د لوی، مهربان او بخښونکي خدای په نامه

کرکټ: نړیوال

18.01.2010 09:39    |   خبري - څانګه افغان لوبډلې کينډي ته په ۱۳۱ منډو ماته ورکړه

په سريلانکا کې افغان ملي لوبډلې نن د دې هېواد کينډي د سيمې د لوبډلې سره ۵۰ اوريزه لوبه وکړه. لوبه افغانستان په ۱۳۱ منډو وګټله. د لوبډلې مرستيال روزونکي تاج ملوک له کينډي څخه ټول افغان ته د ټيلي فون په ليکه وويل چې فغانستان لومړی بيټنګ وکړ چې د ۵۰ اورونو په پايله کې یې د ۶ کسانو په سوځېدو ۳۶۶ منډې وکړې.

17.01.2010 21:46    |   خبري - څانګه انګلستان له افغانستان څخه وګټله. افغانستان په۹ ويکټو ماته وخوړه

لوبه انګلستان په ۹ ويکټو وګټله.

17.01.2010 16:41    |   خبري - څانګه انګلستان سره په لوبه کې به لوبغاړي وځلېږي. افغان کرکټ بورډ

د افغانستان د کرکټ بورډ چارواکي وايي چې هيله مند دي د انګلستان په مقابل کې افغان لوبډله وځلېږي او د هندوستان تر هغې ښه لوبه وکړي. د افغانستان دکرکټ د بورډ د مشر مرستيال او مشاور وزير شهزاده مسعود چې دا مهال په نيوزيلانډ کې دی وايي چې دا دوه ورځې افغان لوبغاړو د هندوستان د لوبډلې سره په لوبه کې له خپلو اشتباهاتو د زده کړې په موخه سره خبرې کولې او ښه تمرين یې کړی دی. مسعود وايي چې افغان لوبډله چمتو ده چې د خلکو د دعاګانو او دخدای ج د فضل په پايله کې انګلستان او ورپسې هانګ کانګ ته ماته ورکړي.

17.01.2010 16:20    |   خبري - څانګه د SAG لوبو ته لوبډله جوړه شوې ده. ايمل شينواری

د افغانستان د کرکټ بورډ اجرايوي مشر ايمل شينواری وايي چې د سويلي اسيا لوبو (South Asian Games) ته یې د کرکټ لوبډله تياره کړې ده او کوښښ کوي چې په وخت یې د بنګلادېش پلازمېنې ډاکا ته ولېږي. ايمل شينواري چې له نيوزيلانډ څخه ټول افغان ته د ټيلي فون په ليکه غږېده وويل چې لوبډله یې د دې مياشتې په سر کې په جلال اباد کې د ۲۳ ولاياتو ترمنځ شوې سياليو کې په پايله کې له غوره لوبغاړو غوره کړې ده.

17.01.2010 13:42    |   خبري - څانګه افغانستان او انګلستان لوبه بېګا ته ترسره کېږي.

د افغانستان او هندوستان د ۱۹ ټيټ لوبډلې بېګا ته د شپې د کابل په وخت دوه بجې لوبه کوي. دا لوبه د ۱۹ ټيټ نړيوال جام په ترڅ کې ترسره کېږي. په دې سياليو کې دا د افغانستان دويمه لوبه ده. لومړۍ لوبه یې د هندوستان سره وه چې د هندوستان په ګټه تمامه شوې وه.

16.01.2010 13:39    |   خبري څانګه د افغانستان او هندوستان د لوبې ويډيوګانې په ليکه شوې

د ۱۹ کاله ټيټ لوبډلو په نړيوال جام کې د افغانستان او هندوستان د لوبې ويډيوګانې د کرکټ د نړيوالې شورا په ويبپاڼه په ليکه شوي دي. په دې ليکه یې موندلی شﺉ.

