افغانستان ايرلنډ ته د ۲۳۰ منډو هدف وټاکه

د افغانستان او ايرلنډ کرېکټ لوبډلو تر منځ په بلفاسټ کې د روانې څلورمې يوې ورځنۍ لوبې په ترڅ کې افغانستان ايرلنډ ته د ۲۳۰ منډو هدف وټاکه. د لوبې پچه افغانستان ګټلې او لومړی یې د منډې جوړولو پرېکړه کړې وه.د افغانستان راشد ارمان ۶۰ او محمد نبي ۵۰ منډې و کړې

د ترکیي ناکامه کودتا: د نیول شویو کسانو شمير ۶۰۰۰ ته ورسېد

رسنیو د ترکیې د عدلیې وزیر له قوله راپور ورکړی چې تر ناکامې کودتا وروسته د نیول شویو کسانو شمېر ۶۰۰۰ ته رسېدلی او ښایي تردې هم لوړ شي. د فرانسې بهرنیو چارو وزیر خبرداری ورکړی چې کودتا په دې معنا نه ده چې اردوغان د خپلو مخالفینو نیولو لپاره "سپین چک" لري.

د امریکا پوځ لوی درستیز افغانستان ته تللی

د افغانستان ولسمشرۍ ماڼۍ ویلي، د امریکا پوځ لوی درستیز جنرال جوزف ډنفورډ کابل ته تللی او ددې هېواد له مشرانو سره یې کتلي. ډنفورډ ویلي، امریکا د افغانستان امنیتي ځواکونو ملاتړ ته دوام ورکوي او ژمنه ده چې دا ځواکونه په هر اړخیز ډول سمبال کړي.

د قندیل بلوچ تورن وژونکی نیول شوی؛ ورور د خپلې خور وژل منلي

د پاکستان د پنجاب ایالت د ملتان پولیس وایي، ددې هېواد د مشهورې ماډلې قندیل بلوچ ورور یې د هغې د وژنې په تور نیولی. وسیم د خپلې خور پر وژلو اعتراف کړی. آغلې بلوچ د شنبې په شپه په خپل کور کې ووژل شوه او مړی یې نن یکشنبې (جولای ۱۷مه) خاورو ته وسپارل شو.

د ارمنستان پلازمېنه ایروان کې د پولیسو پر یوه مرکز برید شوی

د راپورونو له مخې، د ارمنستان په پلازمېنه ایروان کې یوې وسله والې ډلې د پولیسو پر یوه مرکز برید کړی او هغه یې نیولی. بریدګرو غوښتي چې د دولت یو مخالف فعال جیرار سفیلیان دې له زندانه خوشي شي.

تر کودتا وروسته ترکیې کې د امریکا پر اصلي اډې محدودیت

د ترکیې چارواکو ددې هېواد په ختیځ کې د امریکا پوځي اډې لپاره د محدودیت رامنځته کولو سره، لږ ترلږه په موقتي ډول د داعش ضد ایتلاف د عملیاتو لپاره ددې اډې کارول منع کړي. دا اډه په عراق او سوریه کې د داعش پروړاندې ځمکنۍ مبارزه کې کلیدي رول لري.

د ناکامې کودتا غندلو لپاره د ترکیې ښارونو کې لاریونونه

استانبول او نورو ښارونو کې په لوی شمېر خلک د دولت په ملاتړ او د هغو کسانو پرضد شعار ورکولو لپاره لارو ته راوتلي چې د شنبې په شپه یې پر دولت د کودتا هڅه وکړه. ولسمشر او د د ترکیې دولت کابینې له خلکو غوښتي و چې "له دیموکراسي دفاع" لپاره لاریون وکړي.

کلېک: د ټکنالوژۍ له ډګره تازه خبرونه

د ټکنالوژۍ له ډګره تازه خبرونه مو درته په کلېک کې راټول کړي دي. کلېک هره اوونۍ پر بي بي سي پښتو ټلويزيون لیدلی شئ.

د نيس ښار بريد پړه "اسلامی دولت" نومې ډلې پر غاړه اخيستې

د فرانسې په جنوبي ښار نيس کې د تېرې پنجشنبې په ورځ د ملي ورځې د لمانځنې مراسمو پر مهال بريد چې ۸۴ تنه په کې وژل شوي وو پړه يې "اسلامي دولت" نومې ډلې (داعش) پر غاړه اخيستې ده.بلخوا فرانسوي رسنۍ وايي د نيس د بريد په تړاو څلور تنه نيول شوي دي.

ولې د ترکيې کودتا ناکامه شوه؟

په ترکیې د کودتا د ناکامې هڅې پر بېلابېلو اړخونو زموږ همکار اسماعیل سعادت په انقره کې د افغانستان له یوه پخواني سفیر ډاکتر عبدالسلام عاصم او له خپل همکار داود اعظمي سره خبرې کړې دي او لومړی يې له ښاغلي عاصم نه پوښتلي چې ولې د دغې کودتا هڅه ناکامه شوه؟

"د هلمند ولايت امنيتي ځواکونو کې خيالي سرتېري شته"

د افغانستان په جنوب کې د هلمند ولایت یوه لوړ پوړي چارواکي بي بي سي ته ویلي د دوی موندنې ښيي چې د دغه ولایت د امنیتي ځواکونو په لیکو کې خیالي سرتیري شته.دا لومړی ځل دی چې یو سیمه ییز لوړ پوړی چارواکی د امنیتي ځواکونو په لیکو کې د خیالي سرتېرو شتون مني

د کودتا هڅه به پر ترکیه او سیمه څه اغېز ولري؟

په ترکیه کې تېره شپه د ولسمشر رجب طیب اردوګان په غیاب کې د پوځ یوې ډلې د کودتا هڅه وکړه، خو د دغه هېواد د لومړي وزير په وينا دغه کودتا ناکامه شوې ده. ترکیه کې د کودتا دغه هڅه به خپله په ترکیې او سیمه څه ډول اغېز ولري؟

ترکيه کې د کودتا "ناکامه" هڅه

د ترکیې لومړی وزیر وايي د کودتا ناکامه هڅه پای ته رسېدلې. خو سهار له دغه هېواده د ګډوډۍ خبرونه هم خپاره شول. بن علي یلدریم وايي تر ۱۶۰ کسان وژل شوي او نژدې درې زره پوځیان یې نیولې هم دي. انقره او استانبول بېګا ډزو او چاودنو ولړزول.

په ترکيه کې د کودتا ناکامه هڅه: زرګونه کسان نيول شوي او له دندو ګوښه شوي

د ترکیې لومړی وزیر بن علي يلدريم وايي په ترکيه کې د کودتا هڅه په ناکامۍ پای ته رسېدلې. د ترکيې د حکومتي رسنۍ انادولو په وينا د هېواد په بېلابېلو برخو کې ۲۷۴۵ قاضيان له دندو ګوښه شوي دي او شاوخوا درې زره پوځيان نيول شوي دي.

هغه کودتا چې ګټونکی یې اردوګان شو

هغه کودتا چې د رجب طیب اردوګان د واک لمڅي ورټولو په پلمه پیل شوې وه، ښکاري چې د هغه د پښو ټینګولو او پر ځان د باور لا ډېرېدو په ګټه تمامه شوه، خو په دې شرط چې په سیاسي جوړښت کې بدلون راولي.