ټول   پښتو BBC ازادي راډیو د امریکا غږ اشنا رادیو


صوابۍ کې زهرجنو خوړو ۵۰۰ زده کوونکي مسموم کړي

د پاکستان د خیبر پښتونخوا ایالت په صوابۍ کې د کرنل شېرخان په نوم حربي کالج ۵۰۰ زده کوونکي د زهرجنو خوړو، خوړلو له امله مسموم شوي. سیمه ییزو روغتیایي چارواکو ویلي، تراوسه ۱۴۰ زدکوونکي روغتون ته لېږدول شوي او ۲۰۰ نورو ته کالج کې درملنه پیل شوې.

05.09.2016 پښتو BBC

د جرمني حاکم ګوند سیمه ییزو ټاکنو کې ماته خوړلې

د جرمني د لومړۍ وزیرې انګېلا میرکل مسیحي دیموکرات ګوند د شمال لویدیځ ایالت سیمه ییزو ټاکنو کې ماته خوړلې او درېم ځای یې خپل کړی. د رایو اندازه د جرمني تر پارلماني ټاکنو وړاندې چې ټاکل شوې په ۲۰۱۷ میلادي کال کې ترسره شي د یوه آزمایښت حیثیت لري.

05.09.2016 پښتو BBC

ګارډین: د حاجیانو خوندیتابه لپاره د سعودي نوې هڅې

د برتیانیا چاپ ګارډین ورځپاڼې د سعودي عربستان پر نوو پلانونو لیکنه کړې چې د حاجیانو د خوندیتابه لپاره سږ کال هر یوه ته لاس بند ورکول کېږي چې د اړتیا پر وخت د حاجیانو په موندلو کې ورسره مرسته وکړي.

05.09.2016 پښتو BBC

د پاکستان د قبايلي سيمو لپاره اصلاحات

ډیورنډ کرښې ته څېرمه د قبایلي سیمو لپاره د پاکستان د لومړي وزیر لخوا جوړې شوې کمېټې هغه راپور رسنیو ته وړاندې کړی چې په کې يې د دغو سیمو د راتلونکي لپاره حکومت ته وړاندیزونه کړي دي.

04.09.2016 پښتو BBC

د داعش ډلې پر ضد د ترکيې عمليات

ترکیې د سوریې په شمال کې نوي عملیات پیل کړي دي. اوس یې د سوریې شمال کې هغو کليو ته نور ټانکونه لېږلې چې واک یې "اسلامي دولت" نومې ډلې سره دی. ترکی پوځ دلته د هغو یاغیانو ملاتړ کوي چې له داعشه یې په ختیځ کې سیمې نیولې دي.

04.09.2016 پښتو BBC

د روسيې په يوه سيمه کې ګډ ژوند

روسیه کې یوه ډله ګورو چې په یوه ځای کې اوسېږي. ناسته، پاسته، غم او ښادي هر څه یې شریک دي. ځايي خلک دغه ډول ځایونه، ډوچا بولي.

04.09.2016 پښتو BBC

د پاکستان دولتي هوايي شرکت پي ای اې ستونزې

په پاکستان کې دولتي هوايي شرکت پي ای اې په تېرو ۴۰ کلونو کې ډول ډول سر خوږي درلودل. ډېر پوروړی دی او سمه ګټه یې هم هغومره نه ده کړې. له همدې امله اوس تر پخوا دغه شرکت وړوکی شوی دی. اوس یې حکومت غواړي چې و یې پلوري او خصوصي یې کړي.

04.09.2016 پښتو BBC

د ۲۰ سترو صنعتي هېوادونو غونډه

د ۲۰ سترو صنعتي هېوادونو (جي ۲۰) کلنۍ سرمشريزه د چين په هانژوا ښار کې د دغه هېواد د ولسمشر شي جين پېنګ له خوا پرانيستل شوه. نوموړي وايي، نړيوال اقتصاد يو مهم پړاو کې دی او ټينګار يې وکړ چې د اقتصادي ودې او ننګونو په خاطر بايد هېوادونه تګلارې همغږې کړي.

