د فرانسې پوليسو په نيس کې د لارۍ بريد سره په تړاو چې له ۸۰ زيات کسان په کې وژل شوي وو، دوه نور کسان هم نيولي دي.

نيول شوي کسان چې يو سړی او يوه ښځه ده، له بريدګر محمد لحوېج بوهلال سره يې اړيکي لرل.

د نيس ځايي تونسيان او د مسلمانانو ټولنې زيار باسي چې له بريد ګره ځانونه لرې وساتي.

خو ډېر یې احساس کوي چې د بريدګر عمل يې زيان ورسولی او پايله کې يې د دښمنۍ حالت سره مخامخ شوي دي.

له برید وروسته هلته له ځایي مسلمانو فرانسویانو اورو چې په ژوند یې څه اغېز کړی؟