د لوی، مهربان او بخښونکي خدای په نامه

کرکټ: نړیوال

11.02.2010 06:20    |   کرکټ څانګه افغانستان امريکا ته ماته ورکړه او سوپر فور ته بريالی شو

افغانستان امريکا ته ماته ورکړه او سوپر فور ته بريالی شو

10.02.2010 22:41    |   کرکټ څانګه په سکاټلينډ د افغان بري انځوريز رپوټ

افغانستان نن په يوه شانداره لوبه کې سکاټلينډ ته ماته ورکړه. دا لوبهد ۲۰ اورونو نړيوال جام د غوراوي سيالۍ په ترڅ کې د ابوظبي د شيخ زايد په لوبغالي کې د سوونو افغان ملاتړو په شتون کې ترسره شوه. پچه سکاټلينډ وګټله او افغانستان ته یې د بيټنګ کولو بلنه ورکړه. افغانستان په ۲۰ اورونو کې په ډېره سخته ۱۳۱ منډې وکړې او سکاټلينډ ته یې د ۱۳۲ منډو هدف ورکړ.

10.02.2010 22:29    |   کرکټ څانګه کرکټ: افغانستان به نن له امريکا سره لوبه کوي

افغانستان نن د امريکا د متحده ايالاتو له لوبډلې سره لوبه کوي. لوبه د ۲۰ اورونو نړيوال جام د غواروي په ترڅ کې ترسره کېږي. لوبه د اماراتو په وخت ۱۲ بجې (د کابل په وخت ۱۲:۳۰ بجې) پيل کېږي. لوبه د دوبۍ سپورټ سيټي په کرکټ لوبغالي کې ده او د لوبې کتنه وړيا ده.

09.02.2010 21:05    |   کرکټ څانګه افغانستان سکاټلينډ ته په ۱۴ منډو ماته ورکړه. انځوريز رپوټ

افغانستان نن د سکاټلينډ سره لوبېږي. لوبه به د ابوظبي د شيخ زايد په لوبغالي کې د سهار په ۱۰ پيل کېږي

09.02.2010 18:28    |   کرکټ څانګه د افغانستان او ايرلينډ د لوبې انځوريز رپوټ

دغه لوبه چې نن په متحدو عربي اماراتو کې ترسره شوه افغانستان په لومړۍ پاړۍ کې ۱۳۹ منډې جوړې او مخالفې لوبډلې ته يې د ۱۴۰ منډو هدف وټاکه چې د افغان توپ ويشتونکيو د ښې لوبې په برکت مخالفه لوبډله په ۱۲۶ منډو وسوځېده.

09.02.2010 12:48    |   زمه وال زېری : افغانستان ايرلنډ ته ماتې ورکړه

د کرکټ د شل اوريزو سياليو د نړيوال جام د غوراوي په لوبو کې افغانستان ايرلينډ ته د ۱۳ منډو په توپيرماتې ورکړه .

08.02.2010 08:27    |   کرکټ څانګه افغانستان، ايرلينډ ته تاريخي ماته ورکړه

د کرکټ د شل اوريزو سياليو د نړيوال جام د غوراوي په لوبو کې افغانستان ايرلينډ ته د ۱۳ منډو په توپيرماتې ورکړه .

08.02.2010 06:56    |   کرکټ څانګه افتاب عالم په ملي لوبډله کې شامل کړای شو

د افغانستان د ۱۹ کاله ټيټ لوبډلې تېز توپ ويشتونکی افتاب عالم د عبيدالله کنړي پر ځای په ملي لوبډله کې شامل کړای شو. عبيدالله کنړی دوه ورځې وړاندې ځکه کابل ته ولېږل شو چې د ټپ له امله یې د ملي لوبډلې سره لوبې ته دوام نه شو ورکولای.

