عبدالله هنرمل

ښاغلى عبدالله هنرمل پر 1356 لمريز كال د محمد كريم په كاله كې وزېږېد، خپلې لومړنۍ زده كړې يې همدلته په كندهار كې بشپړې كړې، وروسته يې په ځينو جوماتونو او ديني مدرسو كې هم زده كړې وكړې، خو په هېواد كې دناسمو حالاتو او دخپلې كورنۍ د اقتصادي ستونزو له كبله ونه توانېد چې خپلې زده كړې بشپړې كړي.
څه له پاسه لس كاله كېږي چې شاعري كوي چې ولسي رنګ يې په شعر كې جوت دى، همدا راز دده په شاعرۍ كې د ولس د زړه هغه اواز هم رااخيستل شوى چې تر ډېره وخته ددې ځورېدلي او كړېدلي ملت په ګوګل او خوله كې بند پاتې و. دوه درې كاله وړاندې به يې كله كله په طلوع افغان ورځپاڼه كې شعرونه خپرېدل، خو كله چې يې په كورنۍ كې د هنرچاپېريال نور هم تنګ كړاى شو، نو ښاغلى هنرمل يې (په شعوري ډول) دې ته اړويست چې له كتاب او قلم څخه فاصله واخلي، ليكوالي پرېږدي او يوازې د روزګار درنو بارونوته ملا وتړي. له بده مرغه تر اوسه پورې يې نه بله ليكنه وكړه او نه هم شعر وليكه. سربېره پر دې ډېر مينه وال او هنر ته لېوال ذوقونه يې په خپلو ګوتو كښل شويو انځورونو او ليكګرۍ ته رامات كړي وو. له نېكه مرغه اوس هم دا هنر پرمخ بيايي، كه په دې برخه كې يې درياضت او مينې لمن پرېښوده نو دا هنرونه به يې هم له لاسه ووځي.
د نوموړي د نويو شعري بېلګو د نه لوستو له كبله يې پر پخوانيو هغو هم چې د شاعر لومړنۍ تجربې دي څه ويل غوره نه بولو.

 Site designed and administrated by Tolafghan.com 2003 webmaster@shirzad.de