د لوی، مهربان او بخښونکي خدای په نامه

کرکټ: نړیوال

د افغانستان دنړيوالو لوبو په اړه رپوټونه

10.07.2010 20:38    |   کرکټ څانګه افغان لوبډله د دوشنبې په ورځ سهار کابل ته رسي

د افغانستان د کرکټ ملي لوبډله د دوشنبې په ورځ سهار په شپږ بجو د کابل هوايي ډګر ته له هالينډ څخه رسي. دا خبره د لوبډلې مدير سيد نظيم جار ټول افغان ته د ټیلي فون په ليکه له هالينډ څخه وکړه.


10.07.2010 18:28    |   کرکټ څانګه افغانستان په لومړي ډويژن کې په درېم مقام راغی

افغانستان په لومړي ډويژن کې په درېم مقام راغی د افغانستان ملي لوبډلې نن په لومړي ډويژن کې د هالينډ سره په درېم مقام لوبه وکړه او خپل یې کړ. افغان لوبډله پرون له سکاټلينډ له خوا ماته شوې وه او ویې نشو کړای چې د لومړي ډويژن پايلوبې ته لار ومومي. پايلوبې ته سکاټلينډ او ايرلينډ لاره موندلې وه چې نن د دوی په لوبه کې ايرلينډ وګټله او د لومړي ډويژن اتل شو.


09.07.2010 10:24    |   کرکټ څانګه لومړی ډويژن: سکاټلينډ افغانستان ته په ۲ ويکټو ماته ورکړه او د پرمختګ مخه یې ډب کړه

لومړی ډويژن: سکاټلينډ افغانستان ته په ۲ ويکټو ماته ورکړه او د پرمختګ مخه یې ډب کړه د کرکټ د نړيوالې شورا د لومړي ډويژن په ترڅ کې نن افغانستان د سکاټلينډ سره برخليک ټاکونکي لوبه وکړه. پچه افغانستان وګټله او توپ وهنه یې غوره کړه. خو لومړۍ دوه ويکټې چې د کريم خان صادق او جاويد احمدي وې زر زر وغورزېدې. کريم صادق ۲ او جاويد احمدي ۳ منډې ترسره کړې.


08.07.2010 14:25    |   نذيراحمد نذير په هالنډ کي د ملي لوبډلي ستاينيزه غونډه جوړه سوه

په هالنډ کې میشتو او په ځانګړې توګه د امستردام په نړیوال هوايي ډګر کې د کارکوونکو افغانانو په لګښت د افغانستان د کرکټ د ملي لوبډلې د ستاینې په موخه نن ماښام د بیفروایک په ښار کې یوه ستاینیزه غونډه جوړه شوې وه.


07.07.2010 12:07    |   کرکټ څانګه لومړی ډويژن: افغانستان هالينډ ته په ۶ ويکټو په اسانۍ ماته ورکړه

لومړی ډويژن: افغانستان هالينډ ته په ۶ ويکټو په اسانۍ ماته ورکړه د کپتان نوروز منګل او اصغر ستانکزي ملګرتوب لا ډېر ارزښتناک و. دواړو په حوصله لوبه وکړه او ويکټې يې تر پايه وساتلې. دواړو د ۹۳ منډو ملګرتوب وکړ او افغانستان ته یې بری راوړ. کپتان نوروز منګل ۶۷ منډې وکړې چې تر ټولو ډېرې منډې وې او د ننۍ لوبې يواځنۍ شپږيزه هم په کې شامله وه. اصغر سلامخېل ۲۸ له حوصلې ډکې منډې وکړې او په پای کې افغانستان په هالينډ په ډېره اسانۍ په ۶ ويکټو بريالی شو. د نن ورځې بری به د افغانستان د منډو اوسط هم لوړ کړي.


04.07.2010 22:58    |   کرکټ څانګه لومړي ډويژن: افغانستان له کينيا څخه په ډېر مشکل په يوه ويکټه وګټله

لومړي ډويژن: افغانستان له کينيا څخه په ډېر مشکل په يوه ويکټه وګټله کينيا چې تر اوسه د لومړي ډويژن تر ټولو کمزورې لوبډله بلل کېږي نن افغانستان ته نسبتا لوړ هدف وټاکه. کينيا لومړۍ دوه ويکټې زر له لاسه ورکړې خو افغان توپ اچونکو ونشو کړای په منځ او اخر کې د کينيا منډې کنترول کړي.


