د لوی، مهربان او بخښونکي خدای په نامه

کرکټ: نړیوال

25.02.2010 10:19    |   کرکټ څانګه په هېواد کې د ملي لوبډلې تود هرکلی وشو

افغان کرکټ ملي لوبډله نن سهار نهه بجې د کابل هوايي ډګر ته داسې مهال ورسېده چې د بارانو ورېدو سره سره یې هرکلي ته په سلګونو افغانان راوتلي وو.

24.02.2010 19:37    |   الهام الحق یاسیني ملي لوبډله د ۵۲ ورځو سفر وروسته سبا سهار ۹ افغانستان ته ستنیږي

ملي لوبډله د ۵۲ ورځو سفر روسته سبا سهار ۹ افغانستان ته ستنیږي

24.02.2010 15:55    |   الهام الحق یاسیني امارات مېشتو افغانانو د کرکټ ملي لوبډلې سره په ځانګړې نمانځغونډه کې خدای په اماني وکړه

غونډه د نسیم الصحراء د شركت د مشر حاجي محمد نسيم له خوا ترتيب شوې وه چې یو شمېر نورو افغان سوداګرو هم په کې لوبډلې ته ډالۍ ورکړې. په غونډه کې چې په سلګونو افغانانو برخه اخيستي وه لوبډله په اتڼونو ونمانځل شوه.

23.02.2010 22:46    |   کرکټ څانګه كاناډا ته د ماتې ورکولو انځوريز رپوټ

څلورمه ورځ: له چيلنج څخه ډکه وه. افغان لوبډلې ته ۴۵۴ منډې کول په کار و. دا د درېمې ورځې انځور دی چې کاناډا په کې بيټنګ ودراوه او افغانان یې بيټنګ کولو ته وروبلل. کاناډا هيله لرله چې افغانان به بيا زر وسوځوي.

23.02.2010 16:58    |   کرکټ څانګه افغانستان کاناډا ته په ماته ورکولو د تاريخ يوه بل پاڼه هم زرينه کړه

افغانستان کاناډا ته په ماته ورکولو د تاريخ يوه بل پاڼه هم زرينه کړه. افغانستان په څلورمه ورځ د کاناډا پاتې ۴۵۴ منډې پوره کړې او ۶ ويکټو یې وګټله.

21.02.2010 11:25    |   کرکټ څانګه د ننګرهار تلويزيون د افغانستان او ايرليڼډ لوبه ښيي. لوبه به د کابل په وخت ۵ بجې او په سبا تکراري ښودل کېږي.

د ننګرهار تلويزيون د افغانستان او ايرليڼډ لوبه ښيي. لوبه به د کابل په وخت ۵ بجې ښودل کېږي. چې سبا سهار ته بيا هم تکرارېږي.

19.02.2010 22:16    |   کرکټ څانګه درېمه ورځ، دويمه پاڼۍ: افغانستان د کاناډا د ۴۹۴ هدف د پوره کولو کوښښ کوي

کاناډا په دويمه پاڼۍ کې له ۱۹۱ منډو کولو څخه وروسته خپل بيټنګ ودراوه او بيایې بيټنګ افغانستان ته ورکړ. افغانستان ۱۳ اورونه لوبه وکړه او ۴۰ منډې یې جوړې کړې چې په دې ترتيب ورته د لوبې د ګټلو لپاره په داسې حال کې ۴۵۴ منډې پاتې دي چې ټولې لس ويکټې په لاس کې لري. سبا ته که افغانان چټکه لوبه وکړي او په هر اور کې له ۴ ډېرې منډې واخلي نو امکان لري چې افغانان لوبه وګټي او پاتې ۱۴ نمرې خپلې کړي خو سخته برېښي. که چېرته افغانان سبا د لوبې ګټلو ته ډېر هيله مند نه وي نو بله غوره لاره ورته دا ده چې د لوبې تر پايه ټولې ويکټې له لاسه ورنکړي او لوبه ډرا (يا بې پايلې) پای ته ورسوي چې په دې ترتيب به لږ تر لږه ۳ نمرې واخلي او کاناډا به پرېنږدي چې د لوبې ټولې ۲۰ نمرې خپلې کړي.

