محب طالبانو ته: سوله وکړئ که نه جګړه به وبایلئ

د افغانستان د ملي امنیت سلاکار حمد الله محب د ملګرو ملتونو عمومي غونډه کې طالبانو او د هغوی بهرنیو ملاتړ ته خبرداری ورکړی چې "د سولې له بهیر سره یوځای شئ، که نه پر وړاندې به مو جګړه روانه وساتو."

یمن جګړه: حوثي وسله والو سلګونه زندانیان خوشي کړل

د سره صلیب نړیواله اداره وایي، په یمن کې حوثي یاغیانو په یو اړخیز ګام کې سلګونه زندانیانو خوشي کړي دي. دغه ګام د هغه بهیر برخه ده چې ملګرو ملتونو په یمن کې د سولې لپاره پیل کړی. ملګرو ملتونو د دې ګام هرکلی کړی او پر دواړو غاړو یې غږ کړی چې خبرو ته سره کېني

عبدالله: زموږ رایه ډېره ده؛ ټاکنې دویم پړاو ته نه ځي

د افغانستان د ولسمشرۍ ټاکنو یو نوماند عبدالله عبدالله ادعا کوي چې د شنبې ورځې ټاکنو کې یې لوړه رایه ګټلې ده. نوموړي دغه څرګندونې له ټاکنو دوه ورځې وروسته نن (دوشنبه، تله ۸) وکړې. خو د ټاکنو کمېسیون وایي، یوازې دوی د اصلو رایو اعلانولو واک لري

"که د ایران مخنیوی ونه شي د تېلو بیه به بې سارې زیاته شي"

د سعودي ولیعهد محمد بن سلمان له سي بي اېس تلوېزون سره مرکه کې وايي، د ایران په وړاند ډیپلوماټیک غوراوي تر پوځي غوره بولي. خو زیاتوي، که نړیواله ټولنه د دغه هېواد مقابل کې پرېکند تدبیرونه ونه نیسي، ممکن نړیوال بازار ته د تیلو وړاندې کول وځنډېږي او د دې توکو بیه بې سارې زیاته شي.

افغان ټاکنې: د نړیوالو ادارو او بهرنیو هېوادونو غبرګونونه

په افغانستان کې د شنبې ورځې ولسمشرۍ ټاکنو ته د بېلابېلو سفارتونو او نړیوالو ادارو د مشرانو غبرګونونه را مخې ته شوي دي. تر ډېره دا غبرګونونه مثبت دي او افغان ولس ته پکې په ټاکنو کې د ګډون له کبله مبارکي ویل شوې ده. ځینې دا غبرګونونه مې رپوټ کې راټول شوي

افغان ولسمشرۍ ټاکنې: تر دې دمه زرګونه شکایتونه ثبت شوي

د افغانستان د ټاکنو د شکایتونو کمېسیون یکشنبه وویل چې تر اوسه د ټاکنو په اړه ۲۲۷۵ شکایتونه یې ثبت کړي دي.د دغه کمېسیون کمېشنر قطب الدین رویدار وویل، دا شمېرې وروستۍ نه دي او خلک کولی شي چې د دوشنبې ورځې د مازدیګر تر ۵ بجو پورې خپل شکایتونه ثبت کړي

افغان ټاکنې: '۲۵۹۷ مرکزونو کې ۱۵۱۹۹۸کسانو رایې ورکړې'

د افغانستان د ټاکنو خپلواک کمېسیون وايي، د تېرو ولسمشریزو ټاکنو په څه کم ۲۶۰۰ مرکزونو کې د رایو ورکوونکو اټکلیز شمېر یو میلیون او څه کم ۵۲ زره و، چې دا ځل د تېرو ټاکنو پرتله د رایو ورکوونکو شمېر کم ښکارېده.

افغان ټاکنې: رایه اچونه ختمه شوه، د رایو شمېرل دوام لري

افغانانو د شنبې پر ورځ د سختو امنیتي تدبیرونو تر سیوري لاندې په ولسمشریزو ټاکنو کې رایې ورکړې. د ټاکنو بهیر کې د هېواد ځینې برخو کې توغندیز بریدونه او بمي چاودنې هم وشوې. افغان ولسمشر محمد اشرف غني دا ټاکنې بریالۍ وبللې. د افغانستان د ټاکنو خپلواک کمېسیون چارواکو هم دا په تېرو ۱۸ کلونو کې تر ټولو منظمې او سمې ټاکنې وبللې.

