د لوی، مهربان او بخښونکي خدای په نامه

کرکټ: پرمختګ

18.07.2010 12:25    |   کرکټ څانګه د افغانستان د کرکټ بورډ خبرتیا

د افغانستان کرکټ بورډ پتیلې چې د اکتوبر په میاشت کې د کرکټ د روزونکو(کوچنګ) او لوبڅارو(امپیرانو) تخنیکي څو ورځیني کورسونه د کرکټ د اسیايي شورا په مرسته جوړ کړي.

17.07.2010 13:14    |   کرکټ څانګه راشد لطيف د افغان کرکټ د توپ وهنې روزونکی شو

د افغانستان کرکټ بورډ ټول افغان ته ويلي دي چې د پاکستان پخوانی کپتان، ويکټ ساتونکی او توپ وهونکی راشد لطيف سره یې پخه کړې ده چې د افغان کرکټ د توپ وهنې روزنه به کوي. راشد لطیف سره مخکې هم څو ځل خبرې شوې وې او یوه مياشت وړاندې کابو و چې تړون ورسره لاسليک کړل شي خو افغان کرکټ بورډ د ځينو لوبغاړو او نورو اغېزمنو کسانو د فشار له امله تړون لاسليک نه کړ.

15.07.2010 12:19    |   کرکټ څانګه په کابل کې د کرکټ سټډیم چارې ودرول شوي

د کابل ښاروالۍ کرکټ بورډ ته رسمي مکتوب استولی چې د شهيد نادرخان له تپې لاندې سيمه کې د کرکټ سټډیم د جوړولو چارې ودروي. ښاروالۍ وايي چې په کومه مځکه د کرکټ سټيډيم د جوړولو چاروې روانې دي، د کابل د ښاروالۍ اړوند مځکه ده.

15.07.2010 11:49    |   کرکټ څانګه د ډاکتر ايمل شينواري پرځای ډاکتر حامد شينواری د کرکټ بورډ اجرايوي مشر وټاکل شو

نن د افغانستان د کرکټ بورډ په کابل کې د یو مطبوعاتي کنفرانس په ترڅ کې اعلان وکړ چې ډاکتر ايمل شينواري د کرکټ بورد د اجرايوي مشرله دندې استعفا کړې ده او پر ځای يې ډاکتر حامد شينواری چې تر اوسه مشر غوره کونکی یا چيف سيلکټر و ټاکل شوی دی.

09.07.2010 22:36    |   کرکټ څانګه حميد حسن د کال د غوره لوبغاړي جايزه واخيسته

د افغانستان تېز توپ اچونکي نن د کرکټ يورپ له ويبپاڼې هغه جايزه تر لاسه کړه چې د ۲۰۰۹ کال د ډيسمبر په مياشت کې یې د یوې ټولپوښتنې له لارې ګټلې وه. تېر کال د ډيسمبر په مياشت کې د کرکټ يورپ ويبپاڼې د اسوسيټس او افيليټ هېوادونو د غوره لوبغاړي د غوره کولو په موخه ټولپوښتنه وړاندې کړه چې حميد حسن په کې د کال غوره لوبغاړی ونومول شو. د ټول افغان لوستونکو د حميد حسن په ټاکلو کې مهم رول لرلو.

06.07.2010 13:55    |   کرکټ څانګه خالقداد: زه په پلان روان يم او په راتلونکې کې به لا ښه لوبه کوم

د افغانستان د ملي لوبډلې لوبغاړی خالقداد نوري چې پخوا هم په ملي لوبډله کې و او په تېرو څو سياليو کې د لوبډلې لپاره نه و غوره شوی په هالينډ کې د کرکټ د نړيوالې شورا د لومړي ډويژن په لوبو کې خپله وړتيا ښودلې ده. په سختو حالاتو کې یې توپ اچولی دی او ځلېدلی دی. موږ ورسره د نوموړي د ښې لوبې په اړه مرکه کړې ده چې ستاسو درانه حضور ته یې وړاندې کوو:

24.06.2010 19:58    |   کرکټ څانګه د افغانستان د توپ وهنې د روزنې لپاره د راشد لطيف سره تړون لاسليک نه شو

د افغانستان کرکټ بورډ هغه اقدام عملي نه کړ چې له مخې یې پتيل شوې وه د پاکستان د پخواني کپتان راشد لطیف سره د افغان ملي لوبډلې د توپ وهنې د روزنې لپاره تړون لاسليک کړي. د افغانستان کرکټ بورډ هغه اقدام عملي نه کړ چې له مخې یې پتيل شوې وه د پاکستان د پخواني کپتان راشد لطیف سره د افغان ملي لوبډلې د توپ وهنې د روزنې لپاره تړون لاسليک کړي.

24.06.2010 19:36    |   کرکټ څانګه تاج الدين ملتمل سره د کرکټ بورډ د اجرايه مشرۍ لپاره خبرې روانې دي

له پنځوسو کلونو د زيات عمر څښتن ډاکتر تاج الدين ملتمل په ننګرهار کې د لوړو زده کړو یو انستيتيوت هم لري او د ښوونې او روزنې په اداره کې تجربه لري. سره د دې چې د کرکټ بورډ مشر او د ماليې وزير ډاکتر حضرت عمر زاخېوال ډاکتر ملتمل ته د اجرايه مشرۍ وړانديز کړی دی خو ملتمل لا پرې فکر کوي.

