وسله والو غزني کې د نجونو ښوونځی په بمونو الوځولی
د افغانستان د جنوبي ولایت غزني د مرکز اړوند قره باغي سیمه کې د نجونو یو ښوونځي په بمونو الوځول شوی دی. په دغه پېښه کې چاته زیان نه دی رسېدلی.
د غزني د پوهنې رییس محمد عابد عابد بي بي سي ته وویل، ناپېژانده وسله والو تېره شپه ناوخته (جوزا/غبرګولي لومړۍ) د البیروني د نجونو لېسه په بمونو لمنځه یوړه.
هغه وویل، دا لومړی ځل دی چې غزني کې پر روزنیز مرکز دا ډول برید کېږي.
د ښاغلي عابد د معلوماتو له مخې، په دغه ښوونځي کې څه دپاسه ۱۲۰۰ نجونو زده کړې کولې او اوس له زده کړو پاتې شول.
د سیمې یوه اوسېدونکي شېراحمد (مستعار نوم) بي بي سي ته وویل، تېره شپه یوه بجه (جوزا/غبرګولي لومړۍ) چاودنې وشوې او سهار څرګنده شوه چې د نجونو ښوونځی ړنګ شوی دی.
تراوسه ددې پېښې مسوولیت هم چا یا کومې ډلې نه دی منلی.
ناپېژاندو کسانو احمد شاه بابا مېنه کې د نجونو ښوونځی سوځولی
وسله والو کسانو ننګرهار کې د نجونو ښوونځی سوځولی
' د کندوز ځینو سیمو کې د وسله والو له ګواښ وروسته نجونې له ښوونځي منع شوې'
اوسمهال د افغانستان په ډېرو لرې پرتو سیمو کې د مخالفینو د ګواښ له امله ډېر شمېر ښوونځي تړلي دي. افغانستان کې جګړه لامل شوې چې زرګونه زده کوونکي له زده کړو بې برخې شي.