د موضوعګانو سرپاڼه

وطن پال او نور ګټور شعرونه

له دې ښاره ووت

وصيل پېروز
04.09.2011

هغه چي ښار پرې ښایسته وو له دې ښاره واووت
ځلانده ستوری د اسمان وو له مداره واووت

ما له مودو ورته نیولې وه یو چا ته لاره
هغه سړی زما په مخکي په دې لاره واووت
...
اول مئین وو اوس شاعر هم شو ترې لاس ومنځي
سید خو سم د کار سړی وو، اوس له کاره واووت

دجدای خزان مي مړاوي کړل دزړه ګلونه
کنډر کنډر زړه مي د وصل له بهاره واووت

چا چي د زوی دعا کوله خیر یې نه غوښتلو
نافرمان زوی یې په نصیب شو او له پلاره واووت

اول ګوزار یې په سینه بیا یې په زړه راکړل
درد مي دزړه شو راته پاتي له پرهاره واووت

چا ورنه وپوښتل سیده چي په چا مئین یې
نوم یې دتا په خوله راتلو ځکه له ډاره واووت

سیدشاه خروټی-لندن


OK
This site uses cookies. By continuing to browse the site, you are agreeing to our use of cookies. Find out more