ته ژوره کتنه، پر مخدره موادو د اعتیاد نه نیولې د ماشومانو تر ګوزڼ پوری روغتیايې ستونزې او د حل د لارو چارو لټون، دا ټول کولای شئ د امریکا غږ په نوې روغتیایي ځانګړې خپرونې بو علی سینا کی تعقیب کرئ.
امریکا وایي روس به په اوکراین کې د جګړې له سزا خلاص نه شي
واشنګټن ــــ د امریکې د بهرنیو چارو وزیر اینټني بلینکن د هندوستان، جاپان او اسټرېلیا له خارجه وزیرانو سره تر لیدو وروسته د جمعې په ورځ وویل، روس به په اوکراین کې د جګړې له سزا خلاص نه شي. د کواډ ګروپ په نامه د دغو څلورو هېوادونو غړو په نوي ډیلي کې د جي-20 هېوادونو د غونډې په څنډه کې سره لیدلي دي. اینټني بلینکن پر ټویټر د دې ناستې په اړه لیکلي: "موږ پر هغو لارو چارو ګټورې خبرې وکړې چې موږ څنګه کولای شو د اوکراین نوره مرسته او ملاتړ وکړو او د مهمې او نوې ټیکنالوجۍ په برخه کې یې همکاري وکړو". د کواډ ګروپ د بهرنیو چارو وزیرانو پخپل ګډ بیان کې ویلي چې د روس له خوا په اوکراین کې د ایټمي وسلو کارولو ګواښ ورته "د منل وړ نه دی". د روس ولسمشر ولادیمیر پوټین په تېره فرورۍ میاشت کې د ایټمي وسلو تړون معطل کړ او اوکراین ته یې د ایټمي وسلو د کارولو ګواښ کړی وو. د برتانیې د دفاع وزارت د جمعې په ورځ پر اوکراین د روس د برید په اړه په خپل تازه ورځني رپوټ کې ویلي، چې د روس دفاعي کمپنۍ د وسلو په لویو نړیوالو نندارتونونو کې خپل مصنوعات نندارې ته وړاندې کوي. وزارت وایي روسي کمپنۍ د ارینا-اي په نامه فعال دفاعي نظام یا اې پي ایس ته وده ورکوي چې وایي دا د بکتربند موټرو د بقا زیاتولو لپاره جوړ شوی دی. د وي او اې د رپوټ له مخې په یوه وروستي نندارتون کې د اې پي ایس د ودې موادو وښووله چې دا فعال دفاعي نظام "هغو خطرونو ته ماتې ورکوي چې د بکتربند موټرو لپاره زیات خطرناک دي". د برتانیې دفاع وزارت وایي داسې څه ثبوت نه شته چې دا دفاعي سیسټم دې د روس په موټرو کې ځای پر ځای شوی وي خو وایي روسي پوځ خپل 5,000 بکتربند موټر بایللي دي. د اوکراین ولسمشر ولادیمیر زلنسکي د پنجشنبې- زیارت په ورځ په خپله وینا کې وویل چې په زاپوریژیا ښار باندې د روس میزایلو "وحشیانه برید" به د دوی له پوځي او قانوني غبرګون سره مخ شي. زلنسکي ویلي، "قبضه کوونکی به ضرور زموږ زور محسوس کړي." د اوکراین چارواکو ویلي، د هېواد په جنوبي ښار زاپوریژیا کې د روس یو میزایل د اپارټمنټ پر ودانۍ لګېدلی دی، چې وایي لږ تر لږه درې کسان پکې وژل شوي دي. صدر زلنسکي په ټیلیګرام کې ویلي چې میزایل د ودانۍ درې منزله تباه کړي دي.
طالبانو د استاد مشعل په ګډون د پوهنتون دوه استادان خوشې کړي
سرچینې وايي، چې طالبانو استاد اسماعیل مشعل، د پوهنتون د یو بل استاد او د مدني ټولنې یو فعال په بند کې د څو اونیو تیرولو وروسته بیرته خوشې کړي دي.