'سپي داړلی ماشوم اوس د سپي اوازونه باسي'

پاکستان کې پر خواله رسنیو یوه ویډیو لاس په لاس کېږي چې په هغه کې یو ماشوم سپي داړلی او روغتون کې پروت دی او د سپیو اوازونه وباسي.د چارشنبې په ورځ په دې خپره شوې ویډیو کې ادعا شوې چې دا د پاکستان د سند ایالت یوه سیمه ده او له همدې امله دا ویډیو په وټسپ، فیسبوک او ټویټر کې لاس په لاس کېږي.

عمران خان: که جګړه وشوه، اتومي جګړه به وي

د ملګرو ملتونو عمومي غونډې ته په نژدې یو ساعته وینا کې د پاکستان لومړي وزیر عمران خان وویل، 'د کشمیر وضعیت د پاکستان او هند تر منځ د اتومي جګړې لامل کېدای شي. نوموړي زیاته کړه، که جګړه وشي، په خبره یې پاکستان به تر وروستي بریده لاړ شي.'

افغان چارواکي وايي، د ټاکنیزو توکو لېږد په بشپړېدو او امنیت خوندي دی

د افغانستان ولسمشریزو ټاکنو لپاره د رایې اچوونې بهیر له پیله څو ساعته مخکې د ملګرو ملتونو عمومي منشي له ټولو ښکېلو اړخونو غوښتي چې ټول افغانان، ښځې او نارینه پرېږدي چې رایې ورکولو خپل حق وکاروي. عمومي منشي ویلي،''د تاو تریخوالي، درغلیو او ویرې ترهې خپرولو ته هېڅ ځای نه شته.''

د ډاکټر نجیب الله ۲۳ تلین، پلویان او مخالفین یې لا هم یادوي

د ډاکټر نجیب الله ځينې ځوان پلویان نن جمعه ۲۷ سپتمبر د کابل واټونو ته راوتلي وو او د هغه د ۲۳ تلین په مناسبت یې په بېلا بېلو ځایونو کې د ده عکسونه ټومبل. لکه د همدغو څېرو، د ډاکټر نجیب الله ملاتړي او مخالفان هم سره ویشلي دي.

یوناما افغانستان کې ولسي مرګ ژوبله بوږنوونکې بولي

په افغانستان کې د ملګرو ملتونو استازۍ د ولسي وګړو د مرګ ژوبلې په دوام اندیښنه ښيي او د جګړې په ښکیلو خواوو د وګړو د خوندیتابه غږ کوي. له بلې خوا د انساني حقونو ځپلواک کمېسون پر طالبانو غږ کوي چې د ټاکنو امنیت ګډوډ نه کړي او ملکي وګړو ته دې مرګ ژوبله نه اړوي.

افغان ټاکنې: د طالبانو ګواښ او د امنیتي ځواکونو ډاډګیرنه

افغان امنیتي چارواکي وايي، له امنیتي ننګونو سره سره به د شنبې ورځې ولسمشریزې ټاکنې وشي. خو د طالبانو د نظامي شورا په نامه ډلې یوې تازه خبرپاڼه کې ویلي، خلک دې له ټاکنو سره پرېکون وکړي او نور دې هم په ټاکنو کې له ګډون کولو را وګرځوي

افغان ټاکنې: پاکستان دوه ورځو لپاره د تګ راتګ لارې تړي

د پاکستان بهرنیو چارو وزارت په اعلامیه کې ویل شوي، دې لړ کې به له پنجشنبې وروسته د څلورو ورځو لپاره د ټولو پلي کسانو او لاریو سخته تالاشي پيل شي، خو د روانې سپتمبر میاشتې پر ۲۷ مه او ۲۸ نېټه، یعنی د جمعې او شنبې پر ورځو به د تګ راتګ ټولې لارې وتړل شي.