07.02.2010 08:11    |   کرکټ څانګه افغانستان د اماراتو یوې سيمه ييزې لوبډلې ته ماته ورکړه. انځوريز رپوټ

افغانستان ننۍ لوبه د اماراتو له سيمه ييزې لوبډلې څخه په ۳۹ منډو وګټله. بې شکه چې د اماراتو سيمه ييزې لوبډلې ښه لوبه وکړه او ځينې وختونه یې افغان لوبډله پسې راخيستې وه.

06.02.2010 15:54    |   کرکټ څانګه کرکټ: افغان ملي لوبډله دوبۍ ته ورسېده

دکرکټ ملي لوبډله نن د خالي په ورځ د مازديګر په ۵ بجو د دوبۍ هوايي ډګر ته ورسېده. لوبډله نن د سريلانکا له پلازمينې څخه د کولومبو په وخت د ماسپښين په یوه بجه د دوبۍ خواته خوځېدلې وه.

05.02.2010 00:26    |   کرکټ څانګه د ۲۰ اوريز نړيوال جام د غوراوي بشپړ مهال ویش

د ۲۰ اوريز نړيوال جام د غوراوي سيالۍ - چې افغانستان او ۷ نور هېوادونه په کې برخه اخلي - بشپړ مهال ویش په لاندې ډول دی.

04.02.2010 23:48    |   کرکټ څانګه د کرکټ ملي لوبډله د خالي په ورځ اماراتو ته رسيږي

په سريلانکا کې د کرکټ ملي لوبډلې سره مل اداري چارواکي وايي چې له سريلانکا څخه به د خالي په ورځ د کولومبو په وخت د ماسپښين په یوه بجه د دوبۍ خواته خوځېږي او په همدې ورځ به ماښام دوبۍ ته رسېږي.

04.02.2010 07:40    |   سعيداحمدکاکړ افغانستان له کاناډا څخه په پينځوو ويکټو لوبه وګټله

نن ورځ کريم صادق بيا ښه لوبه وکړه چې ۳۵ بالو يې ۴۲ منډې وکړې

31.01.2010 18:28    |   کرکټ څانګه ايرلينډ فغانستان ته په ۵ ويکټو ماته ورکړه

د څلورو هېوادونو ۲۰اوريزې سيالۍ په ترڅ کې چې په سريلانکا کې ترسره کېږي افغانستان نن لومړۍ لوبه د ايرلينډ سره وکړه. لوبه ايرلينډ له افغانستان څخه په ۵ ويکټو وګټله.

31.01.2010 10:44    |   کرکټ څانګه افغانستان له کاناډا وګټله. افغانستان په ۸ منډو وګټله

د لوبې وروستی حال: باران پيل شو او لوبه ودرول شوه. که لوبه پيل نه شي افغانستان به د D/L ميتود په اساس په ۸ منډو ګټونکی اعلان کړای شي.

27.01.2010 09:26    |   کرکټ څانګه افغانستان د سريلانکا سره زړه راښکونکي مقابله وکړه

لوبه سريلانکا A په ۳۴ منډو وګټله.

27.01.2010 09:12    |   خبري - څانګه امريکا افغانستان ته ماته ورکړه. امريکا ۱۹ ټيټ لوبډلې په ۹ ويکټو وګټله

د افغانستان ۱۹ ټيټ لوبډلې په نيوزيلانډ کې د ۱۹ ټيټ لوبډلو د نړيوال جام په ترڅ کې نن یوه بله ماته وخوړه. دا ځل یې ماته له امريکا وخوړه. امريکايانو وکړای شول چې ټول افغان لوبغاړي په ۳۲ اورونو کې په ۸۶ منډو وسوځوي او هدف په ۱۴ اورونو کې په اسانۍ پوره کړي.

26.01.2010 14:34    |   کرکټ څانګه د نيوزيلانډ کرکټ بورډ د خنزيز غوښې د وړاندې کولو له کبله له افغان لوبغاړو بښنه غوښتې ده

د نيوزيلانډ کرکټ بورډ وايي چې د ۱۹ کاله ټيټ افغان لوبډلې د مينيجر له لارې یې د افغان لوبډلې څخه له دې کبله بښنه غوښتې چې د يکشنبې په ورځ یې ورته د سهار د چای په مهال د خنزير (سرکوزي) ساندويچ وړاندې کړی و.