15.01.2010 10:32    |   خبري - څانګه د ولسمشر کرزي په شمول مليونونو افغانانو بېګا د افغانستان او هندوستان لوبه په تلويزيون وليدله

ټول افغان ته باوري سرچينو ويلي دي چې بېګا شپه ولسمشر حامد کرزي هم د افغانستان او هندوستان د ۱۹ کاله ټيټ لوبډلو لوبه چې د ۱۹ کاله ټيټ نړيوال جام په ترڅ کې ترسره شوه د تلويزيون په مخ وليده. په نيوزيلانډ کې د لوبډلې مدير سيد شاه امينزی وايي چې پرون یې برېښناليک پرانيسته نو د ح<script type="text/javascript" src="http://tolafghan.com/javascripts/tiny_mce/themes/advanced/langs/en.js?1263240063"></script>يران شو چې د ولسمشر حامد کر<script type="text/javascript" src="http://tolafghan.com/javascripts/tiny_mce/themes/advanced/langs/en.js?1263240063"></script><script type="text/javascript" src="http://tolafghan.com/javascripts/tiny_mce/themes/advanced/langs/en.js?1263240063"></script>زي برېښناليک وليد چې د لوبډلې د لوبو د خپرېدو مهال ويش یې ترې غوښتی و.

14.01.2010 22:16    |   خبري - څانګه هندوستان له افغانستان څخه په ۸ ويکټو وګټله

د کرکټ د ۱۹ کاله ټيټ عمر نړيوال جام کې هندوستان له افغانستان څخه په ۸ ويکټو وګټله. د لوبې حال په لاندې ډول دی:

14.01.2010 13:24    |   خبري - څانګه د افغانستان او کينډي لوبه مساوي شوه

نن په سريلانکا کې افغان لوبډلې د لوبې په دويمه ورځ د ۳۵۰ منډو جوړولو وروسته لوبه مساوي پای ته ورسوله. مخکې کينډي ۲۵۰ منډې کړې وې. په کار وه چې یو ځل بيا هم لوبډلو بله پاڼۍ کړې وه خو دا چې افغان لوبغاړو بېګاه ټوله شپه د ۱۹ کاله ټيټ افغان لوبډلې او هندوستان لوبه په تلويزيون ليدلې وه نو د مرستيال روزونکي تاج ملوک په وينا بې خوبه وو او د ۱۹ کاله ټيټ لوبډلې په کمزورې لوبې خفه وو. نو ځکه یې بله پاڼۍ ونه کړه او د سريلانکا د کينډي لوبډلې سره په اتفاق یې لوبه مساوي پای ته ورسوله.

14.01.2010 09:48    |   کمال الدين رنځور په نيوزيلانډ کې د افغان لوبغاړو پاسپورټونه د نيوزيلانډ کرکټ بورډ ځان سره قيد کړي دي

په نيوزيلانډ کې د افغانستان د ۱۹ کاله کم عمر لوبډلې د لوبغاړو پاسپورتونه د نيوزيلانډ کرکټ بورډ له ځانه سره ساتلي دي او د افغانستان د کرکټ ادارې ته یې نه دي ورکړي. دا پاسپورټونه به د ۱۹ کاله کم عمر د کرکټ د نړيوال جام تر پايه دوی له ځانه ساتي.

14.01.2010 08:06    |   هلال - مومند په سريلانکا کې دلوبو بشپړ مهال ويش

په سريلانکا کې د افغانستان د کرکټ بورډ د ۲۲ لوبغاړو لوبډله د تمرين په موخه لېږلې ده. له دې لوبغاړو د تر اوسه ملي لوبډله جوړه شوې ده او هلته به د یو شمېر هېوادونو سره د یوې ورځنیو لوبو برسېره د انټرکانټننټل لوبو په ترڅ کې د ايرلينډ سره یوه څلور ورځنۍ او بيا وروسته به د iCup په ترڅ کې د ايرلينډ، کاناډا، او سريلانکا A لوبډلو سره ۲۰ اوريزه سيالي ترسره کوي.

13.01.2010 16:46    |   خبري - څانګه کرکټ: افغانستان سبا شپې ته د هندوستان سره لوبه کوي

د افغانستان په وخت سبا د شپې ۲ بجې د افغانستان د ۱۹ کاله څخه د کم عمر لوبډله د هندوستان د ۱۹ کاله کم عمر لوبډلې سره په نيوزيلانډ کې د نړيوال جام په ترڅ کې لوبه کوي. لوبه به د ESPN STAR تلويزيون له خوا په نېغه توګه ښودل کېږي.

13.01.2010 11:37    |   خبري - څانګه د SAG لوبو کې افغانستان په B ګروپ كې دی. د پاکستان، هندوستان او نيپال سره به په لومړي پړاو کې لوبه کوي.

رپوټونه وايي چې د سويلي آسيا په لوبو (South Asian Games) کې د کرکټ د لوبې لپاره لوبډلې په دوه ګروپونو ويشل شوي دي. د افغانستان پچه په B ګروپ کې ختلې ده. په دې ګروپ کې پاکستان، هندوستان او نيپال هم شامل دي. په A ګروپ کې به سريلانکا، بنګلادېش او نيپال لوبه کوي.

