ازادي راډیو
 شاته

د انتخاباتو کمېسیون: د انتخاباتو لپاره چمتو یوو او کومه ستونزه نه لرو

د افغانستان د ټاکنو خپلواک کمېسیون وایي، نن تر ماښامه پورې به د ولسمشریزو ټاکنو د ترسره کېدو لپاره چمتووالی پای ومومي.

د ولسمشریزو ټاکنو پیلېدو ته معکوس شمېر پيل شوی او د افغانستان د انتخاباتو خپلواک کمېسیون وایي، چمتو دی چې د شنبې په ورځ په ټول هېواد کې ولسمشریزې ټاکنې ترسره کړي.

د دغه کمېسیون په خبره، ۳۴۴ ولسوالیو ته مواد رسېدلي او پاتې ۱۰۲ نورو ولسوالیو ته به په څو ساعتونو کې مواد ورسېږي.

د انتخاباتو د خپلواک کمېسیون مرستیال عصمت الله مل ازادي راډیو ته وویل چې نن ترماښامه پورې به د کمېسیون ټولې تیارۍ بشپړې شي.

ده وویل: تقریباً ۹۰ سلنه انتخاباتي مواد مرکزونو ته رسېدلي، پاتې مواد چې د ولایتونو په ښارونو کې دي، مرکزونو ته یې وېش پیل شوی، مونږ سل په سلو کې ډاډ ورکوو چې موږ د موادو په لېږد کې له کومې ستونزې سره مخ نه یوو، کومو ځایونو کې چې ستونزې وې، امنیتي مسؤلینو همکاري وکړه او د ځمکې او هوا له لارې موږ مواد ولېږدول، ان شاالله موږ له کومې ستونزې سره مخ نه یوو.

ټاکل شوې چې د افغانستان ولسمشریزې ټاکنې سبا شنبه د هېواد په ۳۴ ولایتونو کې په ۳۰ زره محلونو کې وشي.

د رأیې ورکونې د دغو محلونو له ډلې ۱۱ زره یې ښځو ته ځانګړي شوي دي.

د انتخاباتو د کمېسیون څه باندې دوه لکه موقت کارکوونکي به چې ۳۰ سلنه یې ښځې دي، په ټول هېواد کې انتخاباتي چارې پرمخ یوسي.

په دغو ټاکنو کې ۹ اعشاریه ۶ میلونه وګړي د رأیې ورکونې په شرایطو برابر ګڼل شوي چې په ټاکنو کې د خلکو د ګډون کچه به له انتخاباتو وروسته د ټاکنو کمېسیون له خوا اعلان شي.

د ځینو راپورونو له مخې، زرګونه کورني او نړیوال څارونکي به د میزان د شپږمې د ټاکنو څخه څارنه وکړي.

بل خوا امنیتي ننګونو ته په کتو د افغانستان د کورنیو چارو وزارت وايي چې له تېرو درېیو ورځو راهیسې د هېواد ټول ځواکونه د ټاکنو د امنیت د ټینګښت لپاره د تیارسۍ په حال کې دي.

د افغانستان د کورنیو چارو وزارت مرستیاله ویانده مروه امیني وايي چې د ټاکنو د امنیت د ټیګښت لپاره ۷۲ زره امنیتي ځواکونه ګمارل شوي دي.

د افغانستان د کورنیو چارو وزارت مرستیاله ویانده مروه امیني
د افغانستان د کورنیو چارو وزارت مرستیاله ویانده مروه امیني

دې وویل: په ټوله کې ۷۲ زره امنیتي سرتېري د ټاکنو د امنیت د ټینګښت مسؤلیت لري چې ۳۰ زره یې د رأیې ورکونې د مرکزونو د امنیت د ټینګښت لپاره ګمارل شوي چې اوسمهال په دغو مرکزونو کې ځای په ځای دي.

د ۴۹۴۲ مرکزونو له ډلې چې د ټاکنو په ورځ به خلاص وي، ۶۷۴ یې له لوړو امنیتي ننګونو سره مخ دي.

"; //parse XFBML, because it is not nativelly working onload if (!fbParse()) { var c = 0, FBParseTimer = window.setInterval(function () { c++; if (fbParse()) clearInterval(FBParseTimer); if (c === 20) { //5s max thisSnippet.innerHTML = "Facebook API failed to initialize."; clearInterval(FBParseTimer); } }, 250); } } }; thisSnippet.className = "facebookSnippetProcessed"; if (d.readyState === "uninitialized" || d.readyState === "loading") window.addEventListener("load", render); else //liveblog, ajax render(); })(document);

د کورنیو چارو وزارت په خبره، په هر يو ټاکنیز مرکز کې یې له ۸ تر ۱۲ پورې امنیتي سرتېري ځای پر ځای کړي دي.

دا شان ۹۶۰ نور مرکزونه چې په منځنۍ کچه له ننګونو سره مخ دي، د امنیت د ټينګښت لپاره يې په هر مرکز کې ۶ تنه پولیس ګمارل شوي دي.

خو ۳۲۶۲ نور مرکزونه چې خوندي ګڼل شوي، په هر يو مرکز کې یې څلور تنه پولیس ځای پر ځای شوي دي.