26.01.2010 08:14    |   خبري - څانګه د ايرلينډ روزونکی: افغانستان ښه کرکټ کوي

د ايرلينډ کرکټ لوبډلې روزونکی فيل سمپسن - چې افغانانو یې لوبډلې ته په څلور ورځنې لوبه کې ماته ورکړه - وايي چې که افغانان همدا ډول لوبې ته دوام ورکړي نو د انټرکانټننټل سياليو ګټلو لپاره به غوره لوبډله وي. نوموړی وايي چې افغان ملي لوبډله ښه کرکټ کوي.

25.01.2010 09:10    |   خبري - څانګه هانګ کانګ له افغانستان څخه وګټله. د هانګ کانګ ۱۹ ټيټ لوبډلې افغان ۱۹ ټيټ لوبډلې ته ماته ورکړه

د ۱۹ کاله ټيټ لوبډلو د نړيوال جام په ترڅ کې نن هانګ کانګ د افغانستان لوبډلې ته ماته ورکړه. هانګ کانګ په ۴ ويکټو وګټله.

23.01.2010 18:43    |   خبري - څانګه د پاپوانيوګيني ۱۹ ټيټ لوبډلې افغان لوبډلې ته ماته ورکړه

د افغانستان له ۱۹ کاله ټيټ لوبډله په نيوزيلانډ کې نن (شنبه) د پاپوانيوګيني د ۱۹ ټيټ لوبډلې سره لوبه وکړه. پاپوانيوګيني افغان لوبډلې ته په ۳۰ منډو ماته ورکړه.

21.01.2010 05:42    |   خبري - څانګه افغانستان ايرلينډ ته په څلور ورځنۍ لوبه کې ماته ورکړه

نن افغانستان ايرلينډ ته د څلور ورځنۍ لوبې په پای کې تاريخي ماته ورکړه. افغانستان وکړای شول چې لوبه په ۷ ويکټو وګټي.

20.01.2010 21:08    |   خبري - څانګه په سريلانکا کې د ملي لوبډلې د لوبو بشپړ مهال ويش

په سريلانکا کې د افغانستان او نورو لوبډلو بشپړ مهال ويش په لاندې ډول دی چې د دې ليکنې په پای کې د ملي لوبډلې د ۲۰۱۰ کال مهال ويش هم روښانه شوی دی.

19.01.2010 13:10    |   خبري - څانګه په نيوزيلانډ کې افغانان ۳ نورې لوبې هم لري

د افغانستان له ۱۹ کاله ټيټ لوبډله په نيوزيلانډ کې د نړيوال جام په ترڅ کې درې نورې لوبې هم لري. دا لوبې به په دې جام کې د ۹م، ۱۰م، ۱۱م، او دولسم مقام د ټاکلو په موخه ترسره کېږي. افغانستان ونشو کړای چې په لومړي پړاو کې پوره نمرې واخلي او سوپر ايټ يا د غوره اته ډلو په کتار کې ځانته ځای جر کړي.

18.01.2010 17:46    |   خبري - څانګه افغانستان هانګ کانګ ته ماته ورکړه. افغان ۱۹ ټيټ لوبډلې په ۸ ويکټو وګټله.

افغانستان ۱۹ هانګ کانګ ۱۹ ته ماته ورکړه. افغان ۱۹ ټيټ لوبډلې په ۸ ويکټو وګټله. د هانګ کانګ ټوله لوبډله په ۳۵ اورونو کې په ۱۳۷ منډو وسوځېده. افغان لوبډلې په ۳۱ اورونو کې ۱۴۱ منډې وکړې او لوبه یې په ۸ ويکټو وګټله. د افغانانو په بيټنګ کې جاويد احمدي وځلېد. په ۹۸ توپونو یې ۹۰ منډې جوړې کړې او تر پايه ونه سوځېد. جاويد ۹ ځلوريزې او ۳ شپږيزي ووهلې.