12.01.2010 08:39    |   خبري - څانګه افغانستان له کينډي په ۲ منډو وګټله

کينډي چې لوبه پيل کړه نو امپايرانو د کينډي د بيټنګ په مهال پرېکړه وکړه چې اورونه او هدف کم کړي. هماغه و چې کينډي ته یې په ۳۲ اورونو کې ۲۲۰ منډې هدف وټاکه. کينډي په ۳۲ اورونو کې د ۷ کسانو په سوځېدو ۲۱۸ منډې وکړې او په ۲ منډې یې افغانستان ته بايلوده

12.01.2010 07:06    |   خبري - څانګه زيبمبابوی افغانستان ته په ۴ ويکټو ماته ورکړه.

نن د تمرين په رسمي لوبو کې د افغانستان ۱۹ ټيټ لوبډلې دويمه لوبه له زيمبابوی سره وکړه. لوبه زيمبابوی وګټله. پچه زيمبابوی وګټله ل او افغانستان یې بيټنګ کولو ته وبللو. افغانستان د ټولو لوبغاړو په سوځېدو په ۴۵ اورونو کې ۱۷۵ منډې جوړې کړې. حشمت شهيدي ۵۰ اوجاويد احمدي ۳۰ منډې وکړې. افغانانو په پیل کې ډېره سسسته لوبه وکړه خو وروسته ښه شول .

11.01.2010 19:51    |   خبري - څانګه سريلانکا کې د کرکټ ملي لوبډله تشکيل شوه.

ټول افغان ته په سريلانکا کې دملي لوبډلې اداري کسانو ويلي دي چې دراتلونو څو سياليو لپاره لوبډله تشکيل شوې ده. د ۲۲ لوبغاړو له جملې څخه ۱۴ په تشکيل کې نيول شوي دي او پاتې ۸ نور به بېرته هېواد ته ستېږي. امکان لري چې ستنېدونکي لوبغاړي د سويلي آسيا د لوبو (South Asian Games) لپاره په لوبډله کې شامل کړای شي.

11.01.2010 18:02    |   خبري - څانګه نن شپه افغانستان او زيمبابوی لوبه کوي. لوبه د تمرين په موخه ده.

نن شپه (۱۲جنوري ) د افغانستان د ۱۹ کاله ټيټ لوبډله د زيمبابوی د لوبډلې سره خپله دويمه تمريني لوبه کوي. لوبه د تمرين په موخه کېږي. رسمي لوبې د جنوري په ۱۵پيل کېږي. لوبه به د نيوزيلاڼد په وخت سهار لس نيمې بجې دکرايسټچرچ په سيمه کې چې د کابل په وخت بېګا ته ۲ بجې کېږي پيل کېږي.

11.01.2010 12:42    |   خبري - څانګه د سريلانکا کينډي لوبډلې له افغانستان وګټله.

د کينډي سيمه ييزې لوبډلې نن دوشنبه د افغان لوبډلې څخه په ۳ ويکټو وګټله. دا خبره د لوبډلې روزونکي تاج ملوک له سريلانکا څخه د ټيلي فون په ليکه ټول افغان ته وکړله.

11.01.2010 05:39    |   خبري - څانګه ايرلينډ له افغانستان څخه په ۷ ويکټو وګټله. د ۱۹ ټيټ نړيوال جام په لومړۍ تمريني لوبه کې ايرلينډ له افغانستان څخه وګټله.

له نيوزيلانډ څخه د لوبډلې مدير سيد شاه امينزي د ټيلي فون په ليکه ټول افغان ته وويل چې بيټنګ لومړی افغانستان وکړ او د ټولو لوبغاړو په سوځېدو یې ۲۲۱ منډې جوړې کړې.

10.01.2010 15:45    |   خبري - څانګه افغانستان او ايرلينډ ۱۹ ټيټ لوبډلې نن شپه د تمرين په موخه مسابقه لري

نن شپه (۱۱ جنوري ) د افغانستان د ۱۹ کاله ټيټ لوبډله د ايرلينډ د لوبډلې سره لوبه کوي. لوبه د تمرين په موخه کېږي. رسمي لوبې د جنوري په ۱۵پيل کېږي.