03.07.2010 10:07    |   کرکټ څانګه لومړی ډويژن: ايرلينډ له افغانستان څخه په ۳۹ منډو وګټله. ICC وايي چې له افغان توپ وهونکو ډېره تمه کېده

لومړی ډويژن: ايرلينډ له افغانستان څخه په ۳۹ منډو وګټله. ICC وايي چې له افغان توپ وهونکو ډېره تمه کېده د کرکټ نړيواله شورا وايي چې له افغان توپ وهونکو له دې ډېره تمه کېده خو د ايرلينډيانو د توپ اچونې سره یې اموخته کېدو کې ناکام شول. د کرکټ نړيواله شورا زياتوي چې د حيرانۍ خبره دا وه چې افغانستان پاور پلی ۴۶م اور ته ساتلې وه په داسې حال کې چې په ۴۶م اور کې افغانستان اته لوبغاړي له لاسه ورکړي و او ۱۸۸ منډې یې کړې وې چې په ۳۰ منډو یې ۵۲ منډو ته اړتيا لرله چې یواځې ۱۰ یې ترې په ۱۳ توپونو وکړې. امکان لري افغان لوبډلې دا پرېکړه ځکه کړي وي چې له پرله پسې لوبغاړو له سوځېدو یې تر پايه د ويکټ ساتلو کوښښ کاوه.


02.07.2010 16:50    |   کرکټ څانګه د افغانستان او کاناډا د لوبې انځورونه پر ليکه شول

د افغانستان او کاناډا د لوبې انځورونه پر ليکه شول د کرکټ د نړيوالې شورا په لومړي ډويژن کې په کاناډا د افغانستان د بري انځورونه د کرکټ يورپ ويبپاڼې پر ليکه کړي دي. لوستونکي کولای شي لاندې تړاو ته ټک ورکړي او انځورونه وګوري.


02.07.2010 13:40    |   کرکټ څانګه په کاناډا د بري په اړه د نوروز منګل سره مرکه

د کرکټ نړيوالې شورا د افغان لوبډلې کپتان نوروز منګل سره په لومړي ډويژن کې په کاناډا د افغانستان د بري په اړه مرکه کړې ده چې لاندې یې اوريدی شئ. مرکه په پښتو کې ده.


01.07.2010 21:21    |   کرکټ څانګه افغانستان په چين کې د آسيايي لوبو لپاره د کرکټ لوبډله اعلان کړه

افغانستان په چين کې د آسيايي لوبو لپاره د کرکټ لوبډله اعلان کړه د افغانستان کرکټ بورډ د آسيايي لوبو لپاره د افغانستان د کرکټ لوبډله اعلان کړې ده او نومونه یې د دې لوبو چلونکي ارګان ته سپارلي دي. آسيايي لوبې چې آسياد ورته وايي د ۲۰۱۰ ز کال د نومبر له ۱۲مې نيټې څخه د نومبر تر ۲۷مې پورې د چين د ګوانژو په ښار کې ترسره کېږي.


01.07.2010 09:42    |   کرکټ څانګه لومړی ډويژن: افغانستان لومړۍ لوبه له کاناډا څخه په ۶ ويکټو وګټله. کبير خان خوښ دی.

لومړی ډويژن: افغانستان لومړۍ لوبه له کاناډا څخه په ۶ ويکټو وګټله. کبير خان خوښ دی. د کاناډا د ۲۵۸ منډو هدف رښتيا هم چې سخت و خو افغان لوبغاړو وکړای شول چې تر ډېره ويکټې وساتي او په پای کې کپتان نوروز منګل له دې فرصت څخه په ګټه تېزې منډې وکړې او لوبه یې په خپله ګټه پای ته وروسوله. لوبه دومره سخته شوې وه چې له ګټلو وروسته افغان ملاتړي د ډولونو سره لوبغالي ته کوز شول او د بيرغونو په رپولو یې هرې خوا ته منډې وهلې او خوښي یې کوله.


30.06.2010 15:21    |   کرکټ څانګه لومړي ډويژن په اړه د کپتان نوروز منګل سره مرکه

لومړي ډويژن په اړه د کپتان نوروز منګل سره مرکه لومړي ډويژن په اړه د کپتان نوروز منګل څرګندونې


29.06.2010 19:13    |   کرکټ څانګه حميد حسن او محمد نبي لا په کابل کې دي. امکان لري لومړۍ لوبې ته ورسېږي

حميد حسن او محمد نبي لا په کابل کې دي. امکان لري لومړۍ لوبې ته ورسېږي دواړو ونشو کړای چې له برتانيې څخه نېغ په نېغه هالينډ ته ولاړ شي ځکه چې د هالينډ ويزې یې نه لري. په هالينډ کې د افغن لوبډلې مدير سيد نظيم جار ټول افغان ته وويل چې دوی بايد کابل ته ولاړ شي، د خدمت پاسپورتونه چې په کرکټ بورډ کې پراته دي او د هالينډ ويزې پرې لګېدلي له هغه ځایه واخلي او بيا هالينډ ته ولاړ شي.دوی دواړه برتانيه ته په شخصي پاسپورتونو تللي وو.


28.06.2010 22:34    |   کرکټ څانګه WCL لومړی ډويژن: په تمريني لوبه کې سکاټلينډ افغانستان ته په ۶۵ منډو ماته ورکړه

WCL لومړی ډويژن: په تمريني لوبه کې سکاټلينډ افغانستان ته په ۶۵ منډو ماته ورکړه افغانستان نن په هالينډ کې د سکاټلينډ سره لوبه وکړه. لوبه د کرکټ د نړيوالې شورا د لومړي ډويژن د سيالۍ لپاره د چمتووالي په موخه ترسره شوه چې افغانستان سکاټلينډ ته په ۶۵ منډو بایلوده. د لومړي ډوېژن رسمي لوبې د جولای په لومړۍ نېټه پيل کېږي.


