د لوی، مهربان او بخښونکي خدای په نامه
R421887_2005639

د ١٣٨٩ کال ولسي جرګې ټاکنې

ټول افغان د خپلو امکاناتو له مخې هڅه کوي چې افغان ولس ته تل تازه او په معيار پوره معلومات وړاندې کړي. دا دی په افغانستان کې بيا د ولسي جرګې د ټاکنو بهير پيل شوی دی او ټول افغان ورته دلته ځانګړې څانګه پرانستلې ده. که تاسو د ټاکنو په اړه هر ډول معلومات لرئ او نورو افغانانو سره يې شريکول غواړئ نو ټول افغان ته يې راوليږئ مونږ به يې دغلته په ښه شکل ځای په ځای کړو. نوماندان کولای شي په وړيا ډول دلته د خپلو کمپاينونو په اړه ليکنې وکړي او خلک له خپلو پيغامونو خبر کړي. نوماندان کولای شي دلته په بيه هم اعلانونه وکړي. د اعلان د بيې لپاره موږ سره اړيکې ونيسئ. articles@tolafghan.com

10.07.2010 13:24    |   محمد روښان ښاد: مزارشریف له ښاغلي زرغون څخه مننه او لیکوالو ته سپارښتنه

په ټول افغان پښتو ویب پاڼه کې مې د ښاغلي لال پاچا ازمون په هکله د ښاغلي زرغون لیکنه ولوستله. لیکنه تر ډېره له ننګرهار ولایت څخه ولسي جرګې ته د ښاغلي ازمون په ښېګڼو را څرخېدله. د نوموړي په تېرو کړنو یې رڼا اچولې وه، د هغه د شخصیت ځینې ښېګڼې یې یادې کړې وې. داسې منطقي تسلسل یې ورکړی وو چې که ما په ننګرهار کې د رایو ورکولو حق لرلی، نو په ایمان یې وایم چې ما به مې خپله رایه د ښاغلي ازمون په ګټه کارولې وه،ځکه هغه پښتو متل دی چې وایي: ړوند له خدایه څه غواړي دوه سترګې.


08.07.2010 10:26    |   زرغون پکتیکا لال پاچا ازمون یو وړ نوماند

ننګرهاریان دې ځان په دې ډېر نېکمرغه وبولي چې د استاد لال پاچا ازمون په څېر یو وړ، تکړه، لوستی، فکري ځوان کاندید لري. ډېر لږ ولایتونه به دغسې نېکمرغي ولري چې د استاد ازمون په څېر لوستو، وړ، دملي دریځ لرونکو، د ملي ارزښتونوپالونکواو سپېڅلوکسانو په کې د ولس د استازو په توګه ځانونه نومولي وي،ځکه له بده مرغه لا هم په هېواد کې د ټوپکیانو او جنګسالارانو راج چلېږي. لا هم دلته د منطق پر ځای ټوپک، کوتک او زور کارول کېږي. که د بېلابېلو ولایتونو د ولسي جرګې د نوماندانو نوملړ وګورﺉ، نو ډېری یې یا ټوپکیان دي، یا د مافیا غړي، یا داسې کسان دي چې د ولس پر ځای خپلو شخصي، ګوندي او د بهرنیو بادارانو ګټو ته ډېر ژمن دي. هر ساعت او هره شیبه د ولس په سر سودا ته تیار دي.