وطن پال او نور ګټور شعرونه
خدایه
tandar
18.05.2010
خدایه ژوندی می اتلان ، بیرته ځوانان کړی
چه وباسی دشمن له ملکه ، ازاد افغانستان کړی
احمدشا ه او میرویس خان می بیرته راکړه
چه توره ې ځلیدله اکبرخان می بیرته راکړه
چه بیا لوړ په جهان ، نوم د افغان کړی
چه وباسی دشمن له ملکه، ازاد افغانستان کړی
هره ورځی وژل کیږو ، حساب مو نشته دی دمړو
جسدونه مو خرڅیږی ، قیمت ې معلوم دی په ډالرو
د پوښتنی موڅوک نشته ،پوره می دا ارمان کړی
چه وباسی دشمن له ملکه ، ازاد افغانستان کړی
ګوډایان ناست دی په چوکیو ، ناری د افغانیت وهی
بادران ې تویوی د ملت وینی ، ناری د انسانیت وهی
د باوری سوال قبول کړی ، ژوندی می بیا غازیان کړی
چه وباسی دشمن له ملکه ، ازاد افغانستان کړی