ملګري ملتونه: میانمار غواړي ټول روهينګیا مسلمانان ووژني
د ملګرو ملتونو یوه لوړپوړي چارواکي بي بي سي ته ویلي، میانمار (برما) غواړي پر خپله خاوره د مسلمانانو لږکیو نسل ختم کړي. ملګري ملتونه وايي په "رخاين ریاست" کې پوځ د روهينګیا وګړو وژنې ته دوام ورکوي.
د افغانستان ختیځ جلال اباد ښار کې درېيو پرلپسې چاودنو پنځه کسان وژلي
د افغانستان د ختیځ ولایت ننګرهار حکومتي سرچینې وايي؛ په مرکز جلال اباد ښار کې درېیو پرلپسې چاودنو لږ ترلږه پنځه کسان وژلي او ۲۷ نور ټپیان کړي دي.
د افغانستان ملي امنیت شورا وبسایټ هک شوی
هکران چې ځان د "هزارستان سایبري پوځ" نوموي، د افغانستان د ملي امنیت شورا وبسایټ هک کړ او ورپسې دې وبسایت ته لاسری نه کېږي. د امنیت شورا ویلي دوی هڅه کوي چې دا وبسایټ بېرته فعال کړي.
ایران کې د دوو رېل ګاډو ټکر مرګژوبله اړولې ده
د جمعې په سهار د ایران په سمنان کې دوو مسافروړونکو رېل ګاډو ټکر وکړ او اور یې واخست. لا د پېښې جزییات نشته او د مرګژوبلې کره شمېره یې څرګنده نه ده، خو بېلابېلو سرچینو راپور ورکړی چې تر ۱۵ کسانو وژل شوي تر ۲۰ ټپیان دي.
د مصر سینا ولایت کې د پوځ پر سرتېرو د اورپکو خونړی برید
د مصر پوځ وایي؛ دپه شمالي سینا کې تلاشۍ پر یوې پوستې د مخالفو جنګیالیو په ځانمرګي برید کې اته کسان وژل شوي دي.
هندوستان ټایمز: د هند پوځیانو ته د مرمۍ ضد واسکټونو اړتیا ده
هندوستان ټایمز ورځپاڼې د دغه هېواد پوځیانو ته د مرمۍ ضد واسکټونو د اړتیا په اړه په یوه راپور کې د دغه هېواد د فاع وزیر منوهر پارکر په حواله ویلي؛ دغه ډول واسکټونو ته ډیره اړتیا ده او تر اوسه پنځوس زره تولید شوي دي.
حیفا ښار کې اورلګېدو زرګونه اسراییلیان اړ کړي سیمه پرېږدي
د اسراییلو په درېیم لوی ښار حیفا کې د اورلګېدنې له پراخېدو سره حکومت بیړنی حالت اعلان کړی او د ښار په درېیو ښارګوټو کې یې ۸۰ زره کسانو امر کړی چې خپل کورونه پرېږدي.
امريکا کې د ملي يووالي غږ
امريکا کې ډونلډ ټرمپ د يووالي غوښتنه کړې، دا په داسې وخت کې چې هېواد يې د شکر يا مننې اختر لمانځنې کوي. د دې خبرې له منلو سره چې د ټاکنو مبارزه یې يو اوږد او له ستونزو ډک بهير و.
عراق کې چاودنې لږ ترلږه ۸۰ تنه وژلي
دغه بريد د عراق له پلازمېنې بغداد څخه ۱۰۰ کیلومتره لرې د حلې ښار کې د تېلو پمپ او رسټورانټ ته نژدې شوې دی. په چاودنه کې شيعه زيارت کوونکي وژل شوي او د بريد پړه "اسلامي دولت" نومې ډلې پر غاړه اخيستې ده.
توکيو کې ۵۴ کاله وروسته واوره شوې
د جاپان په پلازمېنه توکيو کې ۵۴ کاله وروسته لومړی ځل په نومبر مياشت کې واوره شوې ده.
ساینسپوهانو جراثېم خوړونکې باکتریا موندلې
برتانوي ساینسپوهان وايي، د ناروغیو خوروونکو جراثېمو او ویروس سره په جګړه کې یوه نوې وسله هم اغېزناکه ده او دا وسله هغه باکتریا ده چې مضرې باکتریاوې خوري.
د اسپانیا څارنوالي نیمار ته د فساد له کبله ۲ کاله بند غواړي
د اسپانیا څارنوالۍ د بارسلونا فوټبال لوبډلې لوبغاړي نیمار ته په ۲۰۱۳ کال د برازیل سانتوس لوبډلې ته د اوښتو پرمهال په فساد کې د ښکېلتیا له کبله د دوو کلونو بند سزا غوښتې ده.
د افغانستان دولتي ادارو ترمنځ "ښځو سره د زورزیاتي ختمولو کمپاین" هوکړه لیک لاسلیک شو
د افغانستان د لویې څارنوالۍ، روغتیا، پوهنې او لوړو زده کړو وزارتونو او محلي ارګانونو ترمنځ د "ښځو پروړاندې د تاوتریخوالي لمنځه وړلو کمپاین" هوکړه لیک لاسلیک شو. ددې کار هدف له ښځو سره د زورزیاتي د مخنیوي تدابیرو لپاره د دغو دولتي ادارو ترمنځ همکاري بلل شوی.
غور کې دوه تښتول شوې ښوونکې خوشي شوې
د افغانستان په مرکزي ولایت غور کې سیمه ییز چارواکي وایي؛ دوه ښوونکې چې تېره ورځ په شهرک ولسوالۍ کې د خوړو نړیوال سازمان له درېیو کارکوونکې سره تښتول شوې وې، د قومي مخورو په هڅو خوشي شوې دي. د تښتوونکو هویت څرګند نه دی.
چین کې د یوه لوی برج د فلزي خوازې ړنګېدو مرګژوبله اړولې
د چین په ختیځ جیانګشي کې د پنجشنبې په ورځ (نومبر ۲۴مه) د برېښنا فابریکې سړولو لپاره د یوه جوړېدونکي برج خوازې راولوېدې. د چین دولتي اژانس ویلي؛ نامعلوم شمېر کسان په سیمه کې ګېر پاتې دي او د ژغورلو هڅې یې روانې دي.