نن جانان باندې څۀ چل غوندې ښکاريږي
بيا يې ښکلی موډ بدل غوندې ښکاريږي
تا لۀ ورايه ، ورايه وينمه ای ښکلې!
پۀ سپين مخ دې تور اوربل غوندې ښکاريږي
د رامبېل ، چامبېل نه هم ډېره ښايسته يې!
اننګي دې ګلاب ګل غوندې ښکاريږي
څوک ناڅاپه راته غوږ کې داسې وايي :
ستا اشنا د زړونو غل غوندې ښکاريږي
دا قسمت راسره هيڅکله مل نۀ ؤ
نن قسمت راسره مل غوندې ښکاريږي
راته غورې تل د پوهې، استعداد کړي
خو ملګری مې تمبل غوندې ښکاريږي
نن يې بيا پۀ تورو سترګو کې رانجۀ دي
د وحدت وزير اجل غوندې ښکاريږي
13.01.2012
- سيدجمال الدين فاطمي
د ام ایاس مور خپلې پېغلې لور (ام ایاس) ته د مېړۀ (عوف بن محلم الشیباني) کور ته تر ورتلو مخکې نصیحتونه کوي .
اې لورکۍ! تۀ لۀ هغۀ کور څخه ورجلا شوې چېرته چې تا خاپوړې کړې وې، لۀ هغۀ ژوند څخه ورجلا شوې چېرته چې تۀ لویه شوې وې ، داسې سړي ته ورغلې چې نه یې پېژنې او داسې ملګري ته ورغلې چې ورسره بلده نه یې، نو تۀ د دۀ لپاره وینځه شه ترڅو دی ستا لۀ پاره غلام شي ....
17.01.2012
- سيدجمال الدين فاطمي
کــــــــــــــــــــــــــۀ د نظام د بدلېدو پسې ناره ونۀ شي
نو ، نور به زمونږه پۀ دې چم کې ګذاره ونۀ شي
دا څۀ قانون دی؟ څۀ نظام دی؟ او دا څۀ روان دي؟
چې پکې مزې کوي پردي د خپلو ښه ونۀ شي
دلته پردوه مونږه ته بم راوړی ، غم...