د موضوعګانو سرپاڼه

اسلام، اسلامي شرعه او د اسلام تاریخ

د غیر مسلمو سره بحث باید د اسلام په چوکاټ کي وي

عبدالسلام حنف
21.11.2016

د غیر مسلمو سره بحث باید د اسلام په چوکاټ کي وي.
د غیر مسلمو کسانو سره چي کله د اسلام په باره کي ګفتګو یا بحث کولو نوبت راشي نو بحث به همیشه د اسلام په اصولو باندی مبني وي. ځکه چي بحث د اسلام په هکله دي نو د اسلام په اصولو به بحث هم شروع کوي. ځکه تر څو چي انسان د دې اصولو قائل نه وي. د جزوي احکامو حکمتونه صحیح په پوهه کي نشي راتلي. او د یوه څخه وروسته په بل حکم باندي د اعتراض لایتناهي سلسله شروع کیږي. د هر حکم مصلحت په پوهه کي راتلل ضروري نه دي
د الله تعالي هیڅ حکم د حکمتونو څخه خالي نه دي خو دا ضروري نه ده چي د هر حکم مصلحت په کلي طور د انسان په پوهه کي راشي که د هر حکم مصلحت د انسان په پوهه کي راتلي نو الله تعالی ته د وحي په ذریعه د احکام عطاء کولو ضرورت نه وو. صرف دومره به ویل کیدي چي د مصلحت او حکمت مطابق عقل څخه کار واخلي او عمل کوي. د شریعت احکام خو راځي عموماً په هغه ځاي کي چي چیري دا خطره وي.
نو لهذا که د کوم حکم پوره مصلحت او حکمت په پوهه کي رانشي. نو د هغه حکم څخه به انکار نشي کولي. وګوره حضرت ابراهیم علیه السلام ته الله تعالی د خپل زوي د ذبح کولو حکم وکړي. چي په ظاهره خو په د حکم کي څه مصلحت نه وو. خو حضرت ابراهیم علیه السلام د مصلحت پوښتنه ونه کړه سمدستي د عمل کولو د پاره تیار شو کله چي یي د الله تعالي حکیم مطلق او خپل پروردګار امر ومني نو د هغه لازمي تقاضا داده چي د هغه حکم به په ځاي راوړي. او مصلحت او د حکمت مطالبه باید ونشي. ځکه که ته یو نوکر وساتي او کله ته هغه ته د یوه کار حکم وکړي. نو هغه به اول ستا څخه د هغه د حکمت ښوولو مطالبه کوي نو ایا هغه نوکر به وفادار ګڼل کیږی ؟ نو کله چي د یوه نوکر دا حال دي نو د بنده معامله د خپل رب سره پخپله سوچ ورته وکړه. لهذا نو که څوک د کومو شرعي احکامو حکمتونه او مصلحتونه غواړی مطالعه یي کړي. نو د حضرت حکیم الامت مولانا اشرف علی تهانوي. کتاب. ( داسلام احکام د عقل په رڼا کي) مطالعه کړي ډیر معلومات به تر لاسه کړي.
فتاوي عثماني.لومړي ټوک پاڼه ۱۳۴-۱۳۵ د علم تازیخ او طب بیان. لیکوال مولانا مفتي محمد تقي عثمانی صاحب مدظله مکتبة العلوم الدینیة.


OK
This site uses cookies. By continuing to browse the site, you are agreeing to our use of cookies. Find out more