19.02.2010 18:48    |   کرکټ څانګه امارات مېشتو افغانانو د ملي لوبډلې د بري شانداره نمانځنه وکړه

نن د جمعې په ورځ د عربي متحده اماراتو د العين په ښار کې په دې هېواد کې مېشتو افغانانو او مشرانو یې د کرکټ ملي لوبډله ونازوله. د ملي لوبډلې د برياو په مناسبت ورته د هلټن په پنځه ستوريز هوټل کې غونډه جوړه شوې وه چې بېلابېلو افغاني شخصيتونو په کې لوبغاړو او هېوادوالو ته د مبارکۍ پيغامونه واورول او د کرکټ د پرمختګ لپاره یې وړانديزونه وکړل.

18.02.2010 11:02    |   کرکټ څانګه د افغانستان بيټنګ د کاناډا خلاف ونړېد او افغانستان بايلوده. کاناډا له افغانستان څخه په څلورو ويکټو وګټله. انځوريز رپوټ

د افغانستان بيټنګ د کاناډا خلاف ونړېد او افغانستان بايلوده. کاناډا له افغانستان څخه په څلورو ويکټو وګټله

17.02.2010 16:25    |   کرکټ څانګه کاناډا ته د ماتې ورکولو انځوريز رپورټ

افغانستان د سه شنبې په ورځ په یوه زړه درزونکي لوبه کې کاناډا ته په یوه ورځنۍ لوبه کې ماته ورکړه.

17.02.2010 11:34    |   کرکټ څانګه شبير نوري دوبۍ ته ورسېد. د ملي لوبډلې سره د کاناډا خلاف ټيسټ لوبه کې برخه اخلي.

افغان لوبغاړی شبېر نوري د چارشنبې په ورځ له کابله عربي متحده اماراتو ته ورسېد. شبېر نوري به د افغان ملي لوبډلې سره د کاناډا خلاف په ټيسټ یا څلور ورځنۍ لوبه کې چې د انټرکانټننټل لوبو سيالۍ په ترڅ کې ترسره کېږي برخه اخلي.

17.02.2010 10:14    |   کرکټ څانګه افغانستان او کاناډ سبا په شارجه کې لوبېږي. لوبه د شارجه کرکټ لوبغالي په تاريخ کې ۲۰۰مه یوه ورځنۍ لوبه ده.

افغانستان او کاناډ سبا پنجشنبه د عربي متحده اماراتو د شارجې په ښار کې د شارجه کرکټ په لوبغالي کې یوه ورځنۍ لوبه ترسره کوي.

15.02.2010 22:22    |   کرکټ څانګه افغانستان کاناډا ته ماته ورکړه. افغانستان په یوه منډه زړه دروزونکي لوبه وګټله

افغانستان کاناډا ته ماته ورکړه. افغانستان په یوه منډه زړه دروزونکي لوبه وګټله

15.02.2010 18:13    |   کرکټ څانګه د کپ سره د لوبغاړو انځورونه په ليکه شول

د کپ سره د لوبغاړو انځورونه په ليکه شول. د تفصيل لپاره انځور ته ټک ورکړﺉ.

15.02.2010 16:47    |   کرکټ څانګه د افغانستان سفارت د افغان لوبډلې بری ونمانځه

په متحده عربي اماراتو کې د افغانستان سفارت د افغانستان د کرکټ ملي لوبډلې بری ونمانځه. د افغانستان د سفارت د فرهنګي اتشه فضل من الله ممتاز او کارکونکي عبدالستار په هڅو نن سفارت د یو شمېر افغانانو په بلنه د کرکټ ملي لوبډله په ميلمستيا او مرستو ونمانځله.

14.02.2010 11:26    |   کرکټ څانګه په دوبۍ کې اتلولي په جوش ولمانځل شوه. انځوريز رپوټ

د اتلولۍ د نمانځنې انځوريز رپوټ چې د نمانځنې له پيله تر پايه په کې ټول انځورونه درنو لوستونکو ته ډالۍ شوي دي.

