عزت الله اميد

تاند او بااستعداده شاعر عزت الله اميد د ښاغلي اغاجان(رحمت الله) زوى پر1368 ل كال د كندهار په پنځمه ناحيه كې زېږېدلى دى، نوموړى اوس دالبېروني ښوونځي دپنځم ټولګي زده كوونكى دى.
ګران اميد په ډېره لنډه موده (څه له پاسه د څو مياشتو په موده كې) وټوكېد او و غوړېد، هغه په دې لنډه موده كې د پرمختګونو بلا ډېر مزلونه ووهل، چې ډېر لوى كسان به هم په كې پاتې راشي، دا په زغرده ويلاى شو چې اميد د ښو استعدادونو له كتاره هغه زرغونه څانګه ده كه يې د غگوټيو بارونه لا پر اوږ و وړي نه دي، ددې جوګه دى چې د سرو او ژېړو غوټيو درمندونه راوټوكوي او ډېر خلك ګوته پر غاښ كښېنوي، كه له يوې خوا د مشر ورور هڅيال شاعرانه طبيعت ورته دشعر لپاره ډېر څه وركړي، له بلې خوا يو مرموز شور يې هم په تاند ذهن كې اېشي، چې انعكاس يې دده په شعرونو كې كتاى شو، اميد هغه د چا خبره لا په ذهني و فكري لحاظ بلوغ ته نه دى رسېدلى او ډېر مسايل شته چې دده ذهن يې نه شي راجذبولاى، خو دنېكمرغۍ ځاى دا دى چې اميد د اوچت خيال او ويښ ذهن خاوند دى.
شعري بيان يې په عاطفه، اند او مترنم اهنګ كې رنګول شوى، چې راتلونكى هنري پرمختګ يې تضمينوي. هغه په دې وړكتوب كې د خپل شعور له مخې د هېواد پر ملي مسايلو پوه دى او هېواد ناخوالو ته يې دشعر له زاويې څخه كتلي او انځور كړي يې دي.
هغه وخت به لرې نه وي چې "اميد" پر "ډاډ" بدل شي او د كندهار شاعرانه سيمه نوره هم ښكلې كړي.

 Site designed and administrated by Tolafghan.com 2003 webmaster@shirzad.de