"امریکا د پاکستان د ملکي او پوځي مشرتابه جاسوسي کړې"

د "ده انټرسېپټ" په نوم انلاین خبري وېبپاڼې په تازه رپوټ کې موندلې، چې د امریکا ملي امنیت ادارې "اېن اېس اې" د پاکستان د لوړپوړو سیاسي او پوځي مشرانو جاسوسي کړې ده.

مالیزیایی سندرغاړی نیموي "اسلام ته د سپکاوي" په تور نیول شوی

د مالیزیا پولیسو یو مشهور او لانجمن سندرغاړی تر هغو شکایتونو وروسته نیولی، چې ګني پخپله وروستۍ سندریزه وېډیو کې یې "اسلام ته سپکاوی" کړی. دغه مالیزیایی سندرغاړی وي مینګ نومېږي، خو په نیموي مشهور دی.

د تخار خواجه غار ولسوالۍ بیرته افغان ځواکونو ونیوله

تخار کې چارواکي وایي، طالبانو نن د دغه ولایت د خواجه غار ولسوالۍ د یو ساعت لپاره له افغان ځواکونونیولې وه، چې وروسته افغان ځواکونو دا ولسوالۍ بیرته له هغوی ونیوله.

باراني شېبو کې د ریو ۲۰۱۶ اولمپیک د پای مراسم ترسره شول

د ریو ۲۰۱۶ کال د اولمپیک د پای ته رسېدو مراسم د شړقنده باران په ورېدو ترسره شول. مراسم د زرګونو لوبغاړو، سلګونو نڅاګرو او د لسګونو سندرغاړو په نندارو او ولولو پای ته ورسېدل.

دولتي ځواکونو د تخار خواجه غار ولسوالي له مخالفینو بېرته ونیوله

د افغانستان د شمالي ولایت تخار والي محمد یاسین ضیا وايي؛ دولتي ځواکونو نن سهار د خواجه غار ولسوالي بېرته له مخالفینو نیولې ده. طالبانو تېره شپه پردې ولسوالۍ برید وکړ او د څو ساعتونو لپاره یې پرې ولکه ټینګه کړه.

اردوغان: پر واده برید کوونکی ۱۲ یا ۱۴ کلن ماشوم و

د ترکیې ولسمشر رجب طیب اردوغان په کرد مېشتي غازي عنتاب کې د هغه ځانمرګي برید د پړې ګوته د "اسلامي دولت" نومې ډلې ته نیولې، چې لږترلږه ۵۰ کسان یې ووژل. دی وايي د برید کوونکي عمر ښايي د ۱۲ او ۱۴ کلونو ترمنځ وو.

سوداگر:مالياتي چارو ادارې قانون زمونږ په تاوان دی

د افغانستان د سوداګرۍ او صنایعو خونې مسؤلین وایي، د حکومت له لورې د ماليې او تعرفې لوړولو په افغانستان کې سوداگري او پانگونه کمه کړې ده. ددغې خونې مرستیال خان جان الکوزي امریکا غږ اشنا ته وویل سږکال د دولت له خوا د مالياتي چارو قانون له تطبيق سره، چې ماليه پکې دوچنده لوړه شوې د وارداتو کچه راټيټه او پانگونه یې کمه کړې چې سودا گر او ولس يی د تاوان سره مخامخ کړي. ښاغلی الکوزی له مالياتي ...

اته ویشت کلن عبدالقدیر په ویرجنیا کې په اوبو کې ډوب شو

عبدالقدیر د کابل لایت د سرای خواجې د سیمې اوسیدونکی و چې دوه کاله مخکې امریکا ته راغلی و او واشنګټن سره نږدې اوسیده.

د عکسونو البوم: د اولمپيک سياليو ۱۵ مه ورځ

د برازيل په ريو کې د روانو اولمپیک سياليو پر ۱۵ ورځ هم امریکا د مډالونو د جدول په سر کې وه. ورپسې بريتانيا او چين وو. دا له ۱۹۰۸ کال راهيسې لومړی ځل دی چې بريتانيا په اولمپیک سياليو کې دا ډول لويې لاسته راوړنې لري.

اروپا ته له کړاونو ډک سفر

تېر کال تر یو میلیون ډېر کډوال د مدیترانې تر سمندر واوښتل او ځانونه یې اروپا ته ورسول. تر پولو د اوښتلو دا ډول سفرونه قانوني نه دي ځکه نو له سختیو، خطرونو او کړاونو ډک دي. بي بي سي ځینو کډوالو ته کامرې ورکړي چې اروپا ته خپل دغه ډول خطرناکه سفر فلم کړي.

د سنګاپور لوړې ودانۍ

سنګاپور ډېرې لوړې ودانۍ لري - پرمختللی اقتصاد په نړۍ کې د عصري ودانیو طرح کولو او جوړولو ته لار پرانیستې خو دا ودانۍ به هر چا له یوه یا بله اړخه لیدلي وې. اوس یو عکاس توانېدلی چې د دغو هسکو ودانیو تصويرونه له پاسه واخلي.

د بند امير ملي پارک

د افغانستان په بامیانو کې د بند امیر په ملي پارک کې څو پوليسې په دنده ګومارل شوې چې خلکو د د پارک ساتنې په چارو کې مرسته او لارښوونه وکړي. بند امیر د تفریح مهمه سیمه ده خو په خوا کې یې ځینې خلک د خپلو عقیدو پاللو ته هم ورځي.

ترکيه کې چاودنه

د ترکیې په جنوب کې د واده د مراسمو پر وخت په یوه چاودنه کې لږ تر لږ ۵۰ کسان وژل شوي او تر ۹۰ زیات کسان ژوبل شوي دي. دا چاودنه په غازي عينتاب ښار کې شوې دا ښار د سوریې له پولې یوازي ۶۴ کلیومتر لرې دی.

د پاکستان پر اقتصاد د افغان کډوالو اغېز

د پاکستان حکومت د کډوالو په اړه له نوې تګلارې سره اوس ګڼ شمېر افغان کډوال له دغه هېواده خپل ټاټوبي ته ستنېږي. د دوی له ستنېدو سره سم د خیبر پښتونخوا په مرکزي ښار پېښور کې د کورونو کرایې را کښته شوې او د راکړې ورکړې دغه کاروبار یې اغېزمن کړی.

بریتانیا کې نیمه برخه ښځې "د کار په ځای کې له جنسي ځورونې" سره مخ دي

د بریتانیا د کارګرو اتحادیو ټولنې (TUC) یوې نوې سروې کې ویل شوي، له نیمايي زیاتې ښځې وايي د کار په ځاې کې له جنسي پلوه ځورول شوې دي او زیاترو يې ویلي چې په دې هکله يې له رسمي شکایت کولو ډډه کړې.