د موضوعګانو سرپاڼه

د ساتنپال - ولسواکانو بحثونه

په بادغيس كې د مرګ د حكم صادروونكي ملا نيول شوى

اتل
31.07.2013

قدرمنو لوستونکو، اسلام علیکم
د اسلامي شريعت له پلوه د زنا په قضيه كې حكم په څلورو عينې شاهدانو او له اجبار پرته له مرتكب څخه په اعتراف د رسمي محاكمو له خوا تطبيقېږي، اما په صحرايي محكمو کې دغه مراحل او شرايط مقدور نه وي.
دالاندې خبر خدمتګار خپور کړیدئ:
=====
په بادغيس كې د مرګ د حكم صادروونكي ملا نيول شوى
چهارشنبه ٠٩ زمری ١٣٩٢ ساعت ٠١:٠٠
افغان امنيتي چارواكو په بادغيس كې هغه ملا نيولى چې موده وړاندې يې د په دغه ولايت كې د يوې ښځې د مرګ حكم صادر كړى و.
د رپوټونو له مخې نيول شوى ملا عبدالغفور نومېږي چې د سږ کال په وري میاشت کې د حليمې په نوم يوه شل کلنه ميرمن له يوه هلک سره د ناروا اړيکو په تور د بادغيس د ابکمري ولسوالۍ په کوکچايل کلي کې په مرګ محکومه کړه او دغه ښځه د خپل پلار له خوا په عام محضر کې په ډزو ووژل شوه.
خو په ورته وخت كې د بادغيس يو شمېر چارواكي نيوكه كوي چې د حليمې د وژنې په قضيه كې ډېر كسان لاس لري، خو پوليسو يوازې مولوي عبدالغفور نيولى دى.
د بادغیس د ولایتي شورا یو شمیر غړي پر امنیتي چارواکو په نیوکې سره وایي، چې د وژل شوې ښځې د پلار په ګډون ګڼ شمیر کسان په دغه قضیه کې لاس لري، خو هغه كسان تر اوسه نه دي نیول شوي.
د ولایتي شورا د غړو په وینا، مولوي عبدالغفور له یو شمېر هغو ملایانو څخه یوازې یو دی، چې د یادې ميرمنې د مرګ حکم یې صادر کړى و او د دې حکم د عملي کولو لپاره یې د حليمې پلار ته وسله ورکړې چې پر خپله لور یې ډزې وکړي.
دوى زياتوي چې تر اوسه پورې پوليسو په دغه قضيه كې د حليمې پلار، له حليمې سره د ناروا اړيكو په لرلو تورن كس او په دې قضيه كې نور ښكېل ملايان نه دي نيولي.
دا لومړى ځل نه دى چې په افغانستان كې يو كس د رسمي محاكمو له حكم پرته وژل كېږي، بلكې ډېرى داسې قضيې شته چې مجرمين يې د دوديزو پرېكړو پر اساس وژل كېږي
بايد وويل شي چې د اسلامي شريعت له پلوه د زنا په قضيه كې حكم په څلورو عينې شاهدانو او له اجبار پرته له مرتكب څخه په اعتراف د رسمي محاكمو له خوا تطبيقېږي، اما په صحرايي محكمو دغه مراحل او شرايط مقدور نه وي.
د ويلو ده چې په افغانستان كې دا لومړى ځل نه دى چې صحرايي محاكم په خپل سر جوړېږي او د قانون په خلاف عمل كوي، بلكې تر دې وړاندې هم داسې محاكم جوړ شوي او په خپل سر يې عمل كړى دى.


OK
This site uses cookies. By continuing to browse the site, you are agreeing to our use of cookies. Find out more