شاته

پاکستان کې د ولنټاین ورځې پر ضد لاریون

پاکستان د انځور حقوق Getty Images

د پاکستان لاهور ښار کې له ولنټاین ورځې سره د مخالفت په نامه د ځايي پوهنتون یو شمېر محصلینو چې د اسلامي جمعیت طلبا ټولنې سره تړاو لري مظاهر کړې.

پاکستان کې یو شمېر خلک د ولنټاین ورځ د اسلام ضد او د لوېدیځوالو کلتور بولي.

پاکستان کې یو شمېر خلکو د دغې ورځې پر ځای د 'حیا ورځ ' لمانځنې اعلان کړی دی.

تېره اونۍ پاکستان کې د رسنیو څار ادارې (پیمرا) امر وکړ چې هیڅ یوه ځايي رسنۍ باید د دغې ورځې لمانځنې مراسمو رپوټونه خپاره نه کړي.

د انځور حقوق Getty Images

خو پاکستان کې د ولنټیان ورځې پر لمانځنې له بندیزونو سره سره مې د پېښور صدر سیمه کې یو پلورنځی ولید، چې په کې دننه او له دروازې بهر یې د ګلونو ګېډۍ، کارتونه او نور دغسې توکي ایښي وو، چې د مېنې ورځې لمانځنې په مناسبت ډالۍ کېږي.

نجونې مینې که ګنهګارې؟

ولې د هندي او پاکستاني جاسوسانو پر مینه جوړ فلم بندیز لګېدلی؟

کورمه اېجنسۍ کې هلک او نجلۍ د غیرت په نامه وژل شوي

دکان کې دننه مې ښځې، نارینه، پېغلي او زلمي ولیدل چې دغه ډالۍ یې خوښولې. د دکان له یوه مشتري مې وپوښتل، چې د پاکستان سترې محکمې د ولنټاین ورځې پر لمانځنې بندیز لګولی، را ته یې وویل:

'پر مېنه ولې او څنګه بندیز لګول کېږي؟ '

دغه سړي راته وویل، چې دوه ماشومان لري او د مېرمنې لپاره ډالۍ اخلي.

پېښور مېشتی خبریال عبدالروف یوسفزی وايي، پېښور کې تېر کال ځوانانو د روغتون بستري ناروغانو ته د ګلونو ګېډې وروړې وې، خو ښايي دلته پرې د بندیز لګولو یو لامل دا وي، چې پر دغه ورځ ځینې کسان له دود دستور او شرعې سره مخالفې چارې ترسره کوي.

د انځور حقوق Getty Images

د ګلونو یوه پلورونکي اسلم خان وايي، بندیز یې پر کاروبار ډېر اغېز نه دی کړی. نوموړی وايي ډېر مشتریان یې له مېرمنو سره یو ځای دکان ته ورځي:

''دا خو د مینې ورځ ده اوس که څوک یې په مناسب انداز لمانځي ښه ده، خو که په غیر مناسب انداز یې لمانځي، دا د هغوی خپل فکر دی "

تېر کال پاکستان سترې محکمې امر کړی و، چې په دولتي توګه هم باید دغه ورځ و نه لمانځل شي او د عامه محضر ځایونو کې یې هم د لمانځنې لپاره اجازه نه شته.