محمد اكبر

ښاغلى محمد اكبر د حاجي محمدشريف زوى پر 1358 لمريز كال د هلمند ولايت د نادعلي ولسوالۍ په" لوى باغ كلي" كې زېږېدلى دى. خپلې لومړنۍ او منځنۍ زده كړې يې په لښكرګاه ښاركې ترسره كړي او اوس د كندهار طب پوهنځي دويم كال محصل دى، ښايسته ډېره موده يې پر شاعرۍ اوړي، خو د ډېرې مطالعې او كتاب موندلو لپاره يې ډېر وخت نه دى موندلى. دځينو ګوتو په شمارو شاعرانو شعرونه يې لوستي چې دده د مطالعې ساحه په همدې څو شعري ټولګو كې محدوده پاتې شوې ده، ددې دوو درېيو كلونو شاعري يې څه له پاسه يوې ټولګې ته رسېدلې ده.
دى هڅه كوي چې د خپل شعر په ساده كلام كې د اند او خيال وړانګې وغزوي، له لرغونو شاعرانو څخه اغېزمن دى، خو دده ځانګړى ځاني نوښت ددې اغېز ځينې څنډې پټوي،خو كه له تكراري تركيبونو او سولېدلو موضوعګانو څخه ځان خلاص او نور هم د نوښت پر لوري ګام واخلي غوره به وي. چې د نويو شاعرانو له كلام سره اشنا كېدل او دهغو ژوره مطالعه ورته ګټوره تمامېدى شي. ددې تر څنګ كه رغوونكو او سموونكو كره كتنو ته هم په درنه سترګه وګوري، ډېره به ګټوره وخېژي، ځكه دا كار به ډېرې لارې ورته اوارې كړي همداراز په ادبي غونډو كې ګډون او د نورو شاعرانود تجربو ارزونه هم ورته ارزښتمنه ده.
 

 Site designed and administrated by Tolafghan.com 2003 webmaster@shirzad.de