15.06.2010 12:11    |   کرکټ څانګه هستي ګل عابد د کرکټ بورډ تخنيکي مدير وټاکل شو

هستي ګل عابد د افغانستان ملي لوبډلی پخوانی پياوړی لوبغاړی دی چې په تېرو څو سياليو کې نه و لوبېدلی. نوموړی خفه و چې په سياليو کې نه لوبول کېده او په دې اړه یې یو شمېر نيوکې هم لرلې. نوموړی وايي چې غواړي لوبه وکړي خو چې چانس په لاس نه ورځي نو نه غواړي چې لاس تر زنې کېني، او غواړي چې په هېواد کې د کرکټ په خپرولو او بنسټ پياوړي کولو کې ونډه واخلي.

15.06.2010 11:18    |   کرکټ څانګه د افغانستان په کرکټ جوړ شوی فيلم په ادنبره کې ښودل کېږي

د افغانستان په کرکټ جوړ شوی فيلم د سکاټلينډ په ادنبره فيستوال کې د دې مياشتې په ۱۷مه او ۱۹مه نېټه ښودل کېږي. د فيلم پرانيستنې لپاره د دې فيلم عمده لوبغاړی تاج ملوک عالم چې د ملي لوبډلې پخوانی روزونکی دی ورغوښتل شوی دی. تاج ملوک به دوه ورځې وروسته برتانيه ته راونېږي.

13.06.2010 14:40    |   کرکټ څانګه د افغان کرکټ بورډ نيمګړې ويبپاڼه غلا شوې ده

د افغانستان د کرکټ بورډ ويبپاڼه چې لا پوره شوې نه ده د نامعلومو انترنتي غلو له خوا غلا شوې او په لومړي مخ یې بدرد ليکل شوي دي.

02.06.2010 15:16    |   کرکټ څانګه راشد لطیف د ملي لوبډلې د توپ وهنې روزونکی وټاکل شو

د افغانستان دکرکټ بورډ ټول افغان ته ويلي دي چې د پاکستان پخوانی توپ وهونکی راشد لطيف به د افغانستان د ملي لوبډلې د توپ وهنې يا بيټنګ روزونکی وټاکل شي. د کرکټ بورډ اجراييه مشر ډاکتر ايمل شينواري ټول افغان ته وويل چې نوموړی به د جون په ۱۵مه نېټه کابل ته ورځي او ټاکل شوې ده چې تړون ورسره لاسليک کړي.

29.05.2010 14:32    |   کرکټ څانګه د کابل کرکټ لوبغالی به سټيډيم شي

د افغانستان کرکټ بورډ وايي چې په کابل کې د کرکټ لوبغالی به ډېر ژر په سټيډيم واړوي چې د لوبغالي تر څنګ به کرکټ اکاډيمي ، د سيل کونکو د ناستې ځای او د کرکټ بورډ دفتر هم ولري.

29.05.2010 08:54    |   کرکټ څانګه ټول افغان به فيس بوک د کرکټ لپاره پاڼه جوړه کړه

په ډې پاڼه کې به د فيس بوک د کارونکو پاڼو ته د ټول افغان د کرکټ خبرونو، مقالو او شننو حال وررسول کېږي. د کرکټ مينه وال کولای شي چې هلته د تازه احوال ترڅنګ خپلې تبصرې هم وکړي او نظرونه د کرکټ د نورو مينه والو سره شريک کړي.

28.05.2010 15:38    |   کرکټ څانګه کرکټ بورډ د غوراوي کميسيون، د کورني کرکټ او مارکټينګ مديران وټاکل

د افغانستان د کرکټ بورډ ټول افغان ته ويلي دي چې په یو شمېر دندو یې ګمارنې کړي دي چې په کې د غوراوۍ مشر (Chief Selector) او د غوراوۍ د کميسيون غړي، د کورني کرکټ مدير، او مارکيټنګ مدير شامل دی.

19.05.2010 13:52    |   کرکټ څانګه تاج ملوک وايي کرکټ بورډ ته یې استعفی وړاندې کړې ده

د افغانستان د کرکټ د ملي لوبډلې مرستيال روزونکی تاج ملوک عالم وايي چې افغان کرکټ بورډ ته یې خپل استعفا وړاندې کړې ده. تاج ملوک کرکټ بورډ ته په ړاندې کړې استعفی کې د استعفا لامل دا په ګوته کړی دی چې په نړيوال جام کې د افغانستان په ماتو کې د پلټنې غوښتونکی دی.