27.06.2010 08:02    |   کرکټ څانګه شمشاد تلويزيون د هالينډ لوبو پوښښ لپاره پلاوی لېږلی

شمشاد تلويزيون د هالينډ لوبو پوښښ لپاره پلاوی لېږلی د افغانستان د کورني پنځوس اوريز ولايتي سيالۍ د بريالي پوښښ څخه وروسته شمشاد تلويزيون په هالينډ کې د لومړي ډويژن د لوبو د پوښښ هوډ کړی دی. شمشاد تلويزيون په دې موخه د ارباب شمس خليل په مشرۍ د ملي لوبډلې سره یو پلایو هالينډ ته لېږلی دی.


26.06.2010 16:55    |   کرکټ څانګه د لومړي ډويژن د سيالۍ مهال ويش خپل کمپيوټر ته ښکته کړئ

د هالينډ کرکټ د لومړي ډويژن د سيالۍ دا مهال ويش خپور کړی دی چې تاسو کولای شئ خپل کمپيوټر کې یې وساتئ او د اړتيا په وخت کې په کې د افغانستان د لوبو وخت او د ځای پته وګورئ.


24.06.2010 20:23    |   کرکټ څانګه WCL لومړي ډويژن: افغانستان به تمريني لوبه د سکاټلينډ سره کوي

WCL لومړي ډويژن: افغانستان به تمريني لوبه د سکاټلينډ سره کوي د کرکټ د نړيوالې شورا د نړيوال کرکټ ليګ د لومړي ډويژن لوبو لپاره د تيارۍ په ترڅ کې به افغانستان تمريني لوبه د سکاټلينډ سره کوي. دا لوبه به د روانې مياشتې په ۲۹مه نېټه د هالينډ د Kon.UD/Salland په ښار کې ترسره کېږي. دا یواځېنۍ لوبه ده چې افغانستان به یې سيالۍ ته د چمتو والي په موخه ترسره کوي. پاتې څلور لوبډلې به هم یوه یوه تمريني لوبه کوي.


24.06.2010 09:47    |   کرکټ څانګه ملي لوبډله هالينډ ته د خالي په ورځ راونېږي. د تمرين انځورونه او رپوټ

ملي لوبډله هالينډ ته د خالي په ورځ راونېږي. د تمرين انځورونه او رپوټ د افغانستان ملي لوبډله به د راروانې خالي په ورځ چې د جون د ۲۶مې سره سمون خوري هالينډ ته د کرکټ د نړيوالې شورا د لومړي ډويژن د سيالۍ لپاره راونېږي. ملي لوبډله دا مهال په جلال اباد کې د تمرين په موخه کيمپ لري. ټول افغان د ملي لوبډلې کيمپ چې په ننګرهار کرکټ اکاډيمي کې د تېرې پنچشنبې (۱۷م جون) راهيسي د اتو ورځو لپاره ترسره کېږي کتلی دی.


24.06.2010 09:18    |   کرکټ څانګه د شپاړلس کلونو ټيټه لوبډله اسلام اباد ته د تمرين لپاره ولاړه

د افغانستان کرکټ بورډ وايي چې د هېواد د شپاړلس کلونو ټيټه لوبډله اسلام اباد ته د تمرين لپاره د تېرې سه شنبې په ورځ تللې ده. په لوبډله کې ټول ۱۸ لوبغاړي دي چې څلور په کې احتياطي لوبغاړي هم شامل دي. لوبډله به په اسلام اباد کې تمريني کيمپ ترسره کوي او بيا به د ماليزيا د پيننګ ښار ته د آسيايي شورا د ۱۶ ټيټ چيلنج کپ د سيالۍ لپاره روانېږي.


17.06.2010 06:47    |   بختیارحسین خیل د انټرکانټنینټل په سیالیو کی افغانستان دويمې نمبر ته کېوت

په دوهمه پاڼئ کی هالینډ بیا ۲۵۷ منډی جوړی کړی چی سکاټلینډ ته د لوبو ګټلو لپاره ۷۶ منډی هدف اوټاکه چی سکاټلینډ د ۶ لوبغاړو په سوځیدو پوره کړ. دی سره سکاټلینډ ۶ نمری د لومړئ پاڼئ بریا او ۱۴ نمری د لوبی د ګټلو ترلاسه کړی چې د سکاټلینډ ټولی نمری ۶۹ شوې چی مخکی افغانستان د ۵۷ نمره په لرلو سره لومړی او سکاټلینډ د ۴۹ نمره په درلودو سره دویم مقام درلود. اوس چې سکاټلينډ له افغانستان نمرې ډېرې لري نو افغانستان د انترکانتننتل سياليو له تخت څخه دويم نمبر کېوت.