14.02.2010 10:31    |   کرکټ څانګه د افغانستان او ايرلينډ لوبې (پايلوبې) انځوريز رپوټ

چه ايرلينډ وګټله او بيټنګ کول یې غوره کړل. دا پرېکړه د ايرلينډ لپاره سمه وه ځکه چې له دې یوه ګړۍ مخکې یې د هالينډ سره لوبه پای ته ورسېده او ډېر لوبغاړي یې ډېر سخت ستړي وو. خو د افغانستان په ګټه وه. کپتان نوروز منګل ټول افغان ته وويل چې که چېرته یې پچه ګټلی وای نو لومړی یې بيټنګ ځکه ايرلينډ ته ورکاوه چې وروسته پرخه غورزېده او توپ لمدېده چې افغاني توپ اچونکو ته یې توپ اچونه سختوله.

14.02.2010 10:30    |   کرکټ څانګه د افغانستان او اماراتو د لوبې انځورونه

افغانستان اماراتو ته ماته ورکړه او نړيوال جام ته یې لاره ومونده

14.02.2010 09:57    |   کرکټ څانګه د پايلوبې ويډيوګانې. د ۲۰ اورونو نړيوال جام غوراوي کې د افغانستان او ايرلينډ تر منځ د پايلوبې ويډیوګانې

دا ويډيوګانې د کرکټ نړيوالې شورا خپرې کړي دي. هرې ويډيو ته چې ټک ورکړﺉ د نړيوالې شورا پاڼې ته مو وړي او هلته ويډيو کتلای شﺉ.

13.02.2010 16:14    |   کرکټ څانګه افغانستان پايلوبه وګټله. افغانستان د شل اوريز نړيوال جام د غوراوي سيالي وګټله.

افغانستان د کرکټ د شل اوريز يا ټونټي ټونټي نړيوال جام د غوراوي په سياليو کې چې په عربي اماراتو کې روانې وې نن په پایلوبه کې ا يرلنډ ته په ماتې ورکولو ددغوسياليو اتلولي ترلاسه کړه چې له مخې يې د اتلې لوبډلې په توګه د غرب الهند په جزايرو کې کېدونکي د شل اوريزو لوبو نړيوال جام ته لار ومونده.

13.02.2010 06:17    |   کرکټ څانګه افغانستان د شل اورونو نړيوال جام ته لار ومونده

نن افغانستان د اماراتو سره د دوبۍ په وخت د دوبۍ د کرکټ په لوبغالي کې په ۱۲ بجو لوبه کوي. لوبه د رزونکي کبيرخان په وينابرخليک ټاکونکي وي .

12.02.2010 08:15    |   کرکټ څانګه افغانستان، هالينډ ته لوبه بايلوده. بشپړ او انځوريز رپوټ

هالينډ په ۴ ويکټو وګټله. افغان لوبډلې نن دزرګونو افغانانوپه مخ کې لوبه وکړه.

12.02.2010 00:32    |   کرکټ څانګه افتاب عالم دوبۍ ته ورسېد. سبا به د ملي لوبډلې سره د هالنډ خلاف په لوبډله کې برخه اخلي

د ملي لوبډلې تر ټول کم عمره لوبغاړی افتاب عالم دوبۍ ته رسېدلی دی. نوموړی د روزونکي کبيرخان او د لوبډلې د مشرانو لوبغاړو له خوا د عبيدالله کونړي پر ځای په لوبډله کې شامل کړای شوی دی. عبيدالله کونړي ونشو کړای چې د ټپ له وجې د ملي لوبډلې سره د شل اوريزو د نړيوال جام د غوراوي سيالۍ کې چې په اماراتو کې ترسره کېږي برخه واخلي.

11.02.2010 22:35    |   کرکټ څانګه امريکا ته د ماتې ورکولو انځوريز رپوټ

د افغانستان د کرکټ ملي لوبډلې د شل اوريزو لوبو دنړيوال جام د غوراوي په لړ کې نن په يوه بله لوبه کې د امريکا متحدو ایالاتو لوبډلې ته په ۲۹ منډو په ماتې ورکولو سره سوپر فور يا د څلورو غوره لوبډلو په کتار کې ودرېدله.

11.02.2010 14:31    |   سلېمانخېل کرکټ: افغانستان امريکاته په ماتې ورکولو د څلور غوره لوبډلو پړاو ته ووت

کرکټ: افغانستان امريکاته په ماتې ورکولوڅلور غوره لوبډلو پړاو ته ووت