17.05.2010 23:43    |   کرکټ څانګه کرکټ بورډ: د ۱۶ کاله ټيټ لوبډلې لپاره د عمر معلومولو معاينات سم او باوري دي

د افغانستان د کرکټ بورډ هغه تور ردوي چې یو لوبغاړي لګولی او په کې راغلي دي چې په کابل کې د کرکټ بورډ معايناتو د نوموړي عمر ۱۸ کاله خو په پېښور کې معايناتو ۱۵ کاله او څلور مياشتې ښودلی دی.

17.05.2010 23:12    |   کرکټ څانګه افغان لوبډله په يوه کمپيوټري لوبه کې شامله کړای شوه

د کرکټ د کمپيوټري لوبو يوې مخکښې ويبپاڼې د افغانستان لوبډله هم د نړيوال شل اوريز جام په مناسبت په یوه جوړه شوې لوبه کې شامله کړې ده. نو که چېرته مو په نړيوال جام کې د کوم افغان لوبغاړي لوبه نه وي خوښه شوي نو راځﺉ دا ګز او دا ميدان په خپله یې پرځای په کمپيوټر کې لوبه وکړﺉ اوتاسو یې ښه ولوبوﺉ.

16.05.2010 22:33    |   کرکټ څانګه د ننګرهار کرکټ اکاډ‌يمي په وسايلو سمبال کړی شوه

د ننګرهار کرکټ اکاډيمي چې د هېواد په کچه یواځينۍ پرمختللې او مجهزه معياري کرکټ اکاډيمي ده د یو کال لپاره د سنټرل ايشيا ډويلپمنټ ګروپ سره نن په یوه غونډه کې د یوکال سپانسرشپ قراداد لاسليک کړ چې په نتيجه کې به یې د ننګرهار کرکټ اکاډيمي د توپ اچونې د ماشين او ډېرو نورو وسايلو څښتنه شي.

12.05.2010 07:23    |   کرکټ څانګه ټولپوښتنه: د سپانسرشپ او په نړيوال جام کې د برخه اخيستو پيسې (۷۸۰ زره ډالر) د چا حق دی؟

د کرکټ د شل اوريز نړيوال جام ته له تللو مخکې د اتصالاتو او سوپريم شرکتونو د افغان ملي لوبډلې سپانسرشپ د افغان کرکټ بورډ سره لاسليک کړ. اتصالاتو د درې لکه دېرش زره امريکايي ډالر او سوپريم د دوه لکه امريکايي ډالر سپانسرشپ تړون لاسليک کړ. په نړيوال جام کې د برخه اخيستو په انعام کې د کرکټ نړيوالې شورا هم افغانستان ته دوه لکه پنځوس زره ډالر ورکړي دي. چې ټولټال د سپانسرشپ او انعام پيسې اوه لکه اتيا زره امريکايي ډالر کېږي. لانجه په دې ده چې دا پيسې د چا حق دی.

06.05.2010 17:25    |   کرکټ څانګه IPL غواړي شاهپور ځدراڼ د پيون لوبډلې لپاره واخلي

د افغانستان د کرکټ بورډ ويلي دي چې د هندوستان د پريمير ليګ لپاره نوې جوړېدونکې لوبډله (پيون) غواړي چې شاهپور ځدراڼ له ځانه سره په لوبډله کې شامل کړي.

04.05.2010 00:59    |   الهام یاسیني د ملي لوبډلې لوبغاړي ریس احمدزي تقاعد اعلان کړ

د ملي لوبډلې تکړه لوبغاړي او پخواني کپتان ریس خان احمدزي نن په بربډوز کې رسنیو ته ویل چې د نړیوالو شل اوریزو اتلولیو سیالۍ به مې دلوبډلې سره ورستنۍ سیالۍ وي.

03.05.2010 12:21    |   بختیارحسین خیل کبيرخان: افغان توپوهونکي په شارټ پچ (لنډ) توپونو کې مشکل لري

د افغان لوبډلې روزونکي کبیرخان دا څرګندونی د کرکټ نړیوالی شورای سره شریکی کړیدی. کبیر خان په دی خبره اعتراف کړی چی افغان لوبغاړی د شارټ پچ بالونو سره بلد نه دي او همدا لامل دی چې د هند سره په لوبه کی په۸ سوځیدلو لوبغاړو کی ۵ لوبغاړی په شارټ پچ توپونو اوټ شویدی.

27.04.2010 11:21    |   کرکټ څانګه الجزيرې د افغانستان د کرکټ په ملي لوبډله جوړ شوی مستند فيلم وښود

د الجزيره انګليسي تلويزيوني چينل د افغانستان د کرکټ په ملي لوبډله مستند فيلم جوړ کړی دی او ليدونکو ته یې وړاندې کړ. فيلم به د پنجشنبې تر ورځې پورې په انګليسي الجزيره په بېلابېلو وختونو ښودل کېږي.

27.04.2010 03:27    |   کفايت الله نبي خېل او الهام ياسيني اتصالات د کرکټ بورډ او لوبډله سپانسر کړه

د افغانستان د کرکېټ ملي تیم د نړیوالو سیالیو لپاره خپلې هلې ځلې پیل او د اتصالات د مخابراتي شرکت له خوا په هیله مندۍ سره د ویسټ انډیز د لوبو پر خوا ور روان شول.