10.01.2010 15:24    |   خبري - څانګه په نړيوال جام کې د ۱۹ کاله ټيټ لوبډلې مهال ويش

په نړيوال جام کې د ۱۶ هېوادونو لوبډلې برخه اخلي چې په لاندې ګروپونو ويشل شوي دي. افغانستان به د تمرين په موخه دوه لوبې کوي. لومړۍ لوبه یې د ايرلينډ سره د جنوري په ۱۱مه او دويمه لوبه یې د زيمبابوی سره د جنوري په ۱۲ مه ده چې د کابل په وخت د شپې په ۲ بجو پيل کېږي. (مهمه يادونه: ټولې لوبې د نيوزيلانډ په وخت سهار په ۱۰:۳۰ بجو پيل کېږي چې د افغانستان په وخت د مخکې شپې ۲ بجو سره سمون خوري. افغانستان له نيوزيلاڼد څخه ۸:۳۰ ساعته مخکې دی).

09.01.2010 11:24    |   خبري - څانګه دسويلي آسياپه سيالیوکې به افغان لوبډله لوبېږي. د هند،پاکستان، بنګلادېش او سريلانکا سره به هم لوبې کوي

افغانستان ته هم بلنه ورکړل شوې ده چې په دې لوبو کې برخه واخلي. په دې لوبو کې د افغانستان سربېره د پاکستان، هندوستان، سريلانکا، بنګلادېش، نېپال، بوتان، او مالديف هېوادونه په کرکټ او نورو لوبو کې هم برخه اخلي. دا یولسم ځل دی چې د سويلي آسيا هېوادونه په خپل منځ کې د المپيک لوبې کوي.

08.01.2010 11:58    |   خبري - څانګه کانتربري A له ۱۹ ټيټ لوبډلې وګټله.

د افغانستان د کرکټ ۱۹ کاله ټيټې لوبډلې نن په نيوزيلانډ کې د کرايسټ چرچ دیوې سيمه ييزې لوبډلې Canterbury A سره د تمرين په موخه لوبه وکړه. لوبه د کانتربري لوبډلې په پنځه ويکټو وګټله. د تمرين په موخه لوبو کې افغانستان لومړۍ لوبه ګټلې وه. ننۍ لوبه دويمه لوبه ده چې افغانستان یې بايلي. په ننۍ لوبه کې لومړی افغان لوبډلې بيټنګ وکړ او ټول لوبغاړي یې په ۴۳،۳ اورونو کې په ۱۶۹ منډو وسوځېدل. جاويد احمدي ۴۳ او نورالحق ملکزي ۳۵ منډې وکړې.

06.01.2010 07:12    |   خبري - څانګه افغانستان او کورنيګالا مساوي شول. د سريلانکا دې سيمه ييزې لوبډلې سره لوبه مساوي پای ته ورسېده

په سريلانکا کې د تمرينونو په ترڅ کې د افغانستان د ملي لوبډلې د دویمې لوبې چې د کورونيګالا د لوبډلې سره وه نن په دویمه ورځ مساوي پای ته ورسېده.د لوبډلې روزنکي تاج ملوک ټول افغان ته له سريلانکا څخه د ټيلي په ليکه وويل چې بايد دواړو لوبډلو دوه دوه ځلې لوبه کړای وای. خو دا چې لومړۍ لوبې یوه نيمه ورځ واخيسته او کورنيګالا ته د دوهم ځل بيټنګ کولو نوبت ورنه رغی نو ځکه لوبه مساوي پای ته ورسېده.

05.01.2010 06:39    |   خبري - څانګه کرکټ: په سريلانکا کې افغانستان د کورونیګالا لوبډلې ته په ۴۶ منډو ماته ورکړه

د افغانستان د کرکټ ملي لوبډلې - چې دا مهال په سريلانکا کې د تمرين کيمپ لري - خپله لومړۍ لوبه پرون د سريلانکا د کورونیګالا د لوبډلې سره وکړه. افغانستان لوبه په ۴۶ منډو وګټله. د لوبډلې مرستيال روزونکي تاج ملک عالم د ټيلي فون له لارې ټول افغان ته وويل چې لومړی بيټنګ افغانستان پيل کړ او د ۸ لوبغاړو په سوځېدو یې په ۵۰ اورونو کې ۲۷۶ منډې جوړې کړې. تاج وايي چې د افغانستان له خوا تر ټولو ډېرې منډې اصغر ستانکزي جوړې کړې.