پښتونخوا کې مېړه خپله نڅاګره مېرمن په ډزو وژلې
د خیبر پښتونخوا ایالت ایبټ اباد کې یوه نڅاګره نور د خپل مېړه له خوا په ډزو وژل شوې.
نوموړې د سې شنبې په ورځ ګهیځ وژل شوې او مېړه یې تښتېدلی.
د وژل شوې نڅاګرې مور پولیسو کې د هغې د وژل کېدو قضیه ثبت کړې.
پولیس وايي، څه موده وړاندې د هغې مېړه شیراز خان له دې کبله طلاق ورکړی و، چې ولې له نڅا لاس نه اخلي، همدا وو چې نن یې د ټوپک په ګولیو ووژله.
دوی کابو دوې اونۍ وړاندې واده کړی و، خو د ژوند سفر یې ډېر دوام ونه کړ.