04.09.2016 پښتو BBC

کرزی: د افغانستان لانجه په جنګ نه، په سولې هوارېدای شي

د افغانستان پخواني ولسمشر حامد کرزي پر افغانانو او نړيوالو غږ کړی چې له جنګه لاس واخلي او د سولې لار خپله کړې. نوموړي نن (۴ اګست) په لندن کې د افغانانو يوې غونډې ته د وينا پر مهال زياته کړه چې "د افغانستان د نجات يوازيني لار سوله ده".

04.09.2016 پښتو BBC

د ۲۰ سترو صنعتي هېوادونو د غونډې لومړۍ ورځ

د شلو صنعتي هېوادونو(جي ۲۰) کلنۍ سرمشريزه د چين په هانژوا ښار کې د دغه هېواد د ولسمشر شي جين پېنګ له خوا پرانيستل شوه. د سرمشريزې لومړۍ ورځ تر ډېره د روسيې، ترکيې، امريکا، بريتانيا، چين او نورو هېوادونو تر منځ په دوه اړخيزه ليدونه تېره شوه.

04.09.2016 پښتو BBC

مومندو کې بريد، يو امنيتي ساتونکی وژل شوی

چارواکي وايي ډيورنډ کرښې ته نژدې په مومندو کې پر امنيتي ځواکوونو د ريموټ کنټرول بريد له امله يوه ساتونکی وژل شوی دی. ويل کېږي دغه چاودنه يکشنبې (۴ اګست) د ساپي په کوز چمرکند سيمه کې شوې ده.

04.09.2016 پښتو BBC

"هو زه مړ وم او بيا ژوندی شوم"

د زمبابوې ولسمشر رابرټ موګابې د خپلې روغتيا په تړاو د خپرو شويو اوازو په اړه په طنزيه ډول ويلي چې دی "مړ و او اوس بېرته ژوندی شوی". ۹۲ کلن رابرټ موګابې د پلازمېنې هراري هوايي ډګر کې له الوتکې راښکته کېدو وروسته ډېر خوښ ښکارېده.

04.09.2016 پښتو BBC

د پکتیکا اومنې ولسوالۍ د دولت له کنټروله وتلې

د پکتیکا امنیه قومندان خلیل الله ضیایي تاییدوي چې د اومنې ولسوالۍ د طالبانو لاسته لوېدلې، خو لا هم سیمه کې د دولتي ځواکونو او طالبانو ترمنځ جګړه روانه ده. طالبانو ویلي، اومنه یې نن سهار نیولې. پکتیا او خوست کې هوایي بریدونو کې لسګونه وسله وال وژل شوي.

04.09.2016 پښتو BBC

د کندهار د کار او ټولیزو چارو رییس په "مرموز ډول" وژل شوی

د افغانستان په سوېل کې چارواکي وایي؛ د کندهار د کار او ټولیزو چارو رییس نظرعلي قاطع تېره شپه د کندهار ښار عینو مېنه کې په ډزو وژل شوی. د هغه د وژنې انګېزه لا څرګنده نه ده او نه یې هم د وژنې تور پر چا پورې شوی، خو د زابل پولیسو تېره شپه د هغه ډرېور نیولی.

04.09.2016 پښتو BBC

سوریه کې ترکیې د جګړې نوې جبهه، انقرې نور ټانکونه استولي

د ترکیې رسنیو راپور ورکړی چې ددې هېواد نور ټانکونه د سوریې شمال کې هغو سیمو ته ننوتي چې د اسلامي دولت (داعش) نومې ډلې په ولکه کې دي. د ترکیې د پوځونو له پرمختګ سره سوریه کې ولسي وګړي لیدل شوي چې له سیمې په وتو وو.

04.09.2016 پښتو BBC

OK
This site uses cookies. By continuing to browse the site, you are agreeing to our use